ຫຼາຍກວ່າ 12.300 ຕື້ດົ່ງຂອງພັນທະບັດອະສັງຫາລິມະຊັບໄດ້ຮອດກຳນົດຊຳລະໃນເດືອນສຸດທ້າຍຂອງປີ

00:00 | 13/12/2023

ຍສໝ - ໃນທ້າຍປີ 2023, ຍອດມູນຄ່າພັນທະບັດທີ່ຈະຮອດກຳນົດຊຳລະແມ່ນ 26.761 ຕື້ດົ່ງ. 46% ມູນຄ່າພັນທະບັດທີ່ໃກ້ຈະເຖິງກຳນົດຊຳລະແມ່ນຂຶ້ນກັບກຸ່ມອະສັງຫາລິມະຊັບດ້ວຍກວ່າ 12.372 ຕື້ດົ່ງ, ຖັດມາເເມ່ນກຸ່ມທະນາຄານດ້ວຍ 4.030 ຕື້ດົ່ງ.

	ຫຼາຍກວ່າ 370 ຕື້ດົ່ງມອບຂອງຂວັນບຸນໄຫວ້ພະຈັນໃຫ້ເດັກນ້ອຍ 6 ລ້ານຄົນໃນທົ່ວປະເທດ
	12 ປະເທດເຂົ້າຮ່ວມງານບຸນຮູບເງົາເອກະສານຫວຽດນາມ - ເອີລົບ ຄັ້ງທີ 12

ອີງຕາມຂໍ້ມູນຂອງ ສະຫະສະມາຄົມຕະຫຼາດພັນທະບັດ ຫວຽດນາມ ທີ່ສັງລວມຈາກ ຫ້ອງການທຸລະກຳຕະຫຼາດຫຼັກຊັບ ຮ່າໂນ້ຍ (HSE) ແລະ ຄະນະກຳມະການຫຼັກຊັບແຫ່ງລັດ (SSC), ມາຮອດວັນທີ 1 ທັນວາ 2023, ໄດ້ມີການຈຳໜ່າຍລາຍຍ່ອຍໃນເດືອນພະຈິກ 35 ຄັ້ງ ດ້ວຍຍອດມູນຄ່າກ່ວາ 29.331 ຕື້ດົ່ງ. ການຈຳໜ່າຍແຕ່ລະຄັ້ງນີ້ມີອັດຕາດອກເບ້ຍສະເລ່ຍ 8.2%/ປີ, ກຳນົດເວລາສະເລ່ຍ 6 ປີ.

ຫຼາຍກວ່າ 12.300 ຕື້ດົ່ງຂອງພັນທະບັດອະສັງຫາລິມະຊັບໄດ້ຮອດກຳນົດຊຳລະໃນເດືອນສຸດທ້າຍຂອງປີ

ຮູບປະກອບ

ໄລ່ນັບແຕ່ຕົ້ນປີມາຮອດປະຈຸບັນ, ຍອດມູນຄ່າການຈຳໜ່າຍພັນທະບັດວິສາຫະກິດ (C-bond) ໄດ້ຢັ້ງຢືນແມ່ນ 249.454 ຕື້ດົ່ງ, ໃນນັ້ນມີການຈຳໜ່າຍ 28 ຄັ້ງ ດ້ວຍມູນຄ່າ 27.070 ຕື້ດົ່ງ (ກວມ 10,9% ຂອງຍອດມູນຄ່າການຈຳໜ່າຍພັນທະບັດ) ແລະ ຈຳໜ່າຍລາຍຍ່ອຍ 217 ູັ້ງ ດ້ວຍມູນຄ່າ 222,84 ຕື້ດົ່ງ (ກວມເອົາ 89,1% ຂອງຍອດຈຳນວນ).

ກົງກັນຂ້າມ, ໃນເດືອນພະຈິກຜ່ານມາ, ບັນດາວິສາຫະກິດໄດ້ຊື້ພັນທະບັດໃນເດືອນພະຈິກຄືນ 10.664 ຕື້ດົ່ງ, ຍອດມູນຄ່າພັນທະບັດທີ່ບັນດາວິສາຫະກິດຊື້ຄືນກ່ອນກຳນົດການສະສົມແຕ່ຕົ້ນປີເຖິງທ້າຍເດືອນພະຈິກບັນລຸ 210.003 ຕື້ດົ່ງ, ເພີ່ມຂຶ້ນ 16.9. % ເມື່ອທຽບໃສ່ໄລຍະດຽວກັນໃນປີ 2022 ແລະ ເທົ່າກັບ 84.2% ຂອງມູນຄ່າການຈຳໜ່າຍ. ທະນາຄານແມ່ນກຸ່ມຂະແໜງການແຖວໜ້າ, ກວມເອົາ 47,9% ຂອງຍອດມູນຄ່າການຊື້ຄືນກ່ອນກຳນົດ (ເທົ່າກັບ 100.490 ຕື້ດົ່ງ).

“ໃນໄລຍະທີ່ຍັງເຫຼືອປີ 2023, ມູນຄ່າພັນທະບັດທັງໝົດຈະເຕີບໂຕ 26.761 ຕື້ດົ່ງ. 46% ມູນຄ່າພັນທະບັດທີ່ເຖິງກຳນົດຊຳລະ ແມ່ນຂຶ້ນກັບກຸ່ມບໍລິສັດອະສັງຫາລິມະຊັບກວ່າ 12.372 ຕື້ດົ່ງ, ຖັດມາແມ່ນກຸ່ມທະນາຄານ 4.030 ຕື້ດົ່ງ (ກວມເອົາ 15%)”, VBMA ໃຫ້ຮູ້ວ່າ.

ຈຳນວນພັນທະບັດທີ່ເຖິງກຳນົດຊຳລະໃນປີ 2024 ແມ່ນຂ້ອນຂ້າງຫຼາຍ ດ້ວຍຈຳນວນພັນທະບັດ ກວ່າ 297.000 ຕື້ດົ່ງ, ໃນນັ້ນກຸ່ມບໍລິສັດອະສັງຫາລິມະຊັບຍັງກວມອັດຕາສ່ວນຫຼາຍ, ອີງຕາມສະຖິຕິຫຼ້າສຸດຂອງຫຼັກຊັບ Yuanta.

ລະອຽດ, ໃນປີ 2024, ອະສັງຫາລິມະຊັບມີພັນທະບັດປະມານ 123.000 ຕື້ດົ່ງ, ຖັດມາແມ່ນທະນາຄານເກືອບ 80.000 ຕື້ດົ່ງ, ກຸ່ມກໍ່ສ້າງ ແລະ ວັດສະດຸ 22.000 ຕື້ດົ່ງ; ການທ່ອງທ່ຽວບັນເທີງແມ່ນເກືອບ 20.000 ຕື້ດົ່ງ, ສ່ວນທີ່ເຫຼືອແມ່ນກຸ່ມອື່ນໆລວມມີທັງການບໍລິການການເງິນ.

ດີງເລື້ອງ