ລາວ ຈຳໜ່າຍພັນທະບັດເອເລັກໂຕຣນິກ ງວດທີ 2 ມູນຄ່າ 1,000 ຕື້ກີບ

08:04 | 02/03/2023

ຍສໝ - ທະນາຄານແຫ່ງ ສປປ ລາວ ປະກາດສືບຕໍ່ຈຳໜ່າຍພັນທະບັດເອເລັກໂຕຣນິກມີມູນຄ່າ 1.000 ຕື້ກີບ, ອາຍຸພັນທະບັດ 6 ເດືອນ ອັດຕາດອກເບ້ຍ 15%/ປີ. ນີ້ແມ່ນພັນທະບັດເອເລັກໂຕຣນິກງວດທີ 2 ທີ່ຈຳໜ່າຍໂດຍປະເທດລາວ.

	ທະນາຄານ UOB: ການເຕີບໂຕຂອງ GDP ຫວຽດນາມຈະບັນລຸ 6,6% ໃນປີ 2023
	ໜັງສືພິມເຢຍລະມັນ: ຫວຽດນາມ ພັດທະນາໃນພື້ນຖານທີ່ໝັ້ນຄົງ

ຕາມການປະກາດຂອງທະນາຄານແຫ່ງ ສປປ ລາວ, ຈຸດປະສົງຂອງການຈຳໜ່າຍພັນທະບັດ ແມ່ນສືບຕໍ່ປະຕິບັດນະໂຍບາຍເງິນຕາ, ປະກອບສ່ວນຮັກສາສະຖຽນລະພາບຂອງເງິນຕາແຫ່ງຊາດ, ເພື່ອບັນລຸຈຸດປະສົງຂອງແຜນການພັດທະນາເສດຖະກິດ-ສັງຄົມແຫ່ງຊາດ ກໍ່ຄືໂຄງການແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກດ້ານເສດຖະກິດ - ການເງິນ.

ຕາມທະນາຄານແຫ່ງ ສປປ ລາວ ແລ້ວ, ນີ້ແມ່ນການອອກພັນທະບັດອີເລັກໂຕຣນິກຄັ້ງທີ 2, ພາຍຫຼັງການອອກພັນທະບັດເອເລັກໂຕຣນິກ ມີມູນຄ່າ 1,000 ຕື້ກີບໃນວັນທີ 9 ມັງກອນນີ້.

ປະເທດລາວ ຈຳໜ່າຍພັນທະບັດເອເລັກໂຕຣນິກ ງວດທີ 2 ມູນຄ່າ 1,000 ຕື້ກີບ

ການອອກພັນທະບັດຄັ້ງນີ້ ຈະອອກໃນຮູບແບບເອເລັກໂຕຼນິກ, ຜູ້ຊື້ຈະໄດ້ຮັບໃບຢັ້ງຢືນການເປັນເຈົ້າຂອງພັນທະບັດໂດຍ 7 ທະນາຄານການຄ້າ ທີ່ໄດ້ຮັບອະນຸຍາດໂດຍທະນາຄານແຫ່ງ ສປປ ລາວ, ປະກອບມີ: ທະນາຄານການຄ້າຕ່າງປະເທດລາວ ມະຫາຊົນ (BCEL), ທະນາຄານພັດທະນາລາວ (LDB), ທະນາຄານສົ່ງເສີມກະສິກຳ (APB), ທະນາຄານຮ່ວມທຸລະກິດ ລາວ-ຫວຽດນາມ (LaoVietBank), ທະນາຄານຮ່ວມພັດທະນາ (JDB), ທະນາຄານອຸດສາຫະກຳ ແລະ ການຄ້າຈີນ ຈຳກັດ - ສາຂານະຄອນຫຼວງວຽງຈັນ (ICBC) ແລະ ທະນາຄານ BIC ລາວ ຈຳກັດ. ພັນທະບັດ ມູນຄ່າ 1,000 ຕື້ກີບ ໃນຄັ້ງນີ້ ໄດ້ອອກຈຳໜ່າຍຢ່າງເປັນທາງການ ແຕ່ວັນທີ 28 ກຸມພາ 2023 ເປັນຕົ້ນໄປ.

ການອອກພັນທະບັດຄັ້ງນີ້ ຄາດວ່າຈະສືບຕໍ່ດຶງດູດແຫຼ່ງກຳລັງຈາກສັງຄົມ ເພື່ອໜູນຊ່ວຍການພັດທະນາເສດຖະກິດ - ສັງຄົມ ແລະ ແກ້ໄຂຄວາມຫຍຸ້ງຍາກດ້ານເສດຖະກິດ ແລະ ເງິນຕາຕ່າງປະເທດຂອງລາວ.