ຕາມ Wanderlust ແລ້ວ, ລະດູໃບບານໃໝ່ຂອງເດືອນມີນາແມ່ນຈຸດເວລາທີ່ເໝາະສົມທີ່ສຸດໃນການທ່ອງທ່ຽວເພື່ອຄົ້ນຫາພູຜາປ່າດົງເຂດຕາເວັນຕົກສ່ຽງເໜືອຂອງຫວຽດນາມ. ອຸນຫະພູມຄົງທີ່, ຝົນພຽງເລັກນ້ອຍຈະເປັນເງື່ອນໄຂສະດວກສໍາລັບນັກທ່ອງທ່ຽວໄປຢ້ຽມຢາມໝູ່ບ້ານອ້ອມຂ້າງ ຊາປາ ຫຼື ມາຍເຈົາ.
 |
| ພາບປະກອບ: Internet |
ຊາປາ ຍາມໃດກໍ່ດຶງດູດນັກທ່ອງທ່ຽວທີ່ມັກການຄົ້ນຫາ. ເສັ້ນທາງທີ່ມີຊື່ສຽງທີ່ນຳໄປສູ່ໝູ່ບ້ານ ຢ່າງຕ໊າ ຫຼື ໂລຈ໊າຍ ຈະຖືກປົກຄຸມໄປດ້ວຍນາຂັ້ນໄດທີ່ຍາວຢຽດກວ້າງສຸດສາຍຕາ.
ໂດຍຕັ້ງຢູ່ທາງທິດຕາເວັນຕົກສ່ຽງໃຕ້ຂອງຮ່າໂນ້ຍ, ຮ່ອມພູ ມາຍເຈົາ ໄດ້ຮັບການຕີລາຄາຈາກ Wanderlust ວ່າ ເປັນອີກທາງເລືອກໜຶ່ງທີ່ດີສຳລັບການໄປທ່ຽວທໍາມາຊາດທີ່ຢູ່ໄກ.
ນອກຈາກ ຫວຽດນາມ ແລ້ວ, ເດືອນມີນາ ຍັງເປັນຊ່ວງເວລາທີ່ເໝາະສົມ ໃນການເດີນທາງໄປທົ່ວທຸກພາກຂອງເມັກຊິໂກ, ຍີ່ປຸ່ນ, ນາມິເບຍ, ຈໍແດນ, ໂຄລົມເບຍ, ອີຢິບ ຫຼື ນິວຊີແລນ...
ຫວ່າງມໍ່ໆມານີ້, ໃນການສຳຫຼວດໄວໜຸ່ມທີ່ມັກການເດີນທາງສົມກັບການເຮັດວຽກ ໂດຍວາລະສານທ່ອງທ່ຽວທີ່ມີຊື່ສຽງ The Travel (ການາດາ) ຄັດເລືຶອກ, ຫວຽດນາມ ໄດ້ຈັດອັນດັບທີ 8 ໃນຈຳນວນ 10 ຈຸດທ່ອງທ່ຽວທີ່ດີທີ່ສຸດ.
ບູນມີ
