| ພະຍາຍາມນຳການພົວພັນ ຫວຽດນາມ - ລາຊະອານາຈັກ ອັງກິດ ໃຫ້ນັບມື້ນັບພັດທະນາ | |
| ການພົບປະແລກປ່ຽນປະຊາຊົນຫວຽດນາມ - ອັງກິດ ມີຄວາມສາມາດບົ່ມຊ້ອນພັດທະນາຫຼາຍຢ່າງ |
ພາຍຫຼັງມາຮອດນະຄອນຫຼວງ ລອນດອນ, ທ່ານປະທານປະເທດ ຫວໍວັນເຖືອງ ໄດ້ມາຢ້ຽມຢາມພະນັກງານ, ລັດຖະກອນ ສະຖານທູດ ແລະ ພົບປະກັບປະຊາຄົມຊາວຫວຽດນາມ ອາໄສຢູ່ ລາຊະອານາຈັກອັງກິດ. ກ່າວຄຳເຫັນນະທີ່ນີ້, ທ່ານປະທານປະເທດ ຫວໍວັນເຖືອງ ຢັ້ງຢືນເຖິງຄວາມສຳຄັນພິເສດຂອງການພົວພັນ ຫວຽດນາມ - ອັງກິດ ແລະ ໃຫ້ຮູ້ວ່າ ສອງຝ່າຍພວມມານະພະຍາຍາມຍູ້ແຮງການຮ່ວມມືໃນທຸກຂົງເຂດ, ມຸ່ງໄປເຖິງການຍົກລະດັບການພົວພັນລະຫວ່າງສອງປະເທດຂຶ້ນສູ່ລະດັບສູງໃໝ່ໃນໄລຍະຈະມາເຖິງ.
 |
ທ່ານປະທານປະເທດ ຫວໍວັນເຖືອງ ຢ້ຽມຢາມປະຊາຄົມຊາວຫວຽດນາມ ແລະ ສະຖານທູດຫວຽດນາມ ປະຈຳ ອັງກິດ |
ທ່ານເອກອັກຄະລັດຖະທູດຫວຽດນາມ ປະຈຳອັງກິດ ຫງວຽນຮ່ວາງລອງ ໃຫ້ຮູ້ວ່າ: ມີຊາວ ຫວຽດນາມ ປະມານ 100.000 ຄົນພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ ອັງກິດ; ແຈກຢາຍຢູ່ໃນທຸກພາກສ່ວນຂອງອັງກິດ, ແຕ່ສ່ວນໃຫຍ່ແມ່ນຢູ່ໃນລອນດອນ. ສ່ວນຫຼາຍລ້ວນແຕ່ມີຈິດໃຈຮັກຊາດ, ສາມັກຄີ, ມຸ່ງໄປເຖິງການກໍ່ສ້າງບ້ານເກີດເມືອງນອນ.
ທ່ານກໍ່ຢັ້ງຢືນວ່າ ພັກ, ລັດ ຍາມໃດກໍ່ຖືປະຊາຄົມຊາວຫວຽດນາມ ອາໄສຢູ່ຕ່າງປະເທດ ແມ່ນພາກສ່ວນທີ່ສຳຄັນ, ບໍ່ສາມາດຕັດແຍກອອກຈາກຊົນຊາດ ຫວຽດນາມໄດ້, ທ່ານປະທານປະເທດ ຫວໍວັນເຖືອງ ຫວັງວ່າ ພໍ່ແມ່ປະຊາຊົນຊາວຫວຽດນາມ ອາໄສຢູ່ ອັງກິດຈະປະຕິດຕາມກົດໝາຍ ແລະ ເຊື່ອມໂຍງເຂົ້າກັບປະເທດປະຈຳເຖິ່ນເປັນຢ່າງດີ, ສືບຕໍ່ຜ່ານຜ່າຄວາມຫຍຸ້ງຍາກ, ສິ່ງກີດຂວາງເພື່ອບັນລຸໄດ້ ບັນດາຜົນສຳເລັດຕື່ມອີກ. ພິເສດຕ້ອງຮັກສາຄວາມສາມັກຄີຢ່າງແໜ້ນແຟ້ນ, ເຊື່ອມຕໍ່ປະຊາຄົມ, ອ່ວາຍໜ້າເມື່ອຫາບ້ານເກີດເມືອງນອນ, ຮັກສາສີສັນວັດທະນະທຳຂອງຊາດ.
ຊາວຫວຽດນາມ ກໍ່ໄດ້ສົມທົບກັນຢ່າງແໜ້ນແຟ້ນກັບສະຖານທູດ, ປະຕິບັດແນວທາງ, ນະໂຍບາຍຂອງພັກ ແລະ ລັດ ທີ່ສຳຫຼັບຊາວຫວຽດນາມ ອາໄສຢູ່ຕ່າງປະເທດເປັນຢ່າງດີ; ໄດ້ມີການປະກອບສ່ວນອັນຕັ້ງໜ້າ ແລະ ສຳຄັນຫລາຍຢ່າງ ໃນຂະບວນການກໍ່ສ້າງປະຊາຄົມຊາວຫວຽດນາມ ຢູ່ອັງກິດ. ປີ 2023, ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອັງກິດ, ສະຖານທູດ ແລະ ສະມາຄົມພວມຜັນຂະຫຍາຍຫຼາຍແຜນການ, ໂຄງການແນະນຳຫວຽດນາມ ຢູ່ລອນດອນ ແລະ ຫຼາຍນະຄອນໃຫຍ່ໃນທົ່ວອັງກິດ.
ຄຳຮຸ່ງ
