ການສະແດງສິລະປະກຳ-ກາຍຍະສິນ-ມາຍາກົນ.
ງານບຸນແຫ່ດັ່ງກ່າວນີ້ ແມ່ນຈັດຂື້ນໂດຍ ນະຄອນຫຼວງຮ່າໂນ້ຍ ຊີ້ນຳໃຫ້ແກ່ ພະແນກ ວັດທະນະທຳ ແລະ ກິລາ ຮ່າໂນ້ຍ ປະສານສົມທົບກັບ ສູນປົກປັກຮັກສາ ແລະ ພັດທະນາ ສິລະປະ ລະຄອນເວທີ ຫວຽດນາມ ຮ່ວມກັນຈັດຂື້ນ ຄຳນັບຮັບຕ້ອນ 10ປີ ການປັບປຸງເຂດແດນຂອງນະຄອນຫຼວງ ຮ່າໂນ້ຍ (2008-2018). ຈັດ ແລະ ກຳກັບ ງານບຸນແຫ່ນີ້ໂດຍກົງແມ່ນ ນັກສະແດງຍິງ 4ຄົນ ທີ່ມີຊື່ສຽງທາງດ້ານ ສິນລະປະລະຄອນເວທີ ຮ່າໂນ້ຍຄື: ສິນລະປິນປະຊາຊົນ ທຸ໋ຍມຸ່ຍ( ຜູ້ກຳກັບການສະແດງໃຫຍ່), ສິນລະປິນປະຊາຊົນ ເລແຂັງ , ສິນລະປິນປະຊາຊົນ ເຮືອງເທີມ, ສິນລະປິນແຫ່ງຊາດ ມາຍເຮືອງ.
ຂະບວນເຊີດມັງກອນ.
ຄາດວ່າມະຫະກຳບຸນຂະບວນແຫ່ໃນຄັ້ງນີ້ ຈະດຳເນີນໄປ ຕັ້ງແຕ່ 8 ຫາ 11ໂມງ ວັນທີ 29 ກໍລະກົດ , ງານບຸນຈະແບ່ງອອກເປັນ 7 ຂະບວນຫຼັກຄື: ການແຫ່ຂະບວນການສະແດງອ້ອມຮອບ ໜອງເຕົ່າ, ເວທີການສະແດງ ຈະຕຸລັດໜ້າອະນຸເສົາວະລີ ລີ໋ຖ໋າຍໂຕ໋, ຫໍ ບ່າກ້ຽວ, ຈະຕຸລັດ ດົງກິງເຫງຍທືກ, ຕໍ່ໜ້າປະຕູ ລຸກທຸ໋ຍ, ສີ່ແຍກຖະໜົນ ບ່າຈ້ຽວ-ຮ່າງໄຄ, ສີແຍກ ຖະໜົນຮ່າງບ່າຍ-ຈ່າງທີ.
ການຟ້ອນທີ່ຜູ້ຊາຍໃສ່ຊຸດຜູ້ຍິງທາສົບແດງແບບຜູ້ຍິງ(ມົ໋ວກອນດີ໋ແດັ໋ງບົ່ງ).
ໃນຂະບວນນຳໜ້າແມ່ນ ຂະບວນພື້ນບ້ານ ເຊິ່ງມີນັກສະແດງເຖິງ 800ຄົນ, ນັກສະແດງສິນລະປະວັດທະນະທຳ ພື້ນເມືອງເອກກະລັກຂອງນະຄອນຫຼວງຮ່າໂນ້ຍ: ເຊີດມັງກອນ, ເຊີດສິງໂຕ, ສະບັດທຸງ, ຕີກອງ, ຟ້ອນຫຸ່ນກະບອກ, ການຟ້ອນທີ່ຜູ້ຊາຍໃສ່ຊຸດຜູ້ຍິງທາສົບແດງແບບຜູ້ຍິງ, ຟ້ອນບ່າຍບົງ(ບົດຟ້ອນອັນເກົ່າແກ່ ສະໄໝ ລາຊະວົງເຈີ່ນ), ຂະບວນແຫ່ລາຊະສານ, ຟ້ອນທີ່ມີເຄື່ອງດົນຕີອັນເກົ່າແກ່ຂອງຫວຽດນາມ.
ຂະບວນຜູ້ໃສ່ໜ້າກາກສັດປະເພດຕ່າງໆ.
ພິເສດ ແມ່ນຈະມີນາງແບບຫຼາຍຮ້ອຍຄົນ ເຂົ້າຮ່ວມໃນຊຸດເຄື່ອງຍາວ(ອ໋າວຢ່າຍ) ຮ່າໂນ້ຍ, ເຄື່ອງຍາວຂາດຍຸກສະໄໝໃໝ່ ເປັນຜົນງານການອອກແບບຂອງນັກດີຊາຍເນີ ຮ່າໂນ້ຍ. ຈະມີນັກສະແດງ, ສິນລະປິນພື້ນບ້ານ ຈະເຂົ້າຮ່ວມ ສະແດງຂັບຮ້ອງ, ແສບດົນຕີ, ປະສານສອດດ້ວຍການສະແດງກາຍຍະກຳ ອັນຟົດຟື້ນຄື: ນັກສະແດງກາຍຍະສິນ-ນັກມາຍາກົນເປີດໝວກ, ທັງໂຍນບານ, ຫຼິ້ນປາແຕັງ, ເຕັ້ນ ຮີບຮ໋ອບ….
(ຫັດທະບູນ)