ຫວຽດນາມ - ລາວ ຮັດແໜ້ນການຮ່ວມມືໃນການປ້ອງກັນ, ຕ້ານການຄ້າມະນຸດ

14:42 | 27/02/2023

ຍສໝ - ໄລຍະຜ່ານມາ, ສອງຝ່າຍໄດ້ເປັນເຈົ້າການໃນການປ້ອງກັນ, ສະກັດກັ້ນສະພາບການເຄື່ອນໄຫວອາດຊະຍາກຳຄ້າມະນຸດຢູ່ເຂດຊາຍແດນ ຫວຽດນາມ - ລາວ, ປະກອບສ່ວນເຂົ້າໃນການຮັບປະກັນຄວາມໝັ້ນຄົງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ, ຮັບໃຊ້ການພັດທະນາເສດຖະກິດ, ສັງຄົມ, ເພີ່ມທະວີການພົວພັນຮ່ວມມື, ມິດຕະພາບ, ຄວາມສາມັກຄີ, ສະໜິດຕິດພັນຢ່າງໝັ້ນແກ່ນ, ຍາວນານລະຫວ່າງສອງປະເທດ.

	ດັກລັກ: ປ້ອມປ້ອງກັນປະເທດ ເຊເຣປົກ ແລະ ຕາແສງ ກຣົງນາ ເພີ່ມທະວີການລາດຕະເວນປ້ອງກັນຊາຍແດນ
	ຫວຽດນາມ ພ້ອມແລ້ວທີ່ຈະຮ່ວມແຮງຮ່ວມໃຈແກ້ໄຂບັນດາບັນຫາສາກົນ

ບັນດາຜູ້ແທນເຂົ້າຮ່ວມກອງປະຊຸມ (ພາບ: cand.com.vn)

ໄລຍະຜ່ານມາ, ສອງຝ່າຍໄດ້ເປັນເຈົ້າການໃນການປ້ອງກັນ, ສະກັດກັ້ນສະພາບການເຄື່ອນໄຫວອາດຊະຍາກຳຄ້າມະນຸດຢູ່ເຂດຊາຍແດນ ຫວຽດນາມ - ລາວ, ປະກອບສ່ວນເຂົ້າໃນການຮັບປະກັນຄວາມໝັ້ນຄົງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ, ຮັບໃຊ້ການພັດທະນາເສດຖະກິດ, ສັງຄົມ, ເພີ່ມທະວີການພົວພັນຮ່ວມມື, ມິດຕະພາບ, ຄວາມສາມັກຄີ, ສະໜິດຕິດພັນຢ່າງໝັ້ນແກ່ນ, ຍາວນານລະຫວ່າງສອງປະເທດ.

ວັນທີ 22 ກຸມພາ, ຢູ່ແຂວງ ຫຼວງພະບາງ (ປະເທດລາວ), ໄດ້ດຳເນີນກອງປະຊຸມສະຫຼຸບ, ການຕີລາຄາໝາກຜົນການປະຕິບັດສົນທິສັນຍາລັດຖະບານ ສາທາລະນະລັດ ສັງຄົມນິຍົມ ຫວຽດນາມ ແລະ ລັດຖະບານ ສາທາລະນະລັດ ປະຊາທິປະໄຕ ປະຊາຊົນ ລາວ ກ່ຽວກັບການປ້ອງກັນ,ຕ້ານການຄ້າມະນຸດປີ 2010 – 2022. ເຫດການນີ້ໂດຍຄະນະກຳມະການປ້ອງກັນ, ຕ້ານການຄ້າມະນຸດ ແຫ່ງຊາດລາວ ເປັນເຈົ້າພາບຈັດຕັ້ງ. ຄະນະຜູ້ແທນລະຫວ່າງຂະແໜງຫວຽດນາມ ໄດ້ເຂົ້າຮ່ວມກອງປະຊຸມໂດຍ ທ່ານພັນເອກ ຫງວຽນມິງຮຽວ, ຮອງຫົວໜ້າກົມພົວພັນຕ່າງປະເທດ, ກະຊວງຕຳຫຼວດ ຫວຽດນາມ ເປັນຫົວໜ້າຄະນະ. ຄະນະຜູ້ແທນລະຫວ່າງຂະແໜງລາວ ໂດຍທ່ານພົນຈັດຕາວາ ແກ່ນຈັນ ພົມມະຈັກ, ຮອງຫົວໜ້າກົມໃຫຍ່ຕຳຫຼວດ, ກະຊວງຕຳຫຼວດ ລາວ, ຫົວໜ້າຄະນະເລຂາຄະນະກຳມະການແຫ່ງຊາດກ່ຽວກັບການປ້ອງກັນ, ຕ້ານການຄ້າມະນຸດ, ຫົວໜ້າຄະນະຜູ້ແທນລະຫວ່າງຂະແໜງລັດຖະບານ ສາທາລະນະລັດ ປະຊາທິປະໄຕ ປະຊາຊົນ ລາວ

ໃນກອງປະຊຸມ, ສອງຝ່າຍໄດ້ເຫັນດີເປັນເອກະພາບຕໍ່ຂໍ້ສັງເກດກ່ຽວກັບສະພາບກາອາດສະຍາກຳການຄ້າມະນຸດສືບຕໍ່ມີຄວາມສັບສົນຊ້ອນແຝງຫຼາຍປັດໄຈຍາກທີ່ຈະຄາດຄະເນລ່ວງໜ້າໄດ້, ພິເສດແມ່ນພາຍຫຼັງ ຄວບຄຸມພະຍາດCovid-19 ໄດ້ຢ່າງສົມບູນ. ວິທີການຫຼອກລວງຂອງອາດຊະຍາກໍາການຄ້າມະນຸດ ນັບມື້ນັບເປັນຫຼາຍຮູບແບບ, ພິເສດແມ່ນການສວຍໃຊ້ອິນເຕີເນັດ ເພື່ອຈອບອອຍຜູ້ປະສົບເຄາະຮ້າຍ ເຊິ່ງສ້າງຄວາມຫຍຸ້ງຍາກຫຼາຍຢ່າງໃຫ້ແກ່ວຽກງານປ້ອງກັນ, ຕ້ານ ແລະ ຕໍ່ສູ້.

ບັນດາຜູ້ແທນໄດ້ຮັບຮູ້, ຕີລາຄາສູງບັນດາໝາກຜົນຢ່າງຕັ້ງໜ້າໂດຍບັນດາກະຊວງ, ຄະນະ, ຂະແໜງການທີ່ກ່ຽວຂ້ອງຂັ້ນສູນກາງ ແລະ ທ້ອງຖິ່ນບັນລຸໄດ້, ເປັນຕົ້ນແມ່ນບັນດາແຂວງຕິດກັບຊາຍແດນ ລະຫວ່າງ ຫວຽດນາມ ແລະ ລາວ. ຜ່ານນັ້ນ ກໍ່ປະກອບສ່ວນເຂົ້າໃນການຮັບປະກັນຄວາມໝັ້ນຄົງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ, ຮັບໃຊ້ການພັດທະນາເສດຖະກິດ, ສັງຄົມ, ເພີ່ມທະວີການພົວພັນຮ່ວມມື, ມິດຕະພາບ, ຄວາມສາມັກຄີ, ສະໜິດຕິດພັນຢ່າງໝັ້ນແກ່ນ, ຍາວນານລະຫວ່າງສອງປະເທດ.

ຈາກບັນດາໝາກຜົນທີ່ບັນລຸໄດ້ ແລະ ບັນດາຄວາມຫຍຸ້ງຍາກ, ຂໍ້ຄົງຂ້າງ, ຂໍ້ຈຳກັດທີ່ໄດ້ຍົກອອກມາຢູ່ກອງປະຊຸມ, ບັນດາຜູ້ແທນໄດ້ເຫັນດີເປັນເອກະພາບບາງມາດຕະການຊຸກຍູ້ວຽກງານຮ່ວມມືສາກົນໃນການແກ້ໄຂບັນດາຄະດີຄ້າມະນຸດໃນໄລຍະຜ່ານມາ. ລະອຽດແມ່ນ, ອົງການທີ່ມີໜ້າທີ່ຮັບຜິດຊອບສອງປະເທດໄດ້ຮັກສາຊ່ອງທາງຂໍ້ມູນເພື່ອອັບເດດເປັນປະຈຳ, ແລກປ່ຽນສະພາບການທີ່ກ່ຽວຂ້ອງ, ຮັກສາການແລກປ່ຽນວຽກງານ, ພົບປະ, ແລກປ່ຽນຄະນະທຸກຂັ້ນເປັນປະຈຳ, ເປັນຕົ້ນແມ່ນບັນດາທ້ອງຖິ່ນລະຫວ່າງສອງຝ່າຍ.

ຕັ້ງໜ້າຍູ້ແຮງບັນດາການເຄື່ອນໄຫວສື່ມວນຊົນລວມ, ເປັນຕົ້ນແມ່ນຢູ່ເຂດຊາຍແດນຂອງແຕ່ລະປະເທດເພື່ອຍົກສູງຄວາມຮັບຮູ້ຂອງປະຊາຊົນກ່ຽວກັບການປ້ອງກັນ, ຕ້ານການຄ້າມະນຸດ, ການເຂົ້າອອກເມືອງແບບຜິດກົດໝາຍ, ແຮງງານ ແລະ ຜູ້ອົບພະຍົບເສລີແບບຜິດກົດໝາຍ. ສືບຕໍ່ສົມທົບກັນຢ່າງແໜ້ນແຟ້ນເພື່ອແນໃສ່ຄົ້ນພົບ, ຢັ້ງຢືນ, ດຳເນີນຄະດີ, ສິ່ງທີ່ມີສັນຍານອາດຊະຍາກຳຄ້າມະນຸດທີ່ມີການເຄື່ອນໄຫວບົນຜືນແຜ່ນດິນລະຫວ່າງສອງປະເທດ.

ກໍ່ທີ່ກອງປະຊຸມ, ສອງຝ່າຍໄດ້ເຫັນດີເປັນເອກະພາບໃນການກໍ່ສ້າງ ແລະ ຜັນຂະຫຍາຍໝາກຜົນແຜນການບັນດາການເຄື່ອນໄຫວໃຫ້ບຸລິມະສິດສົມທົບກັນປະຕິບັດສົນທິສັນຍາ ໄລຍະ 2023 – 2025 ໃນໄລຍະຈະມາເຖິງ, ສືບຕໍ່ຮັກສາກົນໄກສົມທົບກັນຢ່າງແໜ້ນແຟ້ນໃນວິວັດການຜັນຂະຫຍາຍຢູ່ແຕ່ລະປະເທດ,ຮັບປະກັນຄວາມແທດຈິງ, ມີປະສິດທິຜົນເພື່ອຕອບສະໜອງຄວາມຮຽກຮ້ອງຕ້ອງການໃນສະພາບການໃໝ່.

ບຸນຄົງ