| ຂີດໝາຍອາຫານການກິນທີ່ພົ້ນເດັ່ນຂອງເຂົ້າຈີ່ ຫວຽດນາມ | |
| ຫວຽດນາມ ເຂົ້າຮ່ວມ ວັນບຸນ Carnaval ທີ່ເປັນມູນເຊື້ອຂອງ ເວເນຊູເອລາ |
 |
| ພາບປະກອບ: TTXVN |
ຕາມນັກຂ່າວສຳນັກຂ່າວສານ ຫວຽດນາມ ປະຈຳ ອີຕາລີ ແລ້ວ, ວັນບຸນບັນດາເຜົ່າ, ເຫດການໄດ້ຮັບການຈັດຂຶ້ນເປັນປະຈຳໂດຍເມືອງ Borgomanero ຂຶ້ນກັບເຂດ Piemonte ຂອງອີຕາລີ ອຸປະຖຳໃນກາງເດືອນ ພຶດສະພາຂອງທຸກປີ, ແມ່ນສະຖານທີ່ເຕົ້າໂຮມ ແລະ ພົບປະແລກປ່ຽນ ລະຫວ່າງບັນດາປະຊາຄົມທີ່ມາຈາກຫຼາຍປະເທດໃນໂລກ.
ທີ່ວັນບຸນປີນີ້, ປະຊາຄົມຊາວຫວຽດນາມ ອາໄສຢູ່ ອີຕາລີ ໄດ້ນຳມາເຊິ່ງບັນດາຈຸດວັດທະນະທຳຂອງຊາດທີ່ພົ້ນເດັ່ນ, ຜ່ານນັ້ນ ກໍ່ແນະນຳພາບພົດທີ່ສວຍງາມ ແລະ ມີຄວາມສະຫງົບສຸກຂອງປະເທດ ຫວຽດນາມ ຕໍ່ເພື່ອນມິດສາກົນ.
ໃນເຂດວາງສະແດງຂອງ ຫວຽດນາມ ມີກູບທີ່ມີຫຼາຍຂະໜາດ, ໄດ້ຮັບການສັບຊ້ອນຢ່າງລະມັດລະວັງ ແລະ ໄດ້ຮັບການປະດັບປະດາຢ່າງພົ້ນເດັ່ນ ເຊິ່ງເຮັດໃຫ້ບັນດາແຂກທ່ອງທ່ຽວມີຄວາມສົນໃຈເປັນພິເສດ. ພ້ອມກັນນັ້ນ, ບັນຍາກາດແນະນຳການຂຽວຕົວໜັງສືຫວຽດເດີມກໍ່ດຶງດູດຊາວໜຸ່ມຈາກຫຼາຍປະເທດ ມາຄົ້ນຫາ ແລະ ລົງພຶດຕິກຳຕົວຈິງ ດ້ວຍສິລະປະທີ່ໃໝ່ອ່ຽມນີ້. ມີປະຊາຊົນເປັນຈຳນວນຫຼາຍທີ່ໄດ້ເຂົ້າຮ່ວມວັນບຸນ ກໍ່ຮູ້ສຶກປະທັບໃຈເປັນພິເສດ ແລະ ໄດ້ເຊຍລາຍການສະແດງຊຸດເສື້ອຍາວ, ການຟ້ອນສິງໂຕ, ຟ້ອນກູບ ແລະ ບັນດາລາຍການສະແດງມວຍພື້ນເມືອງຢ່າງສຸດໃຈ.
ໂດຍຕີລາຄາ ແລະ ຢັ້ງຢືນບັນດາການປະກອບສ່ວນຢ່າງຕັ້ງໜ້າຂອງປະຊາຄົມຊາວຫວຽດນາມ ອາໄສຢູ່ ອີຕາລີ, ທ່ານ Sergio Vercelli ຫົວໜ້າຄະນະຈັດຕັ້ງເຫດການໃຫ້ຮູ້ວ່າ ພວກຂ້າພະເຈົ້າດີໃຈກ່ຽວກັບການເຂົ້າຮ່ວມຂອງປະຊາຄົມຊາວຫວຽດນາມ ໃນວັນບຸນຄັ້ງນີ້. ໃນນັ້ນມີການເຊື່ອມຕໍ່ຢ່າງກ້ວາງຂວາງກັບຊາວຫວຽດນາມຫຼາຍຄົນທີ່ອາໄສຢູ່ອີຕາລີ. ຂ້າພະເຈົ້າຂໍສະແດງຄວາມຂອບອົກຂອບໃຈຕໍ່ການປະກອບສ່ວນ ແລະ ບັນດາລາຍການສະແດງທີ່ພົນເດັ່ນເຊິ່ງພວກເພື່ອນໄດ້ນຳມາສະແດງຢູ່ວັນບຸນ.
ບຸນຄົງ
