ທ່ານພັນເອກ ເລຊວນເຟືອງ, ຮອງຜູ້ບັນຊາການ, ຫົວໜ້າເສນາທິການພົນລະພາກຫຼວງ 15, ແລະ ທ່ານພັນເອກ ຄຳຮັ່ງ ໄຊມຸງຄຸນ, ຮອງຫົວໜ້າກົມກໍ່ສ້າງຮາກຖານ, ກົມໃຫຍ່ການເມືອງ ກອງທັບປະຊາຊົນລາວ ເປັນປະທານຮ່ວມກອງປະຊຸມ.
 |
ທີ່ກອງປະຊຸມ |
ເຂົ້າຮ່ວມກອງປະຊຸມມີຜູ້ຕາງໜ້າບາງອົງການກະຊວງປ້ອງກັນປະເທດ ຫວຽດນາມ ແລະ ກະຊວງປ້ອງກັນປະເທດ ລາວ; ບັນດາເຈົ້າໜ້າທີ່ຂອງພົນລະພາກຫຼວງ 15 ແລະ ການນຳ, ຫ້ອງການວິທະຍາໄລເຕັກນິກວິຊາຊີບ ເລກ 21 (ພົນລະພາກຫຼວງ 15).
ໃນເວລາ 3 ເດືອນ, ວິທະຍາໄລເຕັກນິກວິຊາຊີບ ເລກ 21 ຈະຝຶກອົບຮົມ, ບຳລຸງຄວາມຮູ້, ເຕັກນິກ ແລະ ເຕັກໂນໂລຊີທີ່ກ້າວໜ້າໃນການປູກຝັງ ແລະ ລ້ຽງສັດ ທີ່ເໝາະສົມກັບສະພາບເສດຖະກິດ - ສັງຄົມ, ດິນຟ້າອາກາດ, ຄຸນລັກສະນະດິນຂອງປະເທດລາວໃຫ້ພະນັກງານກະຊວງປ້ອງກັນປະເທດລາວ ຈຳນວນ 50 ຄົນ. ພິເສດ, ເນື້ອໃນ ແລະ ຫຼັກສູດຂອງການຝຶກອົບຮົມ ໄດ້ມີການສົມທົບກັບການຮຽນທິດສະດີ ແລະ ປະຕິບັດຕົວຈິງ, ໄປທັດສະນະສຶກສາ, ແລກປ່ຽນປະສົບການ ຢູ່ບັນດາບໍລິສັດ, ໂຮງງານຜະລິດ ຂອງພົນລະພາກຫຼວງ 15.
ກ່າວຄຳປາໄສຕໍ່ກອງປະຊຸມ, ທ່ານພັນເອກ ເລຊວນເຟືອງ ໃຫ້ຮູ້ວ່າ ໂດຍໄດ້ຮັບຄວາມເອົາໃຈໃສ່ຈາກການນຳກະຊວງປ້ອງກັນປະເທດ ແລະ ບັນດາອົງການປະຕິບັດໜ້າທີ່ຂອງສອງກະຊວງປ້ອງກັນປະເທດ, ນີ້ແມ່ນປີທີ 2 ເຊິ່ງພົນລະພາກຫຼວງ 15 ໄດ້ຈັດການຝຶກອົບຮົມກ່ຽວກັບກະສິກຳໃຫ້ແກ່ພະນັກງານກະຊວງປ້ອງກັນປະເທດລາວ. ການເຄື່ອນໄຫວນີ້ບໍ່ພຽງແຕ່ຊ່ວຍເຈົ້າມີແຫຼ່ງກຳລັງຄົນເພື່ອພັດທະນາເສດຖະກິດ - ສັງຄົມເທົ່ານັ້ນ ຫາກຍັງປະກອບສ່ວນເພີ່ມທະວີ ແລະ ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດລະຫວ່າງພັກ, ລັດ, ກອງທັບ ແລະ ປະຊາຊົນສອງປະເທດ ຫວຽດນາມ - ລາວ ອີກດ້ວຍ.
ທ່ານພັນເອກ ຄຳຮັ່ງ ໄຊມຸງຄຸນ ໄດ້ສະແດງຄວາມຂອບໃຈກະຊວງປ້ອງກັນປະເທດຫວຽດນາມ, ພົນລະພາກຫຼວງ 15 ທີ່ໄດ້ຊ່ວຍເຫຼືອກອງທັບ, ປະຊາຊົນລາວ ຝຶກອົບຮົບພະນັກງານ ແລະ ມີຫຼາຍເຄື່ອນໄຫວກ່ຽວກັບການຄ້ຳປະກັນສັງຄົມ. ຕາມທ່ານພັນເອກ ຄຳຮັ່ງ ໄຊມຸງຄຸນ ແລ້ວ, ຊຸດຝຶກອົບຮົມປີ 2022 ອຳນາດການປົກຄອງ, ກະຊວງປ້ອງກັນປະເທດ ລາວ ໄດ້ຕີລາຄາສູງ; ຖັນແຖວພະນັກງານພາຍຫຼັງໄດ້ຮັບການຝຶກອົບຮົມ ກໍ່ໄດ້ໝູນໃຊ້ຄວາມຮູ້ ແລະ ປະສົບການເຂົ້າການພັດທະນາເສດຖະກິດ - ສັງຄົມ ຢູ່ທ້ອງຖິ່ນຂອງລາວ ໄດ້ເປັນຢ່າງດີ.
 |
| ທ່ານພັນເອກ ເລຊວນເຟືອງ ມອບຂອງຂວັນໃຫ້ຄະນະປະຕິບັດງານ ກະຊວງປ້ອງກັນປະເທດ ລາວ. |
ທີ່ກອງປະຊຸມ, 2 ຝ່າຍໄດ້ລົງນາມໃນບົດບັນທຶກມອບຮັບ, ຕ້ອນຮັບ ເເລະ ມອບຂອງຂວັນທີ່ເປັນເອກະລັກຂອງບ້ານເກີດເມືອງນອນໃຫ້ກັນ.
ດີງເລື້ອງ
