ປັບປຸງ ແລະ ພັດທະນາສາຍພົວພັນມິດຕະພາບ, ຄວາມສາມັກຄີແບບພິເສດລະຫວ່າງສອງແຂວງກວາງບິ່ງ (ຫວຽດນາມ) ແລະ ສະຫວັນນະເຂດ (ລາວ)
	ທ່ານ ຫງວຽນຈ້ອງເງັຍ, ຫົວໜ້າຄະນະໂຄສະນາສຶກສາສູນກາງພັກ ໄດ້ດຳເນີນການພົບປະເຈລະຈາກັບທ່ານ ຄຳພັນ ເຜີຍຍະວົງ, ຫົວໜ້າຄະນະໂຄສະນາອົບຮົບສູນກາງພັກປະຊາຊົນປະຕິວັດ ລາວ

ເວັບໄຊ Traveler ຂອງອົດສະຕາລີ ຫາກໍ່ຈັດປະເທດລາວ ເຂົ້າບັນຊີລາຍຊື່ 10 ປະເທດໃນ 25 ສະຖານທີ່ທ່ອງທ່ຽວທີ່ຈັບອົກຈັບໃຈທີ່ສຸດໃນປີ 2023 ຂອງໂລກ.

ບົດຂຽນໃຫ້ຮູ້​ວ່າ ໃຜ​ທີ່​ເຄີຍ​ໄປ​ລາວ ກໍ່ລ້ວນແຕ່ຈະ​ຮູ້​ດີ​ເຖິງຈຸດທີ່ເປັນສະເໜ່​ຂອງ​ປະ​ເທດນີ້, ຈາກ​ຄວາມ​ສວຍ​ງາມ​ທາງ​ດ້ານ​ວັດທະນະທຳ​ຂອງ​​ຫຼວງ​ພະ​ບາງ ຈົນ​ເຖິງການ​ພະ​ຈົນ​ໄພຢູ່​ວັງ​ວຽງ ແລະ ​ເຕັມ​ໄປ​ດ້ວຍ​ພະລັງ​ແຮງໄວໜຸ່ມ​ຂອງນະຄອນຫຼວງ​ວຽງ​ຈັນ.

ລາວ ສືບຕໍ່ນອນໃນບັນຊີລາຍຊື່ຂອງແຫຼ່ງທ່ອງທ່ຽວທີ່ຈັບອົກຈັບໃຈທີ່ສຸດ. ພາບ: baoquocte.vn

ຄຽງຂ້າງນັ້ນ, ພວກເຂົາເຈົ້າຍັງມີປະສົບການມນການນັ່ງລົດຕຸກໆ, ຄັບແຄບທີ່ແລ່ນຢູ່ໃນເສັ້ນທາງທີ່ຄົດລ້ຽວ, ແຄບໆດ້ວຍເນີນພູອອ້ມຮອບຂອງປະເທດທີ່ບໍ່ມີທະເລນີ້.

ເຖິງຢ່າງໃດກໍ່ຕາມ, ທຸກສິ່ງທຸກຢ່າງໄດ້ປ່ຽນແປງເມື່ອປະເທດລາວ ເລີ່ມເປີດບໍລິການເສັ້ນທາງລົດໄຟ ບໍ່ເຕັນ-ວຽງຈັນ, ເຊື່ອມຕໍ່ນະຄອນຫຼວງວຽງຈັນ ກັບຊາຍແດນພາກເໜືອຂອງປະເທດນີ້ໃນທ້າຍປີ 2021.

ເສັ້ນທາງລົດໄຟນີ້ບໍ່ພຽງແຕ່ແລ່ນຜ່ານແຫຼ່ງທ່ອງທ່ຽວທີ່ໄດ້ຄວາມນິຍົມຂອງລາວ ຄື: ວັງວຽງ, ຫຼວງພະບາງ, ເມືອງໄຊ ເທົ່ານັ້ນ ແຕ່ຍັງເຮັດໃຫ້ເວລາເດີນທາງສັ້ນລົງ ແລະ ພ້ອມກັນນັ້ນ, ກໍ່ປ່ຽນແປງການເດີນທາງຂອງນັກທ່ອງທ່ຽວທີ່ຢາກໄປຄົ້ນຫາປະເທດລາວ.

ຕາມ​ຂ່າວສານ​ຈາກ​ປະເທດລາວ, ​ໂດຍບັນດາສື່ສິງພິມທີ່ມີຊື່ສຽງຄື​ CNN, National Geographic, Wanderlust ແລະ Fodor's ໄດ້ຈັດເຂົ້າບັນຊີລາຊື່ບັນດາສະຖານທີ່ແຖວໜ້າ, ລາວພວມ​ກາຍ​ເປັນປະເທດແຫ່ງການ​ທ່ອງ​ທ່ຽວ​​ໃນ​ປີ 2023 ຢ່າງ​ວ່ອງ​ໄວ.

ບົນ​ພື້ນຖານ​ນັ້ນ, ຫວ່າງ​ມໍ່ໆ​ມາ​ນີ້, ກະຊວງ​ຖະ​ແຫຼ​ງຂ່າວ, ວັດທະນະທຳ ​ແລະ ທ່ອງ​ທ່ຽວ​ຂອງ​ລາວ ກໍ່​ໄດ້​ວາງ​ຄາດໝາຍຈະ​ດຶງ​ດູດ​ນັກ​ທ່ອງ​ທ່ຽວ​ຕ່າງປະ​ເທດ 1,4 ລ້ານ​ເທື່ອ​ຄົນ​ໃນ​ປີ​ນີ້.