ນັກທ່ອງທ່ຽວສາກົນບັນລຸເປົ້າໝາຍຕະຫຼອດປີ 2023
ບົດລາຍງານສະຖານະການເສດຖະກິດ-ສັງຄົມຂອງກົມສະຖິຕິທົ່ວໄປໃນວັນທີ 29/8 ສະແດງໃຫ້ເຫັນວ່າ, ນັກທ່ອງທ່ຽວສາກົນມາຫວຽດນາມໃນເດືອນ 8/2023 ບັນລຸ 1,2 ລ້ານເທື່ອຄົນ. ໃນ 8 ເດືອນຂອງປີ 2023, ນັກທ່ອງທ່ຽວສາກົນເຂົ້າປະເທດເຮົາຈະບັນລຸ 7,8 ລ້ານເທື່ອຄົນ, ປະມານ 97,5% ຂອງຄາດໝາຍຕ້ອນຮັບແຂກສາກົນຂອງປີ.
ສະເພາະໃນເດືອນ 8/2023, ຫວຽດນາມ ໄດ້ຕ້ອນຮັບນັກທ່ອງທ່ຽວສາກົນ 1.217.421 ຄົນ, ເພີ່ມຂຶ້ນ 117.2% ເມື່ອທຽບໃສ່ເດືອນ 7/2023, ໃນ 8 ເດືອນຕົ້ນປີ 2023, ຫວຽດນາມ ໄດ້ຕ້ອນຮັບນັກທ່ອງທ່ຽວສາກົນ 7.830.953 ຄົນ, ເພີ່ມຂຶ້ນ 543.5% ເມື່ອທຽບໃສ່ໄລຍະດຽວກັນ. ໃນປີ 2022. ແນວໃດກໍ່ຕາມ, ເມື່ອທຽບໃສ່ໄລຍະດຽວກັນຂອງປີ 2019 ກ່ອນການລະບາດຂອງພະຍາດໂຄວິດ-19, ຈໍານວນນັກທ່ອງທ່ຽວຕ່າງປະເທດເຂົ້າມາໃໝ່ແມ່ນເທົ່າກັບ 69.2%.
 |
ປັດຈຸບັນທົ່ວຂະແໜງທ່ອງທ່ຽວ ພວມມານະພະຍາຍາມຍູ້ໄວການຟື້ນຟູ, ເພີ່ມຄວາມໄວໃນການພັດທະນາການທ່ອງທ່ຽວຢ່າງມີປະສິດທິຜົນ, ຍືນຍົງ. ພິເສດ, ນັບແຕ່ວັນທີ 15 ສິງຫາ, ກົດໝາຍວ່າດ້ວຍດ້ານການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້າຍການເຂົ້າອອກເມືອງຂອງພົນລະເມືອງຫວຽດນາມ ແລະກົດໝາຍວ່າດ້້ວຍການເຂົ້າອອກເມືອງ, ຜ່ານແດນ, ພັກອາໄສຂອງຊາວຕ່າງປະເທດ ອາໄສຢູ່ຫວຽດນາມ ດ້ວຍການປ່ຽນແປງທີ່ສຳຄັນຫຼາຍຢ່າງກ່ຽວກັບນະໂຍບາຍວີຊາ ແລະ ໄລຍະເວລາພັກອາໄສຂອງຊາວຕ່າງປະເທດ ທີ່ອາໄສຢູ່ ຫວຽດນາມ ໄດ້ມີຜົນສັກສິດຢ່າງເປັນທາງການ.
ກົມທ່ອງທ່ຽວແຫ່ງຊາດ ຫວຽດນາມ (ກະຊວງວັດທະນະທຳ, ກິລາ ແລະ ທ່ອງທ່ຽວ) ພ້ອມກັບບັນດານັກຊ່ຽວຊານທ່ອງທ່ຽວລ້ວນແຕ່ໃຫ້ຄຳເຫັນວ່າ: ບັນດາການຜັນແປໃນແງ່ດີນີ້ ຈະຊ່ວຍເພີ່ມທະວີກຳລັງແກ່ງແຍ້ງຂອງການທ່ອງທ່ຽວ ຫວຽດນາມ ກັບບັນດາຈຸດໝາຍໃນພາກພື້ນ ແລະ ໃນໂລກ, ຊ່ວຍຍູ້ແຮງການທ່ອງທ່ຽວ ຫວຽດນາມ ຢ່າງແຂງແຮງ. .
ການປ່ຽນແປງຢ່າງເສລີໃນຂະບວນການວີຊາເພີ່ມຂຶ້ນ ແລະ ເພີ່ມທະວີໄລຍະພັກເຊົາຂອງຊາວຕ່າງປະເທດເຂົ້າຫວຽດນາມ ແມ່ນສັນຍານທີ່ດີໃຫ້ແກ່ການທ່ອງທ່ຽວໃນສະພາບການຕ້ອນຮັບແຂກສາກົນທີ່ຈະມາເຖິງ.
ຄຳຮຸ່ງ
