| ຄະນະພະນັກງານລາວໄປສຳຫຼວດຕົວຈິງ ຢູ່ ສູນສິ່ງຢອດຍິ່ງໝູ່ບ້ານອາຊີບ ຫວຽດ | |
| ຫວຽດນາມປີ 2022:ໃນສາຍຕາຂອງເພື່ອນມິດສາກົນ |
 |
| ທ່ານປະທານສະພາແຫ່ງຊາດ ເວືອງດິ່ງເຫວະ (ພາບ: TTXVN) |
ນັ້ນແມ່ນຄວາມຫວັງຂອງທ່ານປະທານສະພາແຫ່ງຊາດ ເວືອງດິ່ງເຫວະ ຢູ່ການພົບປະກັບພະນັກງານ, ລັດຖະກອນສະຖານທູດ ແລະ ປະຊາຄົມຊາວຫວຽດນາມ ອາໄສຢູ່ ອັກຊັງຕິນ ຢູ່ນະຄອນຫຼວງ Buenos Aires, ໃນຕອນບ່າຍວັນທີ 25 ເມສາ ຕາມເວລາທ້ອງຖິ່ນ, ກົງກັບຕອນເຊົ້າວັນທີ 26 ເມສາ ຕາມເວລາ ຫວຽດນາມ, ເນື່ອງໃນໂອກາດໄປຢ້ຽມຢາມ ສ.ອັກຊັງຕິນ ຢ່າງເປັນທາງການ.
ໂດຍລາຍງານຕໍ່ທ່ານປະທານສະພາແຫ່ງຊາດ, ທ່ານເອກອັກຄະລັດຖະທູດ ຫວຽດນາມ ປະຈຳ ອັງຊັກຕິນ ແລະ ອຸຣູກວາຍ ເຢືອງກວັກແທງ ໃຫ້ຮູ້ວ່າ ໃນໄລຍະຜ່ານມາ, ໝູ່ຄະນະພະນັກງານສະຖານທູດ ມີຄວາມສາມັກຄີ, ຮ່ວມແຮງຮ່ວມໃຈ, ປະຕິບັດບັນດາໜ້າໜ້າທີ່ທີ່ໄດ້ຮັບການມອບໝາຍ, ປະກອບສ່ວນຢ່າງຕັ້ງໜ້າເຂົ້າໃນວຽກງານການຕ່າງປະເທດ, ເປັນຂົວເຊື່ອມຕໍ່ລະຫວ່າງສອງປະເທດ. ປີ 2021, ສະຖານທູດ ໄດ້ຮັບໃບຍ້ອງຍໍຈາກກະຊວງການຕ່າງປະເທດ ຍ້ອນມີການປະກອບສ່ວນເຂົ້າໃນວຽກງານການທູດວັກຊິນ, ປີ 2022, ສະຖານທູດ ໄດ້ຮັບທຸງແຂ່ງຂັນຂອງລັດຖະບານຍ້ອນມີການປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນສອງປະເທດ, ສ້າງການພົວພັນຄູ່ຮ່ວມມືທ້ອງຖິ່ນ.
ໃນປີ 2023, ສະຖານທູດ ຈະສືບຕໍ່ສຸມໃສ່ຈັດບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງການພົວພັນທາງການທູດຂອງ ຫວຽດນາມ ແລະ ອັກຊິງຕິນ, 30 ປີແຫ່ງການສ້າງຕັ້ງການພົວພັນທາງການທູດ ຫວຽດນາມ ແລະ ອຸຣູກວາຍ. ທ່ານເອກອັກຄະລັດຖະທູດ ເຢືອງກວັກແທງ ເຊື່ອໝັ້ນວ່າ ການຢ້ຽມຢາມຂອງທ່ານປະທານສະພາແຫ່ງຊາດ ຈະສ້າງທ່ວງທ່າໃໝ່ໃຫ້ແກ່ການພົວພັນ ຫວຽດນາມ ກັບສອງປະເທດ. ສະຖານທູດຈະສືບຕໍ່ມານະພະຍາຍາມພ້ອມກັບກະຊວງການຕ່າງປະເທດ ແລະ ບັນດາກະຊວງ, ຂະແໜງ, ທ້ອງຖິ່ນພາຍໃນປະເທດຜັນຂະຫຍາຍໝາກຜົນການຢ້ຽມຢາມຂອງທ່ານປະທານສະພາແຫງຊາດໃຫ້ນຳມາເຊິ່ງປະສິດທິຜົນ.
ທ່ານ Gip Ayock ຫົວໜ້າຄະນະຕິດຕໍ່ພົວພັນປະຊາຄົມຊາວຫວຽດນາມ ອາໄສຢູ່ ແຂວງ Misionesໄດ້ສະແດງຄວາມຂອບອົກຂອບໃຈທ່ານປະທານສະພາແຫ່ງຊາດ ຫວຽດນາມ ທີ່ໄດ້ມາຢ້ຽມຢາມ ອັກຊັງຕິນ ແລະ ສະຫງວນເວລາພົບປະກັບພໍ່ແມ່ປະຊາຊົນຊາຫວຽດນາມ ທີ່ພວມດຳລົງຊີວິດຢູ່ທີ່ນີ້, ສະແດງຄວາມຂອບອົກຂອບໃຈຕໍ່ຄວາມເອົາໃຈໃສ່ຂອງພັກ ແລະ ລັດ ທີ່ສະຫງວນໃຫ້ແກ່ພໍ່ແມ່ປະຊາຊົນຢູ່ຕ່າງປະເທດເວົ້າລວມ ແລະ ຢູ່ອັກຊັງຕິນ ເວົ້າສະເພາະ. ທ່ານກໍ່ໃຫ້ຮູ້ວ່າປະຊາຄົມຊາວຫວຽດນາມ ອາໄສຢູ່ອັກຊັງຕິນ ໄດ້ສະໜອງຂໍ້ມູນກ່ຽວກັບສະພາບການປະເທດຊາດ, ບ້ານເກີດເມືອງນອນໃຫ້ຢ່າງເປັນປະຈຳ, ຍາມໃດກໍ່ສູ້ຊົນທຳມາຫາກິນ, ດຳລົງຊີວິດ, ຮ່ຳຮຽນ, ປະຕິບັດຖືກຕ້ອງຕາມກົດໝາຍຂອງປະເທດປະຈຳຖິ່ນ ແລະ ມຸ່ງໄປເຖິງບ້ານເກີດເມືອງນອນ, ປະເທດຫວຽດນາມ.
ບຸນຄົງ
