| ດ່ານັ້ງ ປະກາດຫຼາຍວັນບຸນ, ເຫດການ ກະຕຸກຊຸກຍູ້ການທ່ອງທ່ຽວລະດູຮ້ອນ | |
| ໂຍະຍານນະໂຍບາຍວີຊາ: ກາລະໂອກາດຄຳເພື່ອດຶງດູດແຂກທ່ອງທ່ຽວສາກົນ |
ວັນທີ 29 ເມສາ, ຕາມຂໍ້ມູນຢ່າງເປັນທາງການຂອງກົມໃຫຍ່ການທ່ອງທ່ຽວ (ກະຊວງວັດທະນະທຳ, ກິລາ ແລະ ການທ່ອງທ່ຽວ) ໃຫ້ຮູ້ວ່າ: ໃນເດືອນເມສາ ປີ 2023, ມີແຂກທ່ອງທ່ຽວສາກົນມາ ຫວຽດນາມ ກ່ວາ 984.000 ເທື່ອຄົນ, ສູງທີ່ສຸດນັບແຕ່ຕົ້ນປີ ມາຮອດປັດຈຸບັນ ແລະ ເພີ່ມຂຶ້ນ 9,9% ເມື່ອທຽບໃສ່ກັບເດືອນ ມີນາ. ຈຳນວນແຂກທ່ອງທ່ຽວພາຍໃນປະເທດຄາດວ່າບັນລຸ 10,5 ລ້ານເທື່ອຄົນ. ໄລ່ລວມໃນເດືອນເມສາ ຜ່ານມາ, ການທ່ອງທ່ຽວ ຫວຽດນາມ ຕ້ອນຮັບແຂກທ່ອງທ່ຽວເກືອບ 3,7 ລ້ານ ເທື່ອຄົນ, ຮັບໃຊ້ແຂກທ່ອງທ່ຽວພາຍໃນປະເທດ 38 ລ້ານເທື່ອຄົນ. ຍອດລາຍຮັບຈາກແຂກທ່ອງທ່ຽວຄາດວ່າບັນລຸ 196,6 ພັນຕື້ດົ່ງ (ປະມານ 8,4 ຕື້ USD).
 |
ຫວຽດນາມ: ລາຍຮັບຈາກຂະແຫນງທ່ອງທ່ຽວບັນລຸກ່ວາ 8 ຕື້ USD |
ໃນຈຳນວນນັກທ່ອງທ່ຽວສາກົນເກືອບ 3,7 ລ້ານເທື່ອຄົນມາຫວຽດນາມ ໃນ 4 ເດືອນຜ່ານມາ, ການມາໂດຍທາງອາກາດຍັງບັນລຸລະດັບສູງສຸດ, ກວມເອົາ 88,7%; ນັກທ່ອງທ່ຽວເຂົ້າມາທາງບົກ ກວມເອົາ 10,1% ແລະ ທາງທະເລ ກວມເອົາ 1,2%.
ສ.ເກົາຫຼີ ສືບຕໍ່ແມ່ນຕະຫຼາດຈັດສົ່ງແຂກທ່ອງທ່ຽວມາ ຫວຽດນາມ ຫຼາຍທີ່ສຸດໃນ 4 ເດືອນຜ່ານມາ, ບັນລຸ 1 ລ້ານເທື່ອຄົນ, ຖັດຈາກນັ້ນແມ່ນ ອາເມລິກາ ດ້ວຍ 260.000 ເທື່ອຄົນ, ໃນຂະນະນັ້ນ ຈີນ ບືນຕົວຂຶ້ນຢືນອັນດັບທີ 3 ດ້ວຍ 252.000 ເທື່ອຄົນ. ແຂກທ່ອງທ່ຽວເດີນທາງມາດ້ວຍທາງອາກາດກວມເອົາສ່ວນຫຼາຍ (88,7%)
ຄຳຮຸ່ງ
