| ຮອງນາຍົກລັດຖະມົນຕີ ເຈິ່ນຮົ່ງຮ່າ ຕ້ອນຮັບລັດຖະມົນຕີກະຊວງເຕັກໂນໂລຊີ ແລະ ສື່ສານ ລາວ | |
| ຫວຽດນາມ - ລາວເພີ່ມທະວີການຮ່ວມມືໃນກິດຈະກຳອົງການກຳມະບານ |
ທີ່ການພົບປະ, ສອງຝ່າຍໄດ້ປຶກສາຫາລືກ່ຽວກັບໂຄງປະກອບການຈັດຕັ້ງ, ສະພາບການແຮງງານ, ວຽກເຮັດງານທຳ, ລາຍຮັບຂອງສະມາຊິກສະຫະພັນ, ພະນັກງານ; ແບ່ງປັນຄວາມຫຍຸ້ງຍາກ ແລະ ປະສົບການເພື່ອພັດທະນາສະມາຊິກສະຫະພັນ, ກໍ່ຄື ແບ່ງປັນຂໍ້ມູນຂ່າວສານ ແລະ ແລກປ່ຽນບົດຮຽນ ກ່ຽວກັບສະພາບການເຄື່ອນໄຫວຂອງອົງການກຳມະບານຢູ່ແຕ່ລະປະເທດ, ປາດຖະໜາຢາກຮ່ວມມື, ແລກປ່ຽນ ແລະ ຊ່ວຍເຫຼືອ ເພື່ອຮັດແໜ້ນສາຍພົວພັນສາມັກຄີແບບພິເສດລະຫວ່າງ 2 ປະເທດໃນໄລຍະຈະມາເຖິງ.
ນອກນີ້, ສອງຝ່າຍກໍ່ໄດ້ປຶກສາຫາລື ກ່ຽວກັບຂົງເຂດທາງນ້ຳ, ທາງບົກ, ທາງລົດໄຟ ແລະ ທາງອາກາດຕື່ມອີກ, ພິເສດແມ່ນຂະແໜງການເດີນທະເລຂອງຫວຽດນາມ ແລະ ວຽກງານຄົມມະນາຄົມ ແລະ ໂຍທາທິການໃນເງື່ອນໄຂປະຈຸບັນ.
 |
ອົງການກຳມະບານການຄົມມະນາຄົມຂົນສົ່ງຫວຽດນາມ ແບ່ງປັນປະສົບການກັບອົງການກຳມະບານລາວ. |
ໂດຍແບ່ງປັນຂໍ້ມູນກັບຝ່າຍລາວ, ທ່ານປະທານອົງການກຳມະບານການຄົມມະນາຄົມຂົນສົ່ງຫວຽດນາມ ຟ້າມຮວ່າຍເຟືອງ ໃຫ້ຮູ້ວ່າ: ປະຈຸບັນ, ອົງການກຳມະບານການຄົມມະນາຄົມຂົນສົ່ງຫວຽດນາມ ພວມສຸມໃສ່ຈັດຕັ້ງບັນດາກອງປະຊຸມສຳມະນາ ເພື່ອມຸ່ງໄປເຖິງກອງປະຊຸມໃຫຍ່ຄັ້ງທີ XI ຂອງອົງການກຳມະບານການຄົມມະນາຄົມຂົນສົ່ງຫວຽດນາມ ອາຍຸການ 2023. -2028, ໂດຍມີເປົ້າໝາຍ: ປັບປຸງວິທີການດຳເນີນງານ, ສ້າງຕັ້ງອົງການກຳມະບານໃຫ້ເຂັ້ມແຂງ, ສຸມໃສ່ປົກປັກຮັກສາສິດ ແລະ ຜົນປະໂຫຍດອັນຊອບທຳຂອງສະມາຊິກ ແລະ ພະນັກງານ.
ໃນແຕ່ລະປີ, ອົງການກຳມະບານສອງປະເທດ ໄດ້ຈັດຕັ້ງກອງປະຊຸມເພື່ອປຶກສາຫາລື ກ່ຽວກັບສະພາບການເຄື່ອນໄຫວຂອງອົງການກຳມະບານຢູ່ແຕ່ລະປະເທດ, ແລະ ຖອດຖອນບົດຮຽນເຊິ່ງກັນ ແລະ ກັນ, ແລະ ວິທີຈັດຕັ້ງການເຄື່ອນໄຫວຂອງອົງການກຳມະບານ ແລະ ຂະບວນການຂອງຄົນງານ.
ຄຳຮຸ່ງ
