 |
| ພາບປະກອບ: baohatinh.vn |
ຕາມວາລະສານ Forbes (ວາລະສານທີ່ມີຊື່ສຽງຂອງອາເມລິກາ) ແລ້ວ, ເຖິງວ່າ ລາວບໍ່ມີທະເລ ແຕ່ປະເທດນີ້ຍັງມີທິວທັດທຳມະຊາດພູຜາປ່າໄມ້ທີ່ໃຫຍ່ໂຕມະໂຫຖານ, ສວຍງາມທີ່ສຸດ, ເຂດທົ່ງນາທີ່ອຸດົມສົມບູນມັ່ງຄັ່ງ ແລະ ແມ່ນ້ຳຂອງທີ່ໂຣແມນຕິກໄຫຼ່ຜ່ານ, ພ້ອມກັບລະບົບນ້ຳຕົກຕາດທາງພາກໃຕ້ຂອງປະເທດ, ເຮັດໃຫ້ປະເທດລາວກາຍເປັນປະເທດທີ່ມີສະເໜ່ທີ່ສຸດຢູ່ອາຊີຕາເວັນອອກສ່ຽງໃຕ້.
ວາລະສານ Forbes ເຊີດຊູລາວ ມີສະເໜ່ກ່ຽວກັບບັນດາສະຖານທີ່ວັດທະນະທຳ, ການລົງພຶດຕິກຳກາງແຈ້ງ ແລະ ຄວາມມີສະເໜ່ເໜືອການເວລາ” ສ່ວນຫຼາຍຍັງຮັກສາໄດ້ຄວາມປະຖົມປະຖານ ບໍ່ຖືກຜົນສະທ້ອນຈາກການຫັນເປັນການຄ້າ.
ບົດຂຽນໄດ້ເຕື້ອງເຖິງເມືອງເກົ່າຫຼວງພະບາງ, ມໍລະດົກໂລກ ໂດຍ UNESCO ຮັບຮອງເອົາແຕ່ປີ 1995 ເຊິ່ງແມ່ນເມັດມະນີອັນລ້ຳຄ່າຂອງອາຊີຕາເວັນອອກສ່ຽງໃຕ້. ນະຄອນແຫ່ງມໍລະດົກນີ້ຍັງຮັກສາມໍລະດົກຫຼາຍຢ່າງ ພ້ອມກັບຮີດຄອງປະເພນີທີ່ອຸດົມສົມບູນ, ພາບຂອງຄູບາ ໄປບິນພະບາດໃນແຕ່ລະເຊົ້າ ພ້ອມກັບການທີ່ປະຊາຊົນທ້ອງຖິ່ນຕັກບິນດ້ວຍເຂົ້າໜຽວ, ເຂົ້າໜົມ, ສ້າງເປັນຄວາມດຶງດູດໃຈໃຫ້ແກ່ແຂກທ່ອງທ່ຽວ.
ບຸນຄົງ
