| Valentine ແມ່ນໂອກາດເພື່ອສະແດງຄວາມຮັກຕໍ່ເມຍ ທີ່ມີບ້ານເກີດຫ່າງຈາກ ຫວຽດນາມ ກ່ວາ 8000 ກີໂລແມັດ | |
| ປະຊາຄົມຊາວຫວຽດນາມ ອາໄສຢູ່ອີສານ ໄທ ຕ້ອນຮັບລະດູບານໃໝ່ແຫ່ງບ້ານເກີດເມືອງນອນ |
 |
| ຜູ້ຕາງໜ້າມະຫາວິທະຍາໄລ VinUni ແນະນຳກັບບັນດາຜູ້ແທນ (ພາບ: hanoimoi.com.vn) |
ຄະນະພະນັກງານລາວໄປສຳຫຼວດຕົວຈິງ ຢູ່ ສູນສິ່ງຢອດຍິ່ງໝູບ້ານອາຊີບ ຫວຽດ
ໂດຍສືບຕໍ່ການມາຢ້ຽມຢາມ ແລະ ເຮັດວຽກຢູ່ ຫວຽດນາມ, ອາທິດຜ່ານມາ, ຄະນະພະນັກງານຫ້ອງວ່າການສູນກາງພັກປະຊາຊົນປະຕິວັດ ລາວ, ໂດຍສະຫາຍ ທອງສະລິດ ມັງໜໍ່ເມກ, ເລຂາທິການສູນກາງພັກ, ຫົວໜ້າຫ້ອງວາການສູນກາງພັກປະຊາຊົນປະຕິວັດ ລາວ ເປັນຫົວໜ້າຄະນະ ໄດ້ມາຢ້ຽມຊົມ, ສຳຫຼວດກວດກາຕົວຈິງຢູ່ສູນສິ່ງຢອດຍິ່ງໝູ່ບ້ານອາຊີບ ຫວຽດ ແລະ ມະຫາວິທະຍາໄລ VinUni (ເມືອງຢາເລິມ, ນະຄອນຮ່າໂນ້ຍ).
ຢູ່ສູນສິ່ງຍອດຍິ່ງໝູ່ບ້ານອາຊີບ ຫວຽດ, ຕາແສງບາດຈ່າງ, ເມືອງຢາເລິມ, ຄະນະພະນັກງານຫ້ອງວ່າການສູນການພັກປະຊາຊົນປະຕິວັດ ລາວ ໄດ້ຮັບຟັງການແບ່ງປັນຂອງນັກສິລະປະກອນກ່ຽວກັບວິວັດການສ້າງຕັ້ງ, ພັດທະນາ ແລະ ສ້າງສິ່ງຍອດຍິ່ງອາຊີບເຄື່ອງປັ້ນດິນເຜົາ, ຮ່ຳຮຽນບົດຮຽນປະສົບການຂອງບາດຈ່າງ ໃນການຮັກສາໃຫ້ລູກຫຼານໃນໝູ່ບ້ານ ເຮັດອາຊີບເຄື່ອງປັ້ນດິນເຜົານີ້ຕໍ່ໄດ້, ພ້ອມທັງຢ້ຽມຊົມ, ຊອກຮູ້ກ່ຽວກັບປະຫວັດຂອງໝູ່ບ້ານ ບາດຈ່າງ, ບົດບາດ ແລະ ການປະກອບສ່ວນຂອງໝູ່ບ້ານໃນຕະຫຼອດໄລຍະປະຫວັດສາດຂອງທັງລອງ - ຮ່າໂນ້ຍ ເວົ້າສະເພາະ ແລະ ປະເທດ ຫວຽດນາມ ເວົ້າລວມ.
ພາຍຫຼັງຢ້ຽມຊົມ ແລະ ຮັບຟັງຜູ້ຕາງໜ້າມະຫາວິທະຍາໄລ VinUni ແບ່ງປັນ, ສະຫາຍ ທອງສະລິດ ມັງໜໍ່ເມກ ສະແດງຄວາມປະທັບໃຈຕໍ່ຮູບແບບ ແລະ ຂອບຂະໜາດຂອງມະຫາວິທະຍາໄລ VinUni. ການເຄື່ອນໄຫວຂອງ VinUni ມີບົດບາດສຳຄັນໃນການກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ປະກອບສ່ວນເຂົ້າໃນຍຸດທະສາດພັດທະນາລວມຂອງ ຮ່າໂນ້ຍ ແມ່ນມຸ່ງໄປເຖິງການສ້າງນະຄອນຫຼວງ “ອະລິຍາທຳ - ສີວິໄລ - ທັນສະໄໝ”.
ສະຫາຍກໍ່ຕີລາຄາສູງສະພາບແວດລ້ອມແຫ່ງການສິດສອນຂອງ VinUni ແລະ ເຊື່ອໝັ້ນວ່າ ໃນອະນາຄົດ ຈະມີສາດສະດາຈານ ແລະ ນັກສຶກສາລາວ ມາສິດສອນ ແລະ ຮ່ຳຮຽນຢູ່ແຫ່ງນີ້.
ຕາມຜູ້ຕາງໜ້າ VinUni ແລ້ວ, ໂຮງຮຽນໄດ້ເອົາໃຈໃສ່ເປັນພິເສດເຖິງການຮ່ວມມືກັບບັນດາມະຫາວິທະຍາໄລ ທີ່ມີຊື່ສຽງໃນໂລກ, ໄດ້ເຊື້ອເຊີນສາດສະດາຈານແຖວໜ້າຂະແໜງການຈາກຕ່ງປະເທດ ມາສິດສອນເປັນປະຈຳ, ມີການລົງທຶນກ່ຽວກັບພື້ນຖານໂຄງລ່າງກັບຫ້ອງທົດລອງ, ສູນເລີ່ມຕົ້ນ Startup ເປັນຈຳນວນຫຼວງຫຼາຍ.
ບຸນຄົງ
