ວັນທີ 14 ສິງຫາ, ລັດຖະບານຫວຽດນາມ ໄດ້ປະກາດໃຊ້ມະຕິວ່າດ້ວຍການປັບປຸງກ່ຽວກັບການຍົກເວັ້ນວີຊາໃຫ້ພົນລະເມືອງບາງປະເທດ. ມະຕິວ່າໄດ້ປັບປຸງກ່ຽວກັບການຍົກເວັ້ນວີຊາໃຫ້ພົນລະເມືອງບັນດາປະເທດ, ຄື: ເຢຍລະມັນ, ຝລັ່ງ, ອີຕາລີ, ແອັດສະປາຍ, ສະຫະພັນລາຊະອານາຈັກ ອັງກິດ ແລະ ອຽກລັງເໜືອ, ສະຫະພັນລັດເຊຍ, ຍີ່ປຸ່ນ, ສ ເກົາຫຼີ, ເດນມາກ, ຊູແອັດ, ນອກແວ, ແຟງລັງ ແລະ ເບລາຣຸດ, ດ້ວຍກຳນົດເວລາພັກເຊົາ 45 ວັນນັບແຕ່ວັນເຂົ້າເມືອງ, ໂດຍບໍ່ຈຳແນກປະເພດໜັງສືຜ່ານແດນ, ຈຸດປະສົງການເຂົ້າເມືອງ, ບົນພື້ນຖານການຕອບສະໜອງບັນດາເງື່ອນໄຂເຂົ້າເມືອງຕາມຂໍ້ກຳນົດຂອງກົດໝາຍ ຫວຽດນາມ ຢ່າງຄົບຖ້ວນ. ມະຕິມີຜົນສັກສິດນັບແຕ່ວັນທີ 15 ສິງຫາ.
 |
| ເພີ່ມກຳນົດເວລາພັກເຊົາຂຶ້ນເປັນ 45 ວັນສຳລັບພົນລະເມືອງຂອງ 13 ປະເທດ(ພາບຈາກອິນເຕີເນັດ) |
ກ່ອນໜ້ານັ້ນ, ສະພາແຫ່ງຊາດໄດ້ຮັບຮອງເອົາກົດໝາຍວ່າດ້ວຍການປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການເຂົ້າ, ອອກເມືອງຂອງພົນລະເມືອງ ຫວຽດນາມ ແລະ ກົດໝາຍເຂົ້າ, ອອກເມືອງ, ຜ່ານແດນ, ພັກເຊົາຂອງຊາວຕ່າງປະເທດຢູ່ ຫວຽດນາມ. ຕາມນັ້ນແລ້ວ, ເວລາພັກເຊົາສຳລັບພົນລະເມືອງຂອງປະເທດທີ່ ຫວຽດນາມ ໄດ້ຍົກເວັ້ນວີຊາພຽງລຳພັງຝ່າຍດຽວ ແມ່ນ 45 ວັນ, ເພີ່ມຂຶ້ນ 30 ວັນເມື່ອທຽບໃສ່ເວລາທີ່ກຳນົດໃນກົດໝາຍວ່າດ້ວຍການເຂົ້າ, ອອກເມືອງ, ຜ່ານແດນ, ພັກເຊົາຂອງຊາວຕ່າງປະເທດ ຢູ່ ຫວຽດນາມ ປີ 2014.
ແລະກໍ່ໃນວັນທີ 15 ສິງຫາ, ລັດຖະບານໄດ້ປະກາດໃຊ້ມະຕິວ່າດ້ວຍການນຳໃຊ້ການອອກວີຊາເອເລັກໂຕນິກໃຫ້ແກ່ພົນລະເມືອງບັນດາປະເທດ, ເຂດແຄ້ວນຢູ່ຕາມບັນດາດ່ານຊາຍແດນສາກົນ ທີ່ອະນຸຍາດໃຫ້ຊາວຕ່າງປະເທດເຂົ້າ, ອອກເມືອງດ້ວຍວິຊາເອເລັກໂຕນິກ. ມະຕິມີຜົນສັກສິດນັບແຕ່ວັນທີ 15 ສິງຫາ.
ດີງເລື້ອງ
