| ເພີ່ມທະວີການຮ່ວມມືກັບບັນດາອົງການຕ່າງປະເທດປະຈຳນະຄອນ ໂຮ່ຈີມິນ | |
| ສື່ມວນຊົນສາກົນຍ້ອງຍໍຊົມເຊີຍ ປະທານ ໂຮ່ຈີມິນ ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດ ປະທານ ໂຮ່ຈີມິນ ຄົບຮອບ 130 ປີ (19/5/1890 – 19/5/2020) |
 |
| ທ່ານ ຟານວັນໝາຍ, ປະທານຄະນະກຳມະການປະຊາຊົນ ນະຄອນໂຮ່ຈີມິນ ແລກປ່ຽນກັບວິສາຫະກິດນະຄອນໂຮ່ຈີມິນ (ພາບ: nld.com.vn) |
ວັນທີ 22 ກຸມພາ, ຄະນະກຳມະການປະຊາຊົນ ນະຄອນໂຮ່ຈີມິນ ຈັດການໂອ້ລົມສົນທະນາກັບ 18 ການນຳນະຄອນ ການນຳ ສະມາຄົມວິສາຫະກິດຕ່າງປະເທດ ຢູ່ນະຄອນໂຮ່ຈີມິນ ດ້ວຍຫົວຂໍ້ “ຍົກສູງປະສິດທິຜົນການເຄື່ອນໄຫວວຽກງານທາງລັດຖະການ, ຍູ້ແຮງການປະຕິຮູບການບໍລິຫານ ແລະ ປັບປຸງສະພາບແວດລ້ອມແຫ່ງການລົງທຶນ; ຊຸກຍູ້ການພັດທະນາເສດຖະກິດ; ຮັບປະກັນສະຫວັດດີການສັງຄົມ”.
ທີ່ການໂອ້ລົມສົນທະນາ, ປະທານ Eurocham ໄດ້ແຈ້ງໃຫ້ຊາບວ່າ ມີນັກຊ່ຽວຊານຕ່າງປະເທດຫຼາຍຄົນພວມປະທົບກັບຄວາມຫຍຸ້ງຍາກໃນການຂໍໃບອະນຸຍາດອອກແຮງງານຢູ່ນະຄອນໂຮ່ຈີມິນຍ້ອນມີຫຼາຍຂັ້ນຕອນທີ່ສັບສົນ, ຫຍູ້ງຍາກ. ນອກຈາກນັ້ນ, Eurocham ສະເໜີ ທາງນະຄອນສືບຕໍ່ ຍູ້ແຮງເຕັດໂນໂລຢີດີຈີຕອນ, ພິເສດແມ່ນໃນການປະຕິບັດລະບຽບການບໍລິຫານກໍ່ຄືລາຍເຊັນດີຈີຕອນ, ເອກະສານດີຈີຕອນ. ແລະ ມີຜູ້ຕາງໜ້າວິສາຫະກິດຕ່າງປະເທດຫຼາຍຄົນກໍ່ສະແດງຄວາມຫວັງວ່າທາງນະຄອນສືບຕໍ່ຜັນຂະຫຍາຍຢ່າງແຮງບັນດາມາດຕະການປົກປັກຮັກສາສິ່ງແວດລ້ອມ, ເບິ່ງແຍງດູແລສຸຂະພາບ, ຍົກສູງຄຸນນະພາບການດຳລົງຊີວິດ.
ກ່າວຄຳເຫັນຢູ່ທີ່ນີ້, ທ່ານ ຟານວັນໝາຍ, ປະທານຄະນະກຳມະການປະຊາຊົນ ນະຄອນໂຮ່ຈີມິນ, ຢືນຢັນວ່າ: ນະຄອນໂຮ່ຈີມິນ ພວມສຸມໃສ່ການປັບປຸງສະພາບແວດລ້ອມແຫ່ງການລົງທຶນ, ເຮັດແຈ້ງຄວາມຮັບຜິດຊອບໃນການບໍລິຫານຂອງບັນດາອົງການ, ຄວາມຮັບຜິດຊອບວຽກງານທາງລັດຖະການ ຂອງອົງການພາລະກອນແຕ່ລະຄົນ ໜຶ່ງໃນບັນດາໜ້າທີ່ປີ 2023 ແມ່ນສຸມໃສ່ປະສິດທິເຄື່ອນໄຫວວຽກງານທາງລັດຖະການ ປະຕິຮູບລະບຽບການບໍລິຫານໃຫ້ມີປະສິດທິຜົນກວ່າເກົ່າ, ປັບປຸງສະພາບແວດລ້ອມການລົງທຶນໃຫ້ດີຂຶ້ນ. ນະຄອນໂຮ່ຈີມິນ ຈະປະກາດບັນດາຂໍ້ກຳນົດຢ່າງຈະແຈ້ງກ່ຽວກັບສິດອຳນາດ, ຄວາມຮັບຜິດຊອບ, ໄລຍະປະຕິບັດບັນດາລະບຽບການບໍລິຫານ ໃຫ້ສະມາຄົມວິສາຫະກິດ ໂດຍໄວ. ທ່ານ ຟານວັນໝາຍ ເນັ້ນໜັກວ່າ: ນະຄອນຈະສືບຕໍ່ມານະພາຍາຍາມ, ປັບປຸງການບໍລິຫານ, ນຳໃຊ້ການຫັນເປັນດີຈີຕອນຍິ່ງຫຼາຍຍິ່ງດີ, ສ້າງເງື່ອນໄຂສະດວກທີ່ສຸດໃຫ້ແກ່ບັນດາວິສາຫະກິດ ໃນວິວັດການປະຕິບັດບັນດາລະບຽບການບໍລິຫານ ຈະເປັນນະຄອນທີ່ບັນລຸເປົ້າໝາຍ ການເຄື່ອນໄຫວໂດຍພື້ນຖານຂອງອຳນາດການປົກຄອງ ໃນລະບົບດີຈີຕອນ ໃນປີ 2025.
ບຸນຄົງ
