| ເຕົ້າໂຮມສິ່ງຢອດຢ້ຽມທາງດ້ານວິຈິດສິນ ຫວຽດນາມ - ສ.ເກົາຫຼີ: ແຜ່ລະຫຍາຍຄວາມງາມ ຫວຽດນາມ ໄປຍັງເພື່ອນມິດສາກົນ | |
| “ຫວຽດນາມ ຍາມໃດກໍ່ຄຽງບ່າຄຽງໄຫຼ່ກັບເພື່ອນມິດອາຟະຣິກາ” |
ຄວບຄຸມພະຍາດໂຄວິດ - 19, ເປີດປະຕູຕ້ອນຮັບແຂກທ່ອງທ່ຽວ ແລະ ຟື້ນຟູເສດຖະກິດ - ສັງຄົມ ໂດຍໄວ…ແມ່ນພາບພົດຂອງ ຫວຽດນາມ ໃນປີ 2022. ເພື່ອນມິດສາກົນຮູ້ສຶກແນວໃດກ່ຽວກັບ ຫວຽດນາມ ພາຍຫຼັງ 1 ປີທີ່ຜ່ານຜ່າຄວາມຫຍຸ້ງຍາກລຳບາກ?
 |
| ທ່ານເອກອັກຄະລັດຖະທູດ ອາກເມເນຍ ປະຈຳ ຫວຽດນາມ Vahram Kazhoyan |
ທ່ານເອກອັກຄະລັດຖະທູດ ອາກເມເນຍ ປະຈຳ ຫວຽດນາມ Vahram Kazhoyan:
ບຸນເຕັດມີຄວາມຈັບອົກຈັບໃຈ ແລະ ເລິກເຊິ່ງ
ບຸນເຕັດປີແມວ 2023 ແມ່ນຄັ້ງທີ 3 ທີ່ຂ້າພະເຈົ້າໄດ້ຕ້ອນຮັບລະດູບານໃໝ່ຢູ່ ຫວຽດນາມ. ແຕ່ລະເທື່ອເມື່ອບຸນເຕັດວຽນມາ, ຂ້າພະເຈົ້າກໍ່ໄປຕະຫຼາດດອກໄມ້ເພື່ອຊື້ຕົ້ນໝາກແປ້ນ, ຕົ້ນດອກເໝີຍ, ຕົ້ນດອກຄາຍ. ຕົ້ນໝາກແປ້ນທີ່ຂ້າພະເຈົ້າຊື້ໃນປີທຳອິດ ຢູ່ຮ່າໂນ້ຍ ຍັງປູກຢູ່ໃນສວນ. ສຳລັບຂ້າພະເຈົ້າແລ້ວ, ຕະຫຼາດດອກໄມ້ ຮ່າໂນ້ຍ ແມ່ນບັນຍາກາດອັນໜຶ່ງເພື່ອໄປທ່ຽວໃນລະດູບານໃໝ່, ຮູ້ສຶກໄດ້ເຖິງບັນຍາກາດບຸນເຕັດທີ່ໃກ້ຈະວຽນມາ. ແຕ່ລະຖະໜົນຫົນທາງ, ແຈໜຶ່ງຂອງຖະໜົນ ມີຄວາມຟົດຟື້ນມ່ວນຊື່ນດ້ວຍການປະກົດຕົວຂອງດອກໄມ້ຫຼາຍຊະນິດທີ່ພາກັນອວດອ້າງສີສັນຄວາມງາມ.
ໃນໂອກາດບຸນເຕັດຄອບຄົວຂ້າພະເຈົ້າຍັງໄປວັດເຈິ່ນກວັກ. ນີ້ແມ່ນວັດທີ່ເກົ່າແກ່ ແລະ ມີສະຖາປັດຕະຍາກຳທີ່ສວຍງາມ, ໂດຍໄດ້ຕັ້ງຢູ່ທາງທິດຕາເວັນອອກຂອງໜອງໂຮ່ໄຕ. ມາແຫ່ງນີ້, ໄດ້ຮັບຟັງພະມະຫາອາຈານສວດມົນ, ຂ້າພະເຈົ້າຮູ້ສຶກມີຈິດໃຈທີີ່ສະຫງົບ.
ສຳລັບຂ້າພະເຈົ້າແລ້ວ, ບຸນເຕັດມີສອງຄວາມໝາຍສຳຄັນທີ່ສຸດນັ້ນແມ່ນ: ການເລີ່ມຕົ້ນປີໃໝ່ ແລະ ແມ່ນໂອກາດເພື່ອໃຫ້ຄອບຄົວເຕົ້າໂຮມກັນ. ສິ່ງນີ້ມີຄວາມໝາຍດຽວກັນກັບປະເພນີຕ້ອນຮັບບຸນປີໃໝ່ຢູ່ປະເທດພວກຂ້າພະເຈົ້າ. ຢູ່ ອາກເມເນຍ ວັນບຸນນີ້ໄດ້ຈັດແຕ່ວັນທີ 31 ເດືອນ 12 ໄລ່ຕາມຈັນທະປະຕິທິນ ຫາວັນທີ 1 ເດືອນຈຽງ.
ຂ້າພະເຈົ້າຫວັງວ່າ ປີ 2023 ຈະນຳມາເຊິ່ງຜົນປະໂຫຍດຫຼາຍຢ່າງໃຫ້ແກ່ປະຊາຊົນຫວຽດນາມ ແລະ ທັງການພົວພັນລະຫວ່າງ ຫວຽດນາມ - ອາກເມເນຍ. ການພົວພັນລະຫວ່າງ ປະຊາຊົນສອງປະເທດຈະນັ້ບມື້ນັບໝັ້ນຄົງ ແລະ ຂ້າພະເຈົ້າເຊື່ອໝັ້ນວ່າ ການພົວພັນນີ້ຈະນັບມື້ນັບພັດທະນາ.
 |
| ທ່ານນາງເອກອັກຄະລັດຖະທູດຜູ້ມີອຳນາດເຕັມແຫ່ງ ສ.ອາບຟຼິກກາໃຕ້ ປະຈຳ ຫວຽດນາມ Vuyiswa Tulelo |
ທ່ານນາງເອກອັກຄະລັດຖະທູດຜູ້ມີອຳນາດເຕັມແຫ່ງ ສ.ອາບຟຼິກກາໃຕ້ ປະຈຳ ຫວຽດນາມ Vuyiswa Tulelo:
ຊາວຫວຽດນາມ ມີຮອຍຍິ້ມທີ່ສວຍງາມທີ່ສຸດ
ຊາວຫວຽດນາມ ແລະ ຊາວອາບຟຼິກກາ ມີຈຸດທີ່ຄ້າຍຄືກັນໃນທາງດ້ານວັດນະທະທຳ. ໃນອາຍຸການກ່ອນ, ຂ້າພະເຈົ້າໄດ້ໄປປະຕິບັດງານຢູ່ ນິວຊີແລນ. ລູກຊາຍຂອງຂ້າພະເຈົ້າເລົ່າສູ່ຟັງວ່າ ໝູ່ເພື່ອນທີ່ຮຽນນຳກັນກັບລາວ ຮູ້ສຶກປະທັບໃຈວ່າ ພາຍຫຼັງເລິກຮຽນ ລາວຈະກັບເມືອບ້ານຢູ່ນຳພໍ່ເຖົ້າແມ່ເຖົ້າ ຫຼື ພໍ່ແມ່. ເພື່ອນໆກໍ່ຖາມລາວວ່າ ເປັນຫຍັງຢູ່ນຳພໍ່ເຖົ້າແມ່ເຖົ້າ, ພໍ່ເຖົ້າແມ່ເຖົ້າບໍ່ມີເຮືອນສ່ວນຕົວບໍ? ແຕ່ຢູ່ຢູ່ ຫວຽດນາມ, ສິ່ງນີ້ແມ່ນໜຶ່ງໃນບັນດາຈຸດວັດທະນະທຳທີ່ເປັນມູນເຊື້ອ ຫຼື ບໍ່ມີຫຍັງຜິດປົກກະຕິ. ຫວຽດນາມ ກໍ່ຄືກັບອາບຟຼິກກາໃຕ້ ໃນຄອບຄົວຍາມໃດກໍ່ມີມູນເຊື້ອ ຫຼາຍລຸ້ນຄົນຢູ່ນຳກັນ.
ຂ້າພະເຈົ້າ ແລະ ຊາວອາບຟຼິກກາໃຕ້ຫຼາຍຄົນຮູ້ສຶກສະບາຍໃຈເມື່ອດຳລົງຊີວິດຢູ່ ຫວຽດນາມ. ຂ້າພະເຈົ້າບໍ່ຖືກຈຳແນກການປະພຶດ. ເຖິງວ່າມີຄວາມຫຍຸ້ງຍາກທາງດ້ານພາສາ ແຕ່ຊາວຫວຽດນາມ ມີຄວາມເປັນມິດ. ເຂົາເຈົ້າຍາມໃດກໍ່ມີຮອຍຍິ້ມທີ່ເປັນມິດ, ໂບກມືຕ້ອນຮັບ ແລະ ຂໍຖ່າຍຮູບເມື່ອເຫັນພວກຂ້າພະເຈົ້າ. ຂ້າພະເຈົ້າຮັກແພງຫວຽດນາມ. ນັບມື້ນັບມີຊາວອາບຟຼິກກາໃຕ້ ຫຼາຍຄົນມາຫວຽດນາມ ຮ່ຳຮຽນ, ດຳລົງຊີວິດ, ເຮັດວຽກ ແລະ ຕິດພັນກັບຫວຽດນາມ ແບບຍາວນານ.
 |
| ທ່ານນາງ Elizabeth Payne -Ahmadi ກຳມະການເຂົ້າຮ່ວມສະພາສັນຕິພາບໂລກ (ລາຊະອານາຈັກ ອັງກິດ) |
ທ່ານນາງ Elizabeth Payne -Ahmadi ກຳມະການເຂົ້າຮ່ວມສະພາສັນຕິພາບໂລກ (ລາຊະອານາຈັກ ອັງກິດ):
ອ່າວຮະລອງມີຄວາມງາມທີ່ສຸດ
ອ່າວຮະລອງຂອງ ຫວຽດນາມ ແມ່ນໜຶ່ງໃນບັນດາສະຖານທີ່ສວຍງາມທີ່ສຸດໃນໂລກ ທີ່ຂ້າພະເຈົ້າເຄີຍໄປ.
ຄວາມງາມແບບທຳມະຊາດຂອງແຫ່ງນີ້ກໍ່ເຮັດໃຫ້ຂ້າພະເຈົ້າຮູ້ກ່ຽວກັບຄວາມຮັບຜິດຊອບໃນການປົກປັກຮັກສາສິ່ງແວດລ້ອມ. ໂລກພວມໄດ້ຮັບຜົນກະທົບຫຍໍ້ທໍ້ຫຼາຍຢ່າງ, ຈາກການປ່ຽນແປງຂອງດິນຟ້າອາກາດຕະຫຼອດຮອດບັນດາການເຄື່ອນໄຫວທີ່ກໍ່ໃຫ້ເກີດມົນລະພິດ. ບັນດາປະເທດໃນໂລກກໍ່ຕ້ອງຍົກສູງຄວາມຮັບຮູ້ຂອງປະຊາຊົນກ່ຽວກັບບັນຫານີ້, ເຊື່ອມຕໍ່, ຈັດຕັ້ງການພົບປະລະຫວ່າງລັດຖະບານ, ອົງການຈັດຕັ້ງໃນຂົງເຂດການທ່ອງທ່ຽວ. ພວກເຮົາຕ້ອງມີການກະທຳເພື່ອປົກປັກຮັກສາຄວາມງາມຂອງອ່າວຮະລອງ ໃຫ້ແກ່ຄົນລຸ້ນໜຸ່ມໃນອະນາຄົດ. ຫວຽດນາມ ພວມປະຕິບັດການພັດທະນາການທ່ອງທ່ຽວຢູ່ຮະລອງເປັນຢ່າງດີ, ທັງອະນຸລັກຮັກສາຄວາມງາມທາງດ້ານທຳມະຊາດຂອງອ່າວອີກດ້ວຍ. ຢູ່ອັງກິດ, ພວກເຮົາໄດ້ສົມທົບການໂຄສະນາການທ່ອງທ່ຽວ, ດຶງດູດແຂກທ່ອງທ່ຽວ ແຕ່ຍັງອະນຸລັກຮັກສາທິວທັດທຳມະຊາດ, ບໍ່ຖືກມົນລະພິດ, ບໍ່ທຳລາຍທຳມະຊາດ. ຫວຽດນາມ ອາດຈະທາບທາມຄົ້ນຄວ້ານຳອັງກິດໃນການປົກປັກຮັກສາທຳມະຊາດແມ່ນ: ອຳນາດປົກຄອງ ຕ້ອງເຂົ້າໃຈແຈ້ງວ່າ ຢູ່ໃສແມ່ນລັກສະນະພິເສດຂອງແຕ່ລະທິວທັດທຳມະຊາດ, ສ້າງແຫຼ່ງຂໍ້ມູນກ່ຽວກັບທຳມະຊາດ, ທໍລະນີສາດ, ເຄື່ອງຂອງງັດຖຸບູຮານ… ດ້ວຍຫຼາຍພາສາ ໄປຍັງແຂກທ່ອງທ່ຽວ. ຈາກບັນດາຂໍ້ມູນນີ້, ແຂກທ່ອງທ່ຽວອາດຈະເຂົ້າໃຈຕື່ມອີກກ່ຽວກັບສະຖານນີ, ປະຫວັດຄວາມເປັນມາ ແລະ ຄຸນຄ່າຂອງທິວທັດທຳມະຊາດ ເພື່ອພ້ອມກັນອະນຸລັກຮັກສາ.
 |
| ທ່ານ Abdulla Alhameli ອຸປະທູດສະຖານທູດ ອາຣັບບິ ຊາອຸດິ (UAE) ຢູ່ ຫວຽດນາມ |
ທ່ານ Abdulla Alhameli ອຸປະທູດສະຖານທູດ ອາຣັບບິ ຊາອຸດິ (UAE) ຢູ່ ຫວຽດນາມ
ມີທິວທັດທຳມະຊາດທີ່ສວຍງາມຫຼາຍແຫ່ງ
ຂ້າພະເຈົ້າມີຄວາມປະທັບໃຈຕໍ່ພື້ນຖານວັດທະນະທຳ ຫວຽດນາມທີ່ເຕັມໄປດ້ວຍສີສັນຊາດ, ໄດ້ຮັກສາ, ອະນຸລັກ ແລະ ພັດທະນາຜ່ານໄລຍະປະຫວັດສາດນັບພັນປີ. ຊາວຫວຽດນາມ ມີຄວາມເປັນມິດ, ເຕັມໄປດ້ວຍນ້ຳໃຈຮັກແພງແຂກຄົນ ແລະ ດຸໝັ່ນຂະຫຍັນພຽນ.
ຫວຽດນາມຍັງແມ່ນປະເທດທີ່ສວຍງາມດ້ວຍທິວທັດທຳມະຊາດທີ່ມີຊື່ສຽງຫຼາຍແຫ່ງ ໂດຍ UNESCO ຮັບຮອງເອົາແມ່ນມໍລະດົກໂລກ.
ອາດເວົ້າໄດ້ວ່າ ປີນີ້ຂ້າພະເຈົ້າຈະໄດ້ຕ້ອນຮັບບຸນເຕັດຢູ່ ຫວຽດນາມ. ຖ້າສິ່ງນັ້ນເກີດຂຶ້ນ, ນີ້ຈະແມ່ນການລົງຕິວຈິງທຳອິດຂອງຂ້າພະເຈົ້າຢູ່ ຫວຽດນາມ. ຂ້າພະເຈົ້າຈະໄປຢາມຕະຫຼາດດອກໄມ້ເຕັດ, ຮັບຊົມບັນດາຮີດຄອງປະເພນີທີ່ເປັນມູນເຊື້ອກ່ຽວກັບບຸນເຕັດ ຢູ່ນະຄອນຫຼວງຮ່າໂນ້ຍ ແລະ ແວ່ຢາມບາງແຂວງ, ນະຄອນທີ່ໃກ້ຄຽງ.
ໃນເດືອນສິງຫາ 2023, ຫວຽດນາມ ແລະ UAE ຈະສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ, ນີ້ແມ່ນເຫດການສຳຄັນຕໍ່ທັງສອງປະເທດ. ສະຖານທູດຈະສ້າງແຜນການເພື່ອສົມທົບກັບບັນດາອົງການທີ່ກ່ຽວຂ້ອງຈັດຕັ້ງບັນດາການເຄື່ອນໄຫວສະເຫຼີມສະຫຼອງ, ງານວາງສະແດງພາບຖ່າຍເພື່ອແນໃສ່ຊຸກຍູ້ນ້ຳໃຈສາມັກຄີ, ມິດຕະພາບ ແລະ ການຮ່ວມມືລະຫວ່າງປະຊາຊົນສອງປະເທດ.
ບຸນຄົງ
