| ສປຊ ຮັບຮອງເອົາເອກະສານກ່ຽວກັບຂໍ້ຕົກລົງປະຫວັດສາດ ປົກປັກຮັກສາ ມະຫາສະໝຸດ | |
| ແຂກທ່ອງທ່ຽວໄດ້ເລືອກເອົາຫາດຊາຍ ໝີເຄ ຂອງ ຫວຽດນາມ ເຂົ້າໃນ Top ຫາດຊາຍງາມທີ່ສຸດ ອາຊີ |
ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ອີຕາລີ - ຫວຽດນາມ, ມະຫາວິທະຍາໄລທິດຕາເວັນອອກ Naples (ອີຕາລີ) ໄດ້ຕັດສິນໃຈເລືອກເອົາພາສາຫວຽດແມ່ນພາສາຮຽນທາງການ.
ຕາມທ່ານ ສາດສະດາຈານ Pietro Masina ແລ້ວ, ນັກສຶກສາຮຽນຢູ່ມະຫາວິທະຍາໄລ ອາດຈະຄົ້ນຄ້ວາລົງເລິກກ່ຽວກັບ ຫວຽດນາມ ຜ່ານການຮຽນພາສາຫວຽດ ໃນ 5 ປີ, ຄຽງຄູ່ກັບໂຄງການສິດສອນກ່ຽວກັບມະນຸດສາດ ຫຼື ວິທະຍາສາດການເມືອງ ແລະ ການພົວພັນສາກົນ. ມາຮອດປັດຈຸບັນ, ນັບທັງໃນບັນດາຫຼັກສູດທົດລອງ, ພາສາຫວຽດ ກໍ່ໄດ້ຮັບຄວາມສົນໃຈຂອງນັກສຶກສາຫຼາຍທີ່ສຸດ.
 |
| ທ່ານ ສາດສະດາຈານ Pietro Masina (ພາບ: TTXVN) |
ໄປຄຽງຄູ່ກັນນັ້ນ, ໂຮງຮຽນຍັງຈັດຕັ້ງບັນດາເຫດການປະຊາຄົມເພື່ອແນໃສ່ແນະນຳວັດທະນະທຳ, ອະລິຍະທຳ ຫວຽດນາມ ກັບການສົມທົບຂອງກົງສູນກິຕິມະສັກ ຫວຽດນາມ ຢູ່ Naples.
ເລື່ອງນຳພາສາຫວຽດ ເຂົ້າໃນການສິດສອນຢ່າງເປັນທາງການຢູ່ມະຫາວິທະຍາໄລ ທິດຕາເວັນອອກ Naples ໂດຍ ທ່ານ ສາດສະດາຈານ Pietro Masina ແລະ ບັນດາຄູ່ຮ່ວມງານ ໄດ້ມານະພະຍາຍາມປະຕິບັດໃນຫຼາຍປີຜ່ານມາ. ທ່ານຢັ້ງຢືນວ່າ ມະຫາວິທະຍາໄລທິດຕາເວັວນອອກ Naples ພ້ອມແລ້ວທີ່ຈະປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນສອງຝ່າຍອີຕາລີ - ຫວຽດນາມ ເມື່ອຕັດສິນໃຈເລືອກເອົາພາສາຫວຽດແມ່ນວິຊາຮຽນທາງການ.
ມີນັກສຶກສາ ອີຕາລີ ຫຼາຍຄົນ ພາຍຫຼັງຮຽນຈົບພາສາຫວຽດ ຢູ່ Naples ກໍ່ໄດ້ຮັບທຶນການສຶກສາຈາກມະຫາວິທະຍາໄລທິດຕາເວັນອອກ Naples ໂດຍການໄປຮຽນພາສາຫວຽດ ຢູ່ມະຫາວິທະຍາໄລ ຮາໂນ້ຍ ຂອງ ຫວຽດນນາມ. ບັນດາຊົ່ວໂມງຮຽນພາສາຫວຽດ ຢູ່ອີຕາລີ ແລະ ຊຸມວັນດຳລົງຊີດ ແລະ ຮ່ຳຮຽນຢູ່ມະຫາວິທະຍາຮ່າໂນ້ຍ ຈະນຳມາເຊິ່ງບົດຮຽນປະສົບການອັນລ້ຳຄ່າໃຫ້ແກ່ນັກສຶກສາອີຕາລີ ຫຼາຍຄົນ.
ບຸນຄົງ
