| ຫວຽດນາມ - ລາວ ຮັດແໜ້ນການຮ່ວມມືໃນການປ້ອງກັນ, ຕ້ານການຄ້າມະນຸດ | |
| ສອງຫ້ອງວ່າການລັດຖະບານ ລາວ-ຫວຽດນາມ ເຫັນດີປະຕິບັດແຜນການຮ່ວມມືໃນຕໍ່ໜ້າ |
ລັດຖະບານລາວ ໃຫ້ບຸລິມະສິດວຽກງານດ້ານໂພຊະນາການແຫ່ງຊາດ
ຕາມທ່ານຮອງນາຍົກລັດຖະມົນຕີລາວ ກິແກ້ວ ໄຂຄຳພິທູນ ແລ້ວ, ເພື່ອບັນລຸໄດ້ເປົ້າໝາຍພັດທະນາແບບຍືນຍົງໃນປີ 2030, ລັດຖະບານລາວ ຄວນເອົາໃຈໃສ່ເປັນພິເສດເຖິງການປັບປຸງລະບົບໂພຊະນາການ.
 |
| ພາບປະກອບ: nhandan.vn |
ໄລຍະຜ່ານມາ, ລັດຖະບານລາວ ໄດ້ຈັດຕັ້ງກອງປະຊຸມແຫ່ງຊາດກ່ຽວກັບດ້ານໂພຊະນະາການ ຄັ້ງທີ VIII ແລະ ກອງປະຊຸມຄະນະກຳມະການແຫ່ງຊາດກ່ຽວກັບທາດໂພຊະນະາການ ປະຈຳປີ 2022 ພາຍໃຕ້ການເປັນປະທານຂອງທ່ານຮອງນາຍົກລັດຖະມົນຕີ, ປະທານຄະນະກຳມະການແຫ່ງຊາດ ກ່ຽວກັບທາດໂພຊະນາການລາວ ກິແກ້ວ ໄຂຄຳພິທູນ.
ເຂົ້າຮ່ວມກອງປະຊຸມ ຍັງມີບັນດາຄະນະກຳມະການດ້ານໂພຊະນາການຂັ້ນກະຊວງ, ອງົການທີ່ທຽບເທົ່າກະຊວງ ແລະ ທ້ອງຖິ່ນ, ຜູ້ຕາງໜ້າບັນດາຫົວໜ່ວຍທີ່ກ່ຽວຂ້ອງ, ບັນດາຄູ່ຮ່ວມມືພັດທະນາ ແລະ ຜູ້ຕາງໜ້າບັນດາອົງການ, ອົງການຈັດຕັ້ງສາກົນ.
ກອງປະຊຸມເພື່ອແນໃສ່ສະຫຼຸບການຈັດຕັ້ງປະຕິບັດວຽກງານແຫ່ງຊາດກ່ຽວກັບດ້ານໂພຊະນາການ ແລະ ຕີລາຄາຄືນໃໝ່ບັນດາກຸ່ມປະຕິບັດງານ, ບັນດາມາດຖານຕາມແຜນການຈັດຕັ້ງປະຕິບັດວຽກງານດ້ານໂພຊະນາການໄລຍະ 2021 – 2025, ກໍ່ຄືວາງອອກທິດທາງ, ແຜນການຈັດຕັ້ງປະຕິບັດວຽກງານດາ້ນໂພຊະນາການ ໃນປີ 2023.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີລາວ ກິແກ້ວ ໄຂຄຳພິທູນ ໃຫ້ຮູ້ວ່າ ລັດຖະບານລາວ ວາງເປົ້າໝາຍບັນລຸໄດ້ການພັດທະນາແບບຍືນຍົງໃນປີ 2030. ການປັບປຸງລະບົບໂພຊະນາການແມ່ນໜຶ່ງໃນບັນດາບຸລິມະສິດໂດຍລັດຖະບານໄດ້ມີຄວາມເອົາໃຈໃສ່ເປັນພິເສດ.
ຕາມທ່ານຮອງນາຍົກລັດຖະມົນຕີລາວແລ້ວ, ໄລຍະ 2020 – 2022, ງົບປະມານຂອງລາວສະຫງວນໃຫ້ແກ່ວຽກນງານດ້ານໂພຊະນາການກວມເອົາປະມານ 0,5% GDP, ປະມານ 2% ງົບປະມານແຫ່ງຊາດ, ສ່ວນຍັງເຫຼືອແມ່ນການໜູນຊ່ວຍຈາກບັນດາຄູ່ຮ່ວມມືພັດທະນາສາກົນ. ດັ່ງນັ້ນ, ໃນໄລຍະຈະມາເຖິງ, ລາວຕ້ອງມານະພະຍາຍາມກ່ວາອີກໃນການກໍ່ສ້າງແຜນການ ແລະ ເພີ່ມງົບປະມານທີ່ສະຫງວນໃຫ້ແກ່ວຽກງານດ້ານໂພຊະນາການໃນທຸກລະດັບ.
ກອງປະຊຸມຕີລາຄາວ່າ ໃນໄລຍະຜ່ານມາ, ການຈັດຕັ້ງປະຕິບັດວຽກງານດ້ານໂພຊະນາການບັນລຸໄດ້ຜົນສຳເລັດໃນບາງດ້ານ, ເຖິງຢ່າງໃດກໍ່ຕາມ, ຍັງປະສົບກັບຄວາມຫຍຸ້ງຍາກທີ່ກີດຂວາງການບັນລຸໄດ້ເປົ້າໝາຍທີ່ໄດ້ວາງອອກ, ເຊັ່ນວ່າ ການຫຼຸດຜ່ອນອັດຕາເດັກນ້ອຍຂາດໂພຊະນາການ, ຂາດວີຕາມິນ…
ບຸນຄົງ
