| ວາລະສານ Times ໄດ້ສ້າງເວທີປາໄສທີ່ມີປະໂຫຍດໃຫ້ຊາວຫວຽດນາມ ອາໄສຢູ່ຕ່າງປະເທດ ສະເໜີແຜນການສ້າງສາບ້ານເກີດເມືອງນອນ | |
| ປິດຊຸດຝຶກອົບຮົມໃຫ້ແກ່ພະນັກງານວາລະສານປ້ອງກັນຊາດ ກອງທັບປະຊາຊົນລາວ |
ໃນວັນທີ 5 ກໍລະກົດນີ້, ຢູ່ທີ່ຄະນະໂຄສະນາອົບຮົມສູນກາງພັກປະຊາຊົນ ປະຕິວັດລາວ ໄດ້ຈັດພິທີມອບ-ຮັບອຸປະກອນການສ້າງໂຄງການວາລະສານເອເລັກໂຕນິກ ໂດຍການສະໜັບສະໜູນ ຂອງຄະນະບັນນາທິການວາລະສານກອມມູນິດ ແລະ ກຸ່ມບໍລິສັດອຸດສາຫະກຳ ແລະ ໂທລະຄົມມະນາຄົມກອງທັບ Viettel.
ນີ້ແມ່ນໂຄງການໜູນຊ່ວຍ ສະແດງໃຫ້ເຫັນນ້ຳໃຈມິດຕະພາບ ແລະ ຄວາມສາມັກຄີແບບພິເສດລະຫວ່າງສອງອົງການທິດສະດີການເມືອງຂອງສອງພັກ ເວົ້າສະເພາະ ແລະ 2 ປະເທດ ເວົ້າລວມ.
 |
ທີ່ພິທີມອບ-ຮັບ, ທ່ານ ເລຫາຍ - ຫົວໜ້າຄະນະວາລະສານກອມມູນິດເອເລັກໂຕນິກ ໄດ້ເນັ້ນໜັກວ່າ: ວາລະສານກອມມູນິດ ຈະແບ່ງປັນປະສົບການທີ່ສະສົມໃນຂະບວນການຜະລິດວາລະສານເອເລັກໂຕນິກ ໃຫ້ແກ່ວາລະສານເອເລັກໂຕນິກ ອາລຸນໃໝ່ ແລະ ຈະສະໜັບສະໜູນໃຫ້ວາລະສານ ດຳເນີນໄປຢ່າງມີປະສິດທິຜົນ; ຄາດວ່າຈະເປັນຂີດໝາຍສຳຄັນ, ສ້າງພື້ນຖານໃຫ້ວາລະສານອາລຸນໃໝ່ ພັດທະນາຢ່າງເຂັ້ມແຂງ ແລະ ປະຕິບັດໜ້າທີ່ທີ່ພັກ ແລະ ລັດລາວ ມອບໝາຍໃຫ້ເປັນຢ່າງດີ.
ທ່ານ ລາວປ່າວຊົງ - ຮອງຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ ໄດ້ຢືນຢັນວ່າ ການຊ່ວຍເຫຼືອຂອງວາລະສານກອມມູນິດ ໃຫ້ແກ່ວາລະສານອາລຸນໃໝ່ຂອງລາວ ໃນການສ້າງ ແລະ ເຜີຍແຜ່ວາລະສານອາລຸນໃໝ່ເອເລັກໂຕນິກ ບໍ່ພຽງແຕ່ຊ່ວຍໃຫ້ວາລະສານມີຄວາມສາມາດໃນການສົ່ງຂໍ້ມູນຂ່າວສານກ່ຽວກັບນະໂຍບາຍຂອງພັກ ແລະ ລັດຂອງລາວໃຫ້ແກ່ປະຊາຊົນລາວໄດ້ຫຼາຍຂຶ້ນ, ຕອບສະໜອງຄວາມຮຽກຮ້ອງຕ້ອງການຂອງການເຄື່ອນໄຫວການເມືອງໃນຍຸກສະໄໝໃໝ່ໄດ້ຢ່າງວ່ອງໄວ, ກ້ວາງຂວາງ ແລະ ຮອບດ້ານກວ່າຕາມທິດການຫັນເປັນດິຈິຕອນເທົ່ານັ້ນ, ຫາກຍັງຊຸກຍູ້ການໂຄສະນາເຜີຍແຜ່ ກ່ຽວກັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ ອ້າຍນ້ອງ, ປະກອບສ່ວນຮັດແໜ້ນສາຍພົວພັນແບບພິເສດລະຫວ່າງສອງປະເທດ ເວົ້າລວມ, ພ້ອມກັນນັ້ນ ກໍ່ເຮັດໃຫ້ການພົວພັນຮ່ວມມືອັນຍາວນານລະຫວ່າງສອງປະເທດ ມີຄວາມເລິກເຊິ່ງກວ່າ ແລະ ແໜ້ນແຟ້ນກວ່າ ລະຫວ່າງສອງວາລະສານຂອງທັງສອງພັກ.
ຄຳຮຸ່ງ
