| ທ່ານເອກອັກຄະລັດຖະທູດ Iain Frew ເນັ້ນໜັກວ່າ: “ການພົວພັນລະຫວ່າງ ຫວຽດນາມ - ອັງກິດ ແມ່ນໃກ້ຊິດກວ່າເວລາໃດໝົດ” | |
| ຫວຽດນາມ ເຂົ້າຮ່ວມງານຕະຫຼາດນັດທ່ອງທ່ຽວສາກົນ WTM 2022 ຢູ່ ອັງກິດ |
ທີ່ການພົບປະ, ທ່ານນ່າງປະທານສະຫະພັນບັນດາອົງການມິດຕະພາບ ຫວຽດນາມ (VUFO) ຫງວຽນເຟືອງງາ ໄດ້ແນະນຳໂຄງປະກອບການຈັດຕັ້ງ ແລະ ການເຄື່ອນໄຫວຂອງສະຫະພັນບັນດາອົງການມິດຕະພາບ ຫວຽດນາມ. ໃນບັນດາອົງການສະມາຊິກຂອງ VUFO, ສະມາຄົມມິດຕະພາບຫວຽດນາມ - ອັງກິດ ມີຫລາຍການເຄື່ອນໄຫວທີ່ຕັ້ງໜ້າ ເພື່ອແນໃສ່ເພີ່ມທະວີການພົວພັນສາມັກຄີ, ມິດຕະພາບ ແລະ ການຮ່ວມມືລະຫວ່າງປະຊາຊົນຫວຽດນາມ ແລະ ອັງກິດ, ເພີ່ມທະວີການພົວພັນເສດຖະກິດ, ການຄ້າ, ວິທະຍາສາດ, ເຕັກໂນໂລຊີ, ການສຶກສາ - ບຳລຸງສ້າງລະຫວ່າງສອງປະເທດ.
 |
ທ່ານນ່າງປະທານ VUFO ຫງວຽນເຟືອງງາ ໄດ້ໃຫ້ການຕ້ອນຮັບທ່ານ Mark Kent - ອະດີດເອກອັກຄະລັດຖະທູດ ອັງກິດ ປະຈຳ ຫວຽດນາມ |
ສອງຝ່າຍເຫັນດີເປັນເອກະພາບສົມທົບກັນ ຈັດຕັ້ງບັນດາການເຄື່ອນໄຫວຊຸກຍູ້ການພົວພັນລະຫວ່າງສອງປະເທດ, ມຸ່ງໄປເຖິງວັນສ້າງຕັ້ງການພົວພັນທາງການທູດ ຄົບຮອບ 50 ປີ (11 ກັນຍາ 1973 – 11 ກັນຍາ 2023), ໃນນັ້ນມີກອງປະຊຸມສຳມະນາ, ແລກປ່ຽນບົດຮຽນ, ແລກປ່ຽນວັດທະນະທຳ, ງານວາງສະແດງຮູບພາບ...
ເນື່ອງໃນໂອກາດນີ້, ທ່ານນາງປະທານ VUFO ຫງວຽນເຟືອງງາ ໄດ້ສະແດງຄວາມຊົມເຊີຍ ທ່ານ Mark Kent ທີີ່ໄດ້ກາຍເປັນປະທານເຄືອຂ່າຍມິດຕະພາບ ຫວຽດນາມ - ອັງກິດ ນັບແຕ່ວັນທີ 1 ເມສາ 2023. ເຄືອຂ່າຍມິດຕະພາບຫວຽດນາມ - ອັງກິດ ແມ່ນເຕົ້າໂຮມບັນດາອົງການ ແລະ ບຸກຄົນຂອງອັງກິດ ທີ່ມີຄວາມສົນໃຈກັບ ຫວຽດນາມ, ເພື່ອແນໃສ່ຊຸກຍູ້ການຮ່ວມມື ຫວຽດນາມ - ອັງກິດ ໃນຫຼາຍຂົງເຂດຄື ການຄ້າ, ການສຶກສາ, ວິຊາສະເພາະ, ວັດທະນະທຳ.
ທ່ານນາງ ຫງວຽນເຟືອງງາ ເຊື່ອໝັ້ນວ່າ ດ້ວຍປະສົບການ, ຄວາມເຂົ້າໃຈ ແລະ ຄວາມຮັກແພງທີ່ມີຕໍ່ຫວຽດນາມ, ທ່ານ Mark Kent ຈະມີການປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນແລກປ່ຽນປະຊາຊົນ ຫວຽດນາມ - ອັງກິດ ແລະ ເພີ່ມທະວີການພົວພັນຮ່ວມມືລະຫວ່າງ VUFO ແລະ ເຄືອຂ່າຍມິດຕະພາບຫວຽດນາມ - ອັງກິດ.
ຄຳຮຸ່ງ
