| ຫວຽດນາມ: ລາຍຮັບຈາກຂະແຫນງທ່ອງທ່ຽວບັນລຸກ່ວາ 8 ຕື້ USD | |
| ເວທີປາໄສການເຊື່ອມຕຈອດຊຸກຍູ້ການລົງທຶນ, ການຄ້າ ແລະ ການທ່ອງທ່ຽວ ລາວ-ຫວຽດນາມ-ໄທ |
ຕາມທ່ານນາງ ສວນສະຫວັນ ວິຍະເກດ ແລ້ວ, ATF 2024 ແມ່ນເຫດການທີ່ສຳຄັນ, ເຊິ່ງບັນດາປະເທດສະມາຊິກອາຊຽນ ຈະເປັນປະທານໝູນວຽນ.
ໃນປີ 2024 ນີ້, ສປປ ລາວ ຈະເປັນເຈົ້າພາບ ຈັດເຫດການນີ້ ທີ່ນະຄອນຫລວງວຽງຈັນ ແຕ່ວັນທີ 22-27 ມັງກອນ 2024.
ນີ້ຈະເປັນຄັ້ງທີ 3 ທີ່ລາວໄດ້ຮັບກຽດເປັນເຈົ້າພາບເຫດການດັ່ງກ່າວ (ລາວເປັນເຈົ້າພາບໃນປີ 2004 ແລະ 2013).
ໂດຍເນັ້ນໜັກເຖິງບັນດາການເຄື່ອນໄຫວທີ່ຈະຈັດຂຶ້ນໃນເຫດການດັ່ງກ່າວ ໄດ້ຖືວ່າແມ່ນໜ້າທີ່ ແລະ ຄວາມຮັບຜິດຊອບຂອງລາວ, ທ່ານ ນາງ ສວນສະຫວັນ ວິຍະເກດ - ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ສປປ.ລາວ ໃຫ້ຮູ້ວ່າ: ປີ 2024, ລາວຈະເປັນເຈົ້າພາບຈັດກອງປະຊຸມລັດຖະມົນຕີການທ່ອງທ່ຽວອາຊຽນ, ກອງປະຊຸມສຸດຍອດການທ່ອງທ່ຽວອາຊຽນ ແລະ ປັນດາກອງປະຊຸມປິ່ນອ້ອມ.
 |
| ທ່ານນາງ ສວນສະຫວັນ ວິຍະເກດ - ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ສປປ.ລາວ |
ທ່ານລັດຖະມົນຕີວ່າການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ກ່າວວ່າ: ຈາກຜົນສຳເລັດຂອງເຫດການຄັ້ງນີ້, ບົດບາດຂອງລາວໃນເວທີສາກົນ ຈະໄດ້ຮັບການຍົກສູງຂຶ້ນ, ພິເສດແມ່ນການເຄື່ອນໄຫວທ່ອງທ່ຽວຂອງລາວ ຈະໄດ້ໂຄສະນາຢ່າງກວ້າງຂວາງເຖິງນັກທ່ອງທ່ຽວພາກພື້ນ ແລະ ສາກົນ.
ຕາມກົມສະຖິຕິການທ່ອງທ່ຽວ (ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວລາວ), ໃນ 3 ເດືອນຕົ້ນປີ 2023, ທົ່ວປະເທດລາວໄດ້ຕ້ອນຮັບນັກທ່ອງທ່ຽວສາກົນ 831.248 ຄົນ.
ການຕ້ອນຮັບນັກທ່ອງທ່ຽວສາກົນຫຼາຍກວ່າ 830,000 ຄົນໃນ 3 ເດືອນຕົ້ນປີ ເປັນສັນຍານທີ່ດີໂດຍສະແດງໃຫ້ເຫັນວ່າ ສປປ ລາວ ຈະສາມາດບັນລຸເປົ້າໝາຍ ຕ້ອນຮັບນັກທ່ອງທ່ຽວສາກົນ 1,4 ລ້ານເທື່ອຄົນໃນປີ 2023.
ຫວ່າງມໍ່ໆມານີ້, ຂະແໜງທ່ອງທ່ຽວຂອງລາວ ໄດ້ຮັບການຍ້ອງຍໍຈາກສື່ມວນຊົນຕ່າງໆຂອງໂລກ, ໂດຍໄດ້ຈັດອັນດັບປະເທດລາວ ໃຫ້ເປັນໜຶ່ງໃນບັນດາແຫຼ່ງທ່ອງທ່ຽວທີ່ໜ້າສົນໃຈທີ່ສຸດໃນປີ 2023.
ຄຳຮຸ່ງ
