ກົມໃຫຍ່ພາສີ ຫາກໍ່ມີການຕ້ອນຮັບຄະນະປະຕິບັດງານອົງການພາສີລາວ ໂດຍທ່ານ ບຸນປະເສີດ ສີກຸນລະບຸດ ຫົວໜ້າກົມພາສີ (ກະຊວງການເງິນລາວ) ນຳໜ້າ ໄດ້ມີການຢ້ຽມຢາມ ແລະ ເຮັດວຽກຢູ່ກົມໃຫຍ່ພາສີອາກອນ ຫວຽດນາມ. ທ່ານ ມາຍຊວັນແທັງ ຜູ້ຮັກສາການຫົວໜ້າກົມໃຫຍ່ພາສີອາກອນ ຢັ້ງຢືນວ່າ ການພົວພັນຮ່ວມມືໃນຂົງເຂດພາສີ ອາກອນ ລະຫວ່າງສອງປະເທດນັບມື້ນັບແໜ້ນແຟ້ນ, ເຂົ້າສູ່ລວງເລິກ.
ໂດຍແບ່ງປັນທີ່ການຕ້ອນຮັບ, ທ່ານ ມາຍຊວັນແທັງ ຜູ້ຮັກສາການຫົວໜ້າກົມໃຫຍ່ພາສີອາກອນ ຫວຽດນາມ ໃຫ້ຮູ້ວ່າ ປີ 2022 ຂະແໜງພາສີ ຫວຽດນາມ ໄດ້ຍູ້ແຮງການນຳໃຊ້ເຕັກໂນໂລຢີຂໍ້ມູນຂ່າວສານເຂົ້າໃນການຄຸ້ມຄອງພາສີອາກອນ ໃນນັ້ນໄດ້ຜັນຂະຫຍາຍໃບບິນເອເລັກໂນຕິກໃນຂອບເຂດທົ່ວປະເທດ.
 |
| ການເຮັດວຽກລະຫວ່າງສອງຝ່າຍ (ພາບ: Thủy Linh) |
ໄປຄຽງຄູ່ກັນນັ້ນ, ໂຄງການ "ໃບບິນໂຊກດີ" ສະຫງວນໃຫ້ແກ່ຜູ້ເສຍພາສີ ໄດ້ ແລະ ພວມໄດ້ຮັບການຜັນຂະຫຍາຍຢ່າງຄົບຊຸດຈາກອົງການພາສີອາກອນ ຫວຽດນາມ ໄດ້ສ້າງຄວາມຊີ້ນເຄີຍໃຫ້ແກ່ປະຊາຊົນເມື່ອຊື້ຂາຍສິນຄ້າ ຫຼືນຳໃຊ້ການບໍລິການ ກໍ່ຈະເອົາໃບບິນເອກເລັກໂຕນິກຈາກເຄື່ອງຈັກໄລ່ເງິນ.
ທ່ານ ມາຍຊວັນແທັງ ກໍ່ໃຫ້ຮູ້ວ່າຕື່ມອີກວ່າ ໄປຄຽງຄູ່ກັບວຽກງານຫັນການຄຸ້ມຄອງພາສີອາກອນເປັນເອເລັກໂນນິກ, ດີຈີຕອນແລ້ວ, ຂະແໜງພາສາຫວຽດນາມ ກໍ່ສືບຕໍ່ຜັນຂະຫຍາຍຫຼາຍມາດຕະການເພື່ອຊ່ວຍຜູ້ເສຍພາສີມີຄວາມສະດວກໃນການປະຕິບັດພັນທະຂອງຕົນ, ເປັນເສນາທິການໃຫ້ແກ່ກະຊວງການເງິນ, ລັດຖະບານ, ສະພາແຫ່ງຊາດໃນບັນດາມາດຕະການຍົກເວັ້ນ, ຫຼຸດຜ່ອນ, ເສຍພາສີໜູນຊ່ວຍໃຫ້ວິສາຫະກິດ, ປະຊາຊົນຜ່ານຜ່າຄວາມຫຍຸ້ງຍາກໃນໄລຍະຜ່ານມາ.
ພາຍຫຼັງການຕ້ອນຮັບຂອງທ່ານ ມາຍຊວັນແທັງ ຜູ້ຮັກສາການຫົວໜ້າກົມໃຫຍ່ພາສີອາກອນ ຫວຽດນສມ ແລ້ວ, ຄະນະປະຕິບັດງານກະຊວງການເງິນລາວ ໄດ້ເຮັດວຽກ ກັບບັນດາຫົວໜ່ວຍຂອງກົມໃຫຍ່ພາສີອາກອນ ຫວຽດນາມ. ທີ່ການເຮັດວຽກ, ທ່ານຫວູຈີຮູ່ງ ຮອງຫົວໜ້າກົມໃຫຍ່ພາສີອາກອນ ຫວຽດນາມ ໄດ້ຕີລາຄາສູງການແລກປ່ຽນ, ສົມທົບວຽກງານຢ່າງມີປະສິດທິຜົນຂອງອົງການພາສີສອງປະເທດ ຫວຽດນາມ ແລະ ລາວ ໃນໄລຍະຜ່ານມາ. ທ່ານຮອງຫົວໜ້າກົມໃຫຍ່ພາສີ ໃຫ້ຮູ້ວ່າ ນັບແຕ່ເວລາສອງປະເທດເຊັນສົນທິສັນຍາຫຼີກລ້ຽງການເກັບພາສີຊ້ອນ ໃນວັນທີ 14 ມັງກອນປີ 1996 ຢູ່ນະຄອນຫຼວງວຽງຈັນ, ພິເສດແມ່ນນັບແຕ່ເວລາກະຊວງການເງິນສອງປະເທດເຊັນຂໍ້ຕົກລົງຮ່ວມມືໃນວັນທີ 16 ກໍລະກົດ ປີ 2004, ໂຄງການຮ່ວມມືລະຫວ່ງອົງການພາສີອາກອນສອງປະເທດ ນັບມື້ນັບໄດ້ຮັບການກໍ່ສ້າງ, ພັດທະນາ ແລະ ກຳນົດວ່າເປັນໂຄງການຮ່ວມມືໄລຍະຍາວ ແລະ ຮອບດ້ານ.
ຜ່ານບັນດາໂຄງການຮ່ວມມືນີ້, ອົງການພາສີ ສອງປະເທດໄດ້ຍົກສູງຄວາມສາມາດບົ່ມຊ້ອນໃນການກໍ່ສ້າງນະໂຍບາຍກໍ່ຄືການຄຸ້ມຄອງພາສີ, ປະກອບສ່ວນສຳຄັນໃນການຮັບປະກັນແຫຼ່ງລາຍຮັບໃຫ້ແກ່ງົບປະມານແຫ່ງລັດ.
"ເພື່ອສືບຕໍ່ຍົກສູງຄຸນນະພາບ, ປະສິດທິຜົນ, ການພັດທະນາ ແລະ ຮັດແໜ້ນການພົວພັນຮ່ວມມືແບບຍືນຍົງກ່ວາອີກ, ໜູນຊ່ວຍເຊິ່ງກັນແລະກັນພ້ອມກັນພັດທະນາລະຫວ່າງອົງການພາສີສອງປະເທດ, ໃນໄລຍະຈະມາເຖິງ, ສອງຝ່າຍຄວນສືບຕໍ່ເສີມຂະຫຍາຍບັດນໝາກຜົນຮ່ວມມືທີ່ບັນລຸໄດ້", ທ່ານຮອງຫົວໜ້າກົມໃຫຍ່ ຫວູຈີຮູງແບ່ງປັນຄວາມຫວັງ.
ທ່ານ ບຸນປະເສີດ ສີກຸນລະບຸດ ຖືວ່າ ໃນໄລຍະຜ່ານມາ ອົງການພາສີອາກອນ ຫວຽດນາມ ໄດ້ໜູນຊ່ວຍອົງການພາສີລາວ ຍົກສູງຄວາມສາມາດບົ່ມຊ້ອນໃນການຄຸ້ມຄອງ, ຕອບສະໜອງຄວາມຮຽກຮ້ອງທີ່ນັບມື້ນັບສູງຂຶ້ນໃນການຄວບຄຸມພື້ນຖານເສດຖະກິດ ແລະ ການເພີ່ມທະວີໃນການເຊື່ອມໂຍງເຂົ້າກັບສາກົນ. ຕາມນັ້ນແລ້ວ, ດ້ວຍຄວາມມານະພະຍາຍາມໃນວຽກງານຄຸ້ມຄອງພາສີ ແລະ ປະຕິຮູບການບໍລິຫານ, ປີ 2022 ກົມພາສີ ລາວ ບັນລຸໝາກຜົນທີ່ດີໃນການເຄື່ອນໄຫວ, ລື່ນກາຍ 5% ແຜນການທີ່ໄດ້ຮັບການມອບໝາຍ ເຖິງວ່າຫຼາຍປີກ່ອນລ້ວນແຕ່ບໍ່ບັນລຸໄດ້ແຜນການທີ່ໄດ້ມອບໝາຍ.
ບຸນຄົງ
