 | ||||
| ພິທີເຊັນບົດບັນທຶກລະຫວ່າງສອງຝ່າຍ (ພາບ: zgmh.net) |
ຫວ່າງມໍ່ໆນີ້, ຢູ່ນະຄອນຫຼວງວຽງຈັນ, ລາວໄດ້ລົງນາມໃນບົດບັນທຶກຄວາມເຂົ້າໃຈກັບວິສາຫະກິດ ຈີນ ກ່ຽວກັບການກໍ່ສ້າງນິຄົມອຸດສາຫະກຳ Kali ອັດສະລິຍະ ຢູ່ລາວ.
ບົດບັນທຶກຄວາມເຂົ້າໃຈດັ່ງກ່າວໄດ້ລົງນາມລະຫວ່າງລັດຖະບານລາວກັບບໍລິສັດ SINO-AGRI International Potash ຂອງຈີນ (SINO-AGRI International Potash Co). ສອງຝ່າຍຈະຮ່ວມມືກັນສ້າງນິຄົມອຸດສາຫະກຳສາກົນໝູນວຽນອັດສະລິຍະ kali ສາກົນ.
ຕາມສຳນັກຂ່າວສານຂອງ ຊິນຮວາ ແລ້ວ, ຍອດຈຳນວນເງິນລົງທຶນຂອງໂຄງການແມ່ນ 4,31 ຕື້ USD. ເຂດອຸດສາຫະກຳດັ່ງກ່າວ ຈະແບ່ງອອກເປັນ 3 ເຂດຕົ້ນຕໍຄື ເຂດ ປຸ໋ຍ kali, ເຂດບໍ່ມີ kali ແລະ ເຂດໝູ່ບ້ານ Asia-Potash. ສເຂດປຸ໋ຍ kali ຈະໄດ້ນໍາໃຊ້ເພື່ອພັດທະນາອຸດສາຫະກໍານີ້ໂດຍອີງໃສ່ຊັບພະຍາກອນແຮ່ທາດເກືອ kali ໃນທ້ອງຖິ່ນທີ່ອຸດົມສົມບູນ. ເຂດທີ່ບໍ່ມີທາດ kali ຈະນຳໃຊ້ແຫຼ່ງຊັບພະຍາກອນທີ່ກ່ຽວຂ້ອງຂອງບໍ່ kali, ກໍ່ຄືບໍ່ຖ່ານຫີນ ແລະ bauxite ຂອງປະເທດລາວ, ຂະຫຍາຍຕ່ອງໂສ້ອຸດສາຫະກຳ ແລະ ຕ່ອງໂສ້ການສະໜອງຊັບພະຍາກອນ ໂດຍຜ່ານການສົ່ງເສີມການລົງທຶນ. ພ້ອມກັນນັ້ນ, ໝູ່ບ້ານ Asia-Potash ກໍ່ໄດ້ຮັບການກໍ່ສ້າງເພື່ອດຶງດູດນັກລົງທຶນ ແລະ ຜູ້ທີ່ມີຄວາມສາມາດເພື່ອຍູ້ໄວການຫັນເປັນຕົວເມືອງຂອງລາວ.
ຜູ້ອໍານວຍການໃຫຍ່ SINO-AGRI Tong Yongheng ໃຫ້ຮູ້ວ່າ: ໂຄງການນີ້ ຄາດວ່າ ຈະນໍາລາຍຮັບມາໃຫ້ ສປປ ລາວ ປະມານ 320 ລ້ານ USD/ປີ, ສ້າງວຽກເຮັດງານທຳໃຫ້ແກ່ 30.000-50.000 ຄົນ.
ຕາມບົດບັນທຶກຄວາມເຂົ້າໃຈດັ່ງກ່າວ, ບໍລິສັດ SINO-AGRI ໄດ້ຮັບສິດຂຸດຄົ້ນບໍ່ເກືອ kali 35 ກມ2 ຢູ່ແຂວງຄຳມ່ວນຂອງລາວ. ເວັບໄຊທ໌ທາງການຂອງບໍລິສັດໃຫ້ຮູ້ວ່າ ພື້ນທີ່ນີ້ມີເກືອ kali ຫຼາຍກ່ວາ 1 ຕື້ໂຕນ.
ບຸນຄົງ
