| ຄວາມຮູ້ສຶກຂອງເພື່ອນມິດສາກົນ ຕໍ່ຫວຽດນາມ | |
| ປີຜ່ານມາຂ້າພະເຈົ້າໄດ້ຫຍັງແດ່? |
 |
| ພາບປະກອບ |
ປະທັບໃຈຕໍ່ການໂຄສະນາວັດທະນະທຳ ຫວຽດນາມ
ຫວຽດນາມຜ່ານຜ່າປີ 2022 ທີ່ປະສົບຜົນສຳເລັດດ້ວຍຜົນງານຫຼາຍຢ່າງໃນຂົງເຂດວັດທະນະທຳ. ໝາກຜົນນັ້ນແມ່ນສ່ວນໜຶ່ງທີ່ມາຈາກບັນດາຄວາມມານະພະຍາຍາມຢ່າງບໍ່ຮູ້ອິດບໍ່ຮູ້ເມື່ອຍຂອງ ຫວຽດນາມ ໃນການຊຸກຍູ້ໂຄສະນາທາງດ້ານພາສາ ແລະ ວັດທະນະທຳຢ່າງກ້ວາງຂວາງໃນທົ່ວໂລກ. ນັ້ນແມ່ນຂໍ້ສັງເກດຂອງທ່ານສາດສະດາຈານ ນາງ Elena Tyumeneva ສັງກັດມະຫາວິທະຍາໄລ ພາສາສາດຂັ້ນສູງ (ກະຊວງການຕ່າງປະເທດ ລັດເຊຍ)
ທ່ານສາດສະດາຈານ ນາງ Elena Tyumeneva ເນັ້ນໜັກວ່າ ໃນຊຸມທົດສະວັດມໍ່ໆມານີ້, ຍ້ອນຫຼາຍສາຍເຫດທີ່ແຕກຕ່າງກັນ, ມີຊາວຫວຽດນາມ ຫຼາຍຄົນໄດ້ເລືອກດຳລົງຊີວິດຢູ່ບັນດາປະເທດທີ່ບໍ່ແມ່ນບ່ອນເຂົາເຈົ້າກຳເນີດ. ແຕ່ສິ່ງນີ້ບໍ່ໝາຍຄວາມວ່າ ເຂົາເຈົ້າເດີນທາງອອກຈາກກົກເຄົ້າເຫງົ້າກໍປະເທດຊາດ. ຕາມທ່ານສາດສະດາຈານແລ້ວ, ໃນໂລກນີ້, ເບິ່ງຄືວ່າການຕໍ່ສູ້ຍາດແຍ່ງຜົນສະທ້ອນທາງດ້ານວັດທະນະທຳພວມນັບມື້ນັບເພີ່ມຂຶ້ນ, ຍ້ອນການຢູ່ຫ່າງໄກບ້ານເກີດເມືອງນອນ ໄດ້ສ້າງຄວາມວິຕົກກັງວົນຫຼາຍຢ່າງຕໍ່ສີສັນວັນທະນະທຳ. ໃນສະພາບການນັ້ນ, ພາສາແມ່ ໄດ້ສວມບົດບາດສຳຄັນທີ່ສຸດເພື່ອເຊື່ອມຕໍ່ ແລະ ໂຄສະນາວັດທະນະທຳຊາດ. ທ່ານສາດສະດາຈານ ນາງ Elena Tyumeneva ຢັ້ງຢືນວ່າ ການກຳນົດເອົາວັນທີ 8 ກັນຍາ ທຸກໆປີ ແມ່ນວັນເຊີດຊູພາສາຫວຽດ ໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ ແມ່ນຈຳເປັນທີ່ສຸດ, ປະກອບສ່ວນເຂົ້າໃນການຊຸກຍູ້ຜົນປະໂຫຍດແຫ່ງຊາດຂອງ ຫວຽດນາມ ແລະ ປັບປຸງປະຊາຄົມເວົ້າພາສາຫວຽດ.
ກໍ່ຕາມທ່ານສາດສະດາຈານ ນາງ Elena Tyumeneva ແລ້ວ, ບັນດາຄວາມມານະພະຍາຍາມເພື່ອຊຸກຍູ້ການໂຄສະນາພາສາ ແລະ ວັດທະນະທຳ ຫວຽດນາມ ໃນໄລຍະຜ່ານມາແມ່ນເປັນໜ້າເຄົາລົບທີ່ສຸດ. ບັນດາງານວາງສະແດງ, ເຫດການວັດທະນະທຳສິລະປະ, ການສະແດງດົນຕີຂອງບັນດານັກສິລະປິນ ຫວຽດນາມ ອາໄສຢູ່ຕ່າງປະເທດ ໄດ້ບັນລຸບັນດາຜົນສຳເລັດທີ່ເໝາະສົມທີ່ສຸດ. ນັມມື້ນັບມີຫຼາຍຄົນມີຄວາມສົນໃຈຕໍ່ຮູບເງົາ ແລະ ວັດທະນະທຳ ຫວຽດນາມ. ທຸກເຫດການນີ້ ໄດ້ນຳມາເຊິ່ງກາລະໂອກາດສຳຜັດກັບປະຫວັດສາດ ແລະ ວັດນະທະນຳຫວຽດນາມ ໃຫ້ແກ່ປະຊາຊົນ. ໂດຍແມ່ນຄູສອນພາສາຫວຽດ, ທ່ານສາດສະດາຈານ ນາງ Elena Tyumeneva ໄດ້ສະແດງຄວາມສຸກ ເມື່ອໄດ້ຮັກສາການເຊື່ອມຕໍ່ຢ່າງແໜ້ນແຟ້ນກັບສະຖານທູດ ຫວຽດນາມ ປະຈຳ ລັດເຊຍ ແລະ ເຫັນໄດ້ເຖິງຄວາມມານະພະຍາຍາມໃຫຍ່ຫຼວງຂອງອົງການຕາງໜ້າການທູດ ຫວຽດນາມ, ໃນນັ້ນມີການໂຄສະນາຄວາມງາມທາງດ້ານວັດທະນະທຳຫວຽດນາມ.
ໂດຍຫວນຄືນປີ 2022, ທ່ານສາດສະດາຈານ ນາງ Elena Tyumeneva ໄດ້ເນັ້ນໜັກວ່າ ຫວຽດນາມ ໄດ້ນຳໃຊ້ກຳລັງແຮງທາງການທູດວັດທະນະທຳຢ່າງມີປະສິດທິຜົນ ເພື່ອເພີ່ມທະວີການໂຄສະນາບັນດາຄຸນຄ່າທາງດ້ານວັດນະທະນຳ, ມະນຸດສະທຳຂອງຕົນອອກສູ່ໂລກ. ນັກຊ່ຽວຊານລັດເຊຍ ມີຄວາມປະທັບໃຈຕໍ່ Festival ສາກົນເຫ້ວ ເຊີດຊູບັນດາມໍລະດົກວັດທະນະທຳ, ເຕົ້າໂຮມຫຼາຍນັກເຄື່ອນໄຫວວັດທະນະທຳຈາກຫຼາຍປະເທດ. ໄປຄຽງຄູ່ກັນນັ້ນ, ບັນດາເຫດການໃຫຍ່ໃນປະເທດ, ຫວຽດນາມ ກໍ່ຕັ້ງໜ້າເຂົ້າຮ່ວມ ແລະ ບັນລຸໄດ້ຫຼາຍລາງວັນໃນຂອບຂະໜາດໃຫຍ່ຢູ່ການແຂ່ງຂັນສາກົນ. ທ່ານສາດສະດາຈານ ຫວັງວ່າ ຈະສືບຕໍ່ເຫັນໄດ້ຜູ້ຕາງໜ້າທີ່ດີເດັ່ນທີ່ສຸດຂອງວັດທະນະທຳ ແລະ ສິລະປະ ຫວຽດນາມ ບົນເວທີສາກົນ.
ຢູ່ລັດເຊຍ, ທ່ານສາດສະດາຈານ ນາງ Elena Tyumeneva ແລະນັກສຶກສາ ລັດເຊຍ ໄດ້ມີຄວາມປິຕິຊົມຊື່ນເມື່ອໄດ້ເຂົ້າຮ່ວມບັນດາການສະເຫຼີມສະຫຼອງພິທີສຳຄັນ ແລະ ເປັນໜ້າຈົດຈຳໃນປະຫວັດສາດ ຫວຽດນາມ , ກໍ່ຄືບັນດາເຫດການວັດທະນະທຳ ຫວຽດນາມ, ບັນດາກອງປະຊຸມວັດນະທະທຳ, ເວທີປາໄສ…ເປັນຫຼາຍຄັ້ງ. ນັບມື້ນັບມີຫຼາຍຄົນຢາກຮຽນພາສາຫວຽດ ຢູ່ລັດເຊຍ. ມີຫຼາຍມະຫາວິທະຍາໄລ ຢູ່ Moskva, Saint Petersburg, Vlapostok, Kazan ມີຫ້ອງສອນພາສາຫວຽດ. ຕາມທ່ານສາດສະດາຈານແລ້ວ, ບັນດາຄອບຄົວ ຂອງບັນດານັກຊ່ຽວຊານກ່ຽວກັບຫວຽດນາມ ພວມເປີດກວ້າງ ແລະ ເພີ່ມຂຶ້ນໃນທຸກປີ. ມີຫຼາຍຄົນໃນຈຳນວນນັ້ນ ເຂົາເຈົ້າຍັງເຂົ້າຮ່ວມຖັນແຖວພະນັກງານການທູດ. ຫຼາຍຄົນສືບຕໍ່ພັດທະນາການພົວພັນທາງການຄ້າ, ເສດຖະກິດ ແລະ ວັດທະນະທຳກັບ ຫວຽດນາມ ຫຼື ເຮັດວຽກໃນຂົງເຂດຕ່າງໆ.
ກ່ຽວກັບການທ່ອງທ່ຽວ, ຕາມທ່ານສາດສະດາຈານແລ້ວ, ແຂກທ່ອງທ່ຽວຕ່າງປະເທດມີຄວາມຮັກແພງຫວຽດນາມມາແຕ່ດົນນານ ຍ້ອນຄວາມງາມ ແລະ ການຮັກແພງແຂກຄົນຂອງຊາວດິນແດນຮູບຕົວ S ນີ້. ໃນສື່ສັງຄົມອອນໄລ, ແຂກທ່ອງທ່ຽວໄດ້ແບ່ງປັນຄວາມປະທັບໃຈຕໍ່ຫວຽດນາມ, ແນະນຳສະຖານທີ່ນັດພົບ, ຮີດຄອງປະເພນີ, ປະຫວັດສາດ, ວັດທະນະທຳ, ອາຫານການກິນ… ຢູ່ລັດເຊຍ ປັດຈຸບັນ, ປະຊາຊົນຮູ້ຈັກເຝີງົວ ແມ່ນຫຍັງ ໂດຍບໍ່ຕ້ອງແປເປັນພາສາລັດເຊຍ. ນັບທັງຜູ້ຍັງບໍ່ທັນເຄີຍໄປ ຫວຽດນາມ ກໍ່ມັກເຍື່ອງອາຫານນີ້. ທ່ານສາດສະດາຈານ ກໍ່ພວມລໍຄອຍຮັບຊົມການຟ້ອນຕຸກກະຕານ້ຳຂອງ ຫວຽດນາມ ຢູ່ລາຍການວັນບຸນວັດທະນະທຳສາກົນ ທີ່ຄາດວ່າຈະຈັດຕັ້ງຢູ່ ມົດສະກູ ໃນປີ 2023. ນັກຊ່ຽວຊານເຊື່ອໝັ້ນວ່າ ການສະແດງຂອງ ຫວຽດນາມ ຈະແມ່ນເຫດການທີ່ພົ້ນເດັ່ນໃນການດຳລົງຊີວິດທາງດ້ານວັດທະນະທຳ.
ບຸນຄົງ
