| ສະມາຄົມມິດຕະພາບຫວຽດນາມ-ລາວ, ວາລະສານ ຍຸກສະໄໝ ຊົມເຊີຍວັນຊາດ ສປປ ລາວ | |
| ວາລະສານ ຍຸກສະໄໝ ອວຍພອນ ສະຖານທູດ ສປປ.ລາວ ປະຈຳ ຫວຽດນາມ ເນື່ອງໃນໂອກາດສະເຫຼີມສະຫຼອງວັນຊາດ ຂອງ ສປປ.ລາວ ຄົບຮອບ 45 ປີ |
ວາລະສານ Times (ສະຫະພັນບັນດາອົງການມິດຕະພາບຫວຽດນາມ) ແມ່ນບ່ອນທີ່ໜ້າເຊື່ອຖືຂອງຊາວຫວຽດນາມ ອາໄສຢູ່ຕ່າງປະເທດເມື່ອຢາກອັບເດດຂ່າວການເມືອງ, ເສດຖະກິດ, ວັດທະນະທຳ ແລະ ບັນຫາສັງຄົມຢູ່ພາຍໃນປະເທດຢ່າງຖືກຕ້ອງກັບຄວາມຈິງ ແລະ ພາວະວິໄສ. ວາລະສານ Times ຍັງໄດ້ສ້າງເວທີປາໄສທີ່ມີປະໂຫຍດ ແລະ ການເຊື່ອມຕໍ່ລະຫວ່າງຊາວຫວຽດນາມ ອາໄສຢູ່ຕ່າງປະເທດ ແລະ ປະເທດຊາດ.
 |
ວາລະສານ Times ໄດ້ສ້າງເວທີປາໄສ ທີ່ມີປະໂຫຍດໃຫ້ຊາວຫວຽດນາມ ອາໄສຢູ່ຕ່າງປະເທດ ສະເໜີແຜນການສ້າງສາບ້ານເກີດເມືອງນອນ |
ນັ້ນແມ່ນການແບ່ງປັນຂອງຊາວຫວຽດນາມ ອາໄສຢູ່ຕ່າງປະເທດ ທ່ານ Steve Bui ແລະ ທ່ານ Ngo Pham Tran ກ່ຽວກັບເຫດຜົນທີ່ເລືອກເອົາວາລະສານ Times ເພື່ອເປັນບ່ອນສະແດງຄວາມຮູ້ສຶກເຖິງຄວາມເອກອ້າງທະນົງໃຈ ຕໍ່ບ້ານເກີດເມືອງນອນ; ພ້ອມກັນນັ້ນ, ກໍ່ສະເໜີແຜນການພັດທະນາເສດຖະກິດ - ສັງຄົມຂອງປະເທດຊາດ.
ວັນທີ 3 ກຸມພາ 2023, ຢູ່ທີ່ພິທີມອບລາງວັນສື່ມວນຊົນແຫ່ງຊາດ (ລາງວັນຄ້ອນຕີ ແລະ ກ່ຽວຄຳ) ຄັ້ງທີ 7 - ປີ 2022 ກ່ຽວກັບການກໍ່ສ້າງພັກ, ໄດ້ມີບົດຂຽນ “ຈາກບັນດາແຜນຜັງເຂດ, ຕ້ອງຈັດຕັ້ງພື້ນທີ່ພັດທະນາແຫ່ງຊາດ” ໂດຍ ນັກປະພັນສອງຄົນ ທີ່ເປັນຊາວຫວຽດນາມ ອາໄສຢູ່ຕ່າງປະເທດ, ທ່ານ Steve Bui ແລະ ທ່ານ Ngo Pham Tran ທີ່ໄດ້ລົງພິມໃນວາລະສານ Times ເຊິ່ງໄດ້ຮັບລາງວັນຫົວເລື່ອງ ຜົນງານດີເດັ່ນຂອງນັກປະພັນທີ່ເປັນຊາວຫວຽດນາມ ອາໄສຢູ່ຕ່າງປະເທດ.
ໂດຍແບ່ງປັນທີ່ພິທີມອບລາງວັນທ່ານ Steve Bui ໃຫ້ຮູ້ວ່າ: “ຂ້າພະເຈົ້າ ແລະ ຊາວຫວຽດນາມ ອາໄສຢູ່ຕ່າງປະເທດຫຼາຍຄົນ ໄດ້ເຂົ້າຮ່ວມປະກອບຄຳເຫັນໃສ່ບາງເນື້ອໃນຂອງມະຕິ ກ່ຽວກັບການພັດທະນາເສດຖະກິດ - ສັງຄົມ ເພື່ອຮັບປະກັນການປ້ອງກັນປະເທດ ແລະ ຄວາມໝັ້ນຄົງໃຫ້ແກ່ບັນດາພາກພື້ນ, ໂດຍປາດຖະໜາຢາກເຜີຍແຜ່ ແລະ ວິເຄາະວິທີການພັດທະນາເສດຖະກິດ-ສັງຄົມ ພ້ອມທັງການຮັບປະກັນຄວາມປອດໄພຂອງປະເທດຊາດ ຈາກທັດສະນະຂອງຄົນທີ່ມີການເຄື່ອນໄຫວດ້ານເສດຖະກິດ ຢູ່ຫຼາຍປະເທດເປັນເວລາດົນນານ. ພວກຂ້າພະເຈົ້າຮູ້ສຶກເປັນກຽດ ແລະ ດີໃຈ ເພາະບັນດາຄວາມຄິດເຫັນຂອງຊາວຫວຽດນາມ ອາໄສຢູ່ຕ່າງປະເທດ ໄດ້ຮັບຄວາມສົນໃຈ, ຮັບຮູ້ ແລະ ການປະກອບສ່ວນອັນລ້ຳຄ່າ ໃນການກໍ່ສ້າງບ້ານເກີດເມືອງນອນ ແລະ ປະເທດຊາດ.
ຄຳຮຸ່ງ
