ປີຜ່ານມາຂ້າພະເຈົ້າໄດ້ຫຍັງແດ່?
ປັດຈຸບັນມີຊາວຕ່າງປະເທດນັບແສນຄົນພວມດຳລົງຊີວິດ ແລະ ເຮັດວຽກຢູ່ ຫວຽດນາມ. ປີ 2022, ເຂົາເຈົ້າບັນລຸໄດ້ໝາກຜົນຫຍັງໃຫ້ແກ່ຕົນເອງ ກໍ່ຄືມີການປະກອບສ່ວນຫຍັງໃຫ້ແກ່ປະຊາຄົມປະເທດປະຈຳຖິ່ນ?
ຂ້າພະເຈົ້າຄວ້າໄດ້ລາງວັນສື່ມວນຊົນຢູ່ ຫວຽດນາມ
ທ່ານ Anton Novoselov (ສັນຊາດ ລັດເຊຍ) ເລີ່ມດຳລົງຊີວິດຢູ່ຫວຽດນາມ ແຕ່ປີ 1989. ທ່ານແມ່ນຜູ້ອຳນວຍການພັດທະນາທຸລະກິດຂອງ ບໍລິສັດ Lao Viet Foods (ຍາຈາງ) ສະເພາະຂະແໜງການປຸງແຕ່ງຜະລິດຕະພັນກະເສດສົ່ງອອກ.
 |
| ທ່ານ Anton Novoselov |
ປີ 2022 ຜົນງານໃຫຍ່ທີ່ສຸດຂອງຂ້າພະເຈົ້າແມ່ນດຳເນີນທຸລະກິດໝາກໄມ້ແຊ່ເຢັນ. ລະອຽດແມ່ນຜະລິດຕະພັນໝາກໄມ້ແຊ່ເຢັນເຄື່ອງໝາຍການຄ້າ “Mangosha” ຂອງບໍລິສັດຍັງໄດ້ວາງຂາຍໃນວົງກວ້າງຢູ່ບັນດາຮ້ານ, ສັບພະສິນຄ້າຢູ່ລັດເຊຍ, ເຖິງວ່າຕະຫຼາດລັດເຊຍ ມີໝາກໄມ້ຫຼາຍຊະນິດທີ່ໄດ້ນຳເຂົ້າຈາກເອຢິບ, ໄທ, ອິນເດຍ…
ນັບແຕ່ເວລາເກີດພະຍາດໂຄວິດ - 19, ບັນດາຄວາມຮຽກຮ້ອງຕ້ອງການກ່ຽວກັບການແຍກຫ່າງສັງຄົມ, ການປິດເມືອງ, ຈຳກັດການພົບປະໄດ້ເຮັດໃຫ້ປະຊາຊົນຖືກຈຳກັດການໄປຊື້ເຄື່ອງ. ເພາະສະນັ້ນ, ຜະລິດຕະພັນແຊ່ເຢັນແມ່ນມີຄວາມສະດວກຫຼາຍ. ລູກຄ້າເອົາຜະລິດຕະພັນອອກຈາກຕູ້ເຢັນ, ວາງອອກຢູ່ນອກ 1 – 3 ນາທີແລ້ວສາມາດນຳໃຊ້ໄດ້.
ເມື່ອແບ່ງປັນກ່ຽວກັບແຜນການປີຕໍ່ໄປ, ທ່ານ Anton ໃຫ້ຮູ້ວ່າ: ນອກຈາກຜະລິດຕະພັນໝາກໄມ້ແຊ່ເຢັນແບບກະແລັມ ທີ່ພວມມີຢູ່ໃນຕະຫຼາດແລ້ວ, ບໍລິສັດຈະຍູ້ແຮງການຜະລິດອາໂວກາໂດບົດແຊ່ເຢັນອີກດ້ວຍ.
ໝາກໄມ້ຫວຽດນາມ ພ້ອມກັບຂ້າພະເຈົ້າຍາດເອົາຊະນະຕໍ່ໂຄວິດ - 19
ທ່ານ Glen MacDonald, ເກີດປີ 1996, ມາຈາກລັດ Pennsylvania (ອາເມລິກາ), ຮຽນຈົບປະລິນຍາຕີຂະແໜງອັກສອນສາດ ໂຮງຮຽນ Wagner College, ຄູ່ຮ່ວມງານວາລະສານຍຸກສະໄໝ.
ຕົ້ນເດືອນພະຈິກ 2022, ຂ້າພະເຈົ້າ ແລະ ຄູ່ຮ່ວມງານຢູ່ ວາລະສານຍຸກສະໄໝ ມີຄວາມເປັນກຽດໄດ້ຮັບລາງວັນທີ 3 ທົ່ວປະເທດກ່ຽວກັບການຖະແຫຼງຂ່າວການຕ່າງປະເທດຄັ້ງທີ 8 ຂອງຫວຽດນາມ. ລາງວັນສຳລັບຫົວເລື່ອງ “Healing the wounds of the US war in Vietnam: Reconciliation and Forgiveness
 |
| ທ່ານ Glen MacDonald, ເກີດປີ 1996, ມາຈາກລັດ Pennsylvania (ອາເມລິກາ) |
ເພື່ອປະຕິບັດຫົວເລື່ອງນີ້, ໃນໄລຍະ 2 ເດືອນ, ພວກຂ້າພະເຈົ້າໄດ້ສຳພາດຜູ້ຕາງໜ້າປະຊາຄົມນັກຮົບເກົ່າອາເມລິກາ ປະຈຳ ຫວຽດນາມ, ເອກອັກຄະລັດຖະທູດອາເມລິກາ ປະຈຳ ຫວຽດນາມ ທ່ານ Marc Knapper, ກໍ່ຄືແລກປ່ຽນກັບບັນດານັກຄົ້ນຄ້ວາ, ນັກຊ່ຽວຊານກ່ຽວກັບການພົວພັນສອງປະເທດ.
ຂ້າພະເຈົ້າມີຄວາມເອກອ້າງທະນົງໃຈທີ່ສຸດກ່ຽວກັບລາງວັນນີ້, ຂ້າພະເຈົ້າຂໍຂອບໃຈທຸກຄົນທີ່ຊ່ວຍເຫຼືອຂ້າພະເຈົ້າ. ປີໜ້າ, ຂ້າພະເຈົ້າຫວັງວ່າຈະໄດ້ເຂົ້າຮ່ວມບັນດາໂຄງການກ່ຽວກັບຫົວເລື່ອງ: ຊາວຕ່າງປະເທດອາໄສຢູ່ ຫວຽດນາມໃນປັດຈຸບັນເປັນແນວໃດ, ເຂົາເຈົ້າມີການປະກອບສ່ວນຫຍັງໃຫ້ແກ່ການພັດທະນາຂອງ ຫວຽດນາມ.
ຄວາມຜາສຸກຂອງການເຕົ້າໂຮມກັນ
ສຳລັບ ເອື້ອຍ ໄດມອນ ວິລານົນ (ເກີດປີ 1980, ຢູ່ແຂວງຫຼວງພະບາງ, ສປປ.ລາວ) ປີ 2022 ໄດ້ສ້າງຂີດໝາຍ 4 ປີທີ່ເອື້ອຍມີຄວາມສະໜິດຕິດພັນກັບປະເທດຫວຽດນາມ. ນີ້ກໍ່ແມ່ນປີລາວຮຽນຈົບສະຖາບັນການປົກຄອງແຫ່ງຊາດ ແລະ ມີຄວາມເປັນກຽດໄດ້ຮັບໃບປະກາດປະລິນຍາເອກ ຂະແໜງບໍລິຫານລັດ. “ມີຄວາມພິເສດທີ່ສຸດ, ເຫດການທີ່ຂ້າພະເຈົ້າໄດ້ຮັບໃບປະກາດກົງກັບເວລາຫວຽດນາມ ແລະ ລາວສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ”, ເອື້ອຍແບ່ງປັນ.
 |
| ເອື້ອຍ ໄດມອນ ວິລານົນ |
ໃນວິວັດການຮຽນຂອງເອື້ອຍ ໄດມອນ ວິລານົນ ກົງກັບເວລາເກີດພະຍາດໂຄວິດ - 19. “ເຖິງຢ່າງໃດກໍ່ຕາມ, ດ້ວຍການໜູນຊ່ວຍຂອງຄູອາຈານ, ເພື່ອນມິດຢູ່ສະຖານບັນ ດັ່ງນັ້ນຂ້າພະເຈົ້າໄດ້ຄ່ອຍໆຜ່ານຜ່າໄປເທື່ອລະກ້າວ. ໄປຄຽງຄູ່ກັນນັ້ນ, ຂ້າພະເຈົ້າກໍ່ມີໂອກາດຮ່ວມມືກັບບັນດາອົງການສື່ມວນຊົນ. ຜ່ານນັ້ນ, ຂ້າພະເຈົ້າມີເພື່ອນມິດ ແລະ ມີຄວາມເຂົ້າໃຈຕື່ມອີກກ່ຽວກັບຮີດຄອງປະເພນີຂອງຊາວຫວຽດນາມ” ເອື້ອຍ ໄດມອນ ວິລານົນ
ເມື່ອແບ່ງປັນກ່ຽວກັບການຄາດຄະເນໃນໄລຍະຈະມາເຖິງ, ເອື້ອຍ ໄດມອນ ເວົ້າວ່າ: “ເມື່ອກັບເມືອປະເທດ, ຂ້າພະເຈົ້າຈະມານະພະຍາຍາມໝູນໃຊ້ບັນດາຄວາມຮູ້ທີ່ໄດ້ຮຽນມາ, ໄດ້ຄົ້ນຄ້ວາຢູ່ ຫວຽດນາມ ເພື່ອຮັບໃຊ້ໃຫ້ແກ່ການພັດທະນາຂອງປະເທດຊາດບ້ານເກີດເມືອງນອນ ແລະ ສືບຕໍ່ແມ່ນຂົວເຊື່ອມຕໍ່ໃຫ້ແກ່ນ້ຳໃຈມິດຕະພາບ ຫວຽດນາມ - ລາວ”.
ຂ້າພະເຈົ້າແມ່ນ ປ.ອ ຂອງ ຫວຽດນາມ
ອ້າຍ ລຶວຫວູເທິ່ນ (ອາຍຸ 36 ປີ, ມາຈາກປັກກິ່ງ, ຈີນ). ລາວເປັນຄູສອນພາສາຈີນ ຢູ່ຮ່າໂນ້ຍ, ປີ 2022, ອ້າຍກັບເມຍໄດ້ກັບຄືນມາຫວຽດນາມ. ການດຳລົງຊີວິດຂອງສອງຜົວເມຍ ໄດ້ກັບຄືນສູ່ການດຳລົງຊີວິດທີ່ເປັນປົກກະຕິ ພາຍຫຼັງບັນດາການກະທົບຈາກພະຍາດໂຄວິດ - 19. ຈິດໃຈຂອງສອງຜົວເມຍຍິ່ງມີຄວາມສະໜິດຕິດພັນກັບຄອບຄົວອົບອຸ່ນກ່ວາອີກ.
 |
| ອ້າຍ ລຶວຫວູເທິ່ນ (ອາຍຸ 36 ປີ, ມາຈາກປັກກິ່ງ, ຈີນ) |
ໃນເມື່ອກ່ອນ, ເຖິງວ່າການດຳລົງຊີວິດເປັນປົກກະຕິ, ແຕ່ເມຍຂອງຂ້າພະເຈົ້າຕ້ອງຢູ່ໄກບ້ານເກີດເມືອງນອນ ດັ່ງນັ້ນຄິດຮອດບ້ານຫຼາຍ. ເພາະສະນັ້ນ, ຂ້າພະເຈົ້າຈຶ່ງຊັ່ງຊາວ່າຈະພາເມຍກັບຫວຽດນາມ ເພື່ອຢູ່ນຳກັນ. ຫຼັງຈາກນັ້ນພະຍາດໂຄວິດ - 19 ເກີດຂຶ້ນເຮັດໃຫ້ຂ້າພະເຈົ້າຕັດສິນໃຈຈະພາທຸກຄົນໃນຄອບຄົວຢູ່ຫວຽດນາມ. ອ້າຍ ເທິ່ນ ເລົ່າ.
ຜົນສຳເລັດໃຫຍ່ທີ່ສຸດຂອງລາວໃນປີ ແມ່ນເຊື່ອມຕົວເຂົ້າກັບຫວຽດນາມ. ອ້າຍແບ່ງປັນວ່າ: ຂ້າພະເຈົ້າຮູ້ສຶກໄດ້ເຖິງຄວາມເປັນມິດຂອງຊາວຫວຽດນາມ. ທຸກຄົນເຄີຍຖາມຂ້າພະເຈົ້າວ່າ ຢູ່ຫວຽດນາມ ລຶ້ງບໍ່, ຕ້ອງການຊ່ວຍເຫຼືອຫຍັງບໍ່. ຄົນຢູ່ຂ້າງເຮືອນມັກຊ່ວຍເຫຼືອຄອບຄົວຂ້າພະເຈົ້າ. ສິ່ງນີ້ຊ່ວຍໃຫ້ຂ້າພະເຈົ້າປັບຕົວເຂົ້າກັບການດຳລົງຊີວິດຢູ່ ຫວຽດນາມ ໄດ້ໄວກ່ວາ. ບັນດາສິ່ງນີ້ ໄດ້ເຮັດໃຫ້ຂ້າພະເຈົ້າຮູ້ສຶກອົບອຸ່ນ ແລະ ຖື ຫວຽດນາມ ຄືບ້ານເກີດເມືອງນອນແຫ່ງທີ 2 ຂອງຕົນ
ແຜນການໃນປີ 2023 ນີ້, ອ້າຍ ເທິ່ນ ເວົ້າວ່າ: ຂ້າພະເຈົ້າຢາກພາແມ່ມາຫວຽດນາມ ເພື່ອຮູ້ເຖິງການດຳລົງຊີວິດຕົວຈິງ ແລະ ຮັບຊົມຄວາມງາມຂອງບ້ານເກີດເມືອງນອນແຫ່ງທີ 2 ຂອງຂ້າພະເຈົ້າ.
ດ້ວຍຜົນສຳເລັດໃນວິທີການດຳເນີນທຸລະກິດໃໝ່
Victor Savall (ເກີດປີ 1994, ຊາວແອັດສະປາຍ) - ພໍ່ຄົວ ແລະ ຜູ້ອຳນວຍການວິສາຫະກິດ Chocolate ຂັ້ນສູງ Savall, ສຳນັກງານຕັ້ງຢູ່ດ່ານັ້ງ ໄດ້ດຳລົງຊີວິດຢູ່ ຫວຽດນາມ ນັບແຕ່ປີ 2004
ໃນໄລຍະ 2 ປີທີ່ເກີດໂຄວິດ - 19, ການເຄື່ອນໄຫວຂອງຫຼາຍວິສາຫະກິດ ໄດ້ພົບກັບຄວາມຫຍຸ້ງຍາກ ຖືກຢຸດສະຫງັກ. ຜ່ານຜ່າສິ່ງທ້າທາຍຫຼາຍຢ່າງ, ບໍລິສັດ Savall ຍັງຍູ້ແຮງບັນດາການເຄື່ອນໄຫວໂຄສະນາ, ເບິ່ງແຍງດູແລລູກຄ້າ. ຜ່ານບັນດາຊ່ອງທາງອອນໄລ, ບໍລິສັດສືບຕໍ່ນຳມາເຊິ່ງບັນດາຜະລິດຕະພັນທີ່ດູດດື່ມໃຫ້ແກ່ລູກຄ້າ.
Savall ເວົ້າວ່າ: “ພວກຂ້າພະເຈົ້າຍັງຕອບສະໜອງໄດ້ຕາມໃບສັ່ງຊື້ສິນຄ້າຫຼາຍໃບທີ່ມີແບບແຜນສະເພາະ, ມີຈຳນວນຫຼາຍ ແລະ ຮູບແບບຕາມຄວາມຮຽກຮ້ອງຕ້ອງການ, ຊ້ຳບໍ່ໜຳແມ່ນສັ່ງກ່ອນພຽງແຕ່ 3 ວັນ”.
ຜົນສຳເລັດທີ່ສຸດໃນປີ 2022 ຂອງບໍລິສັດແມ່ນຊອກຫາໄດ້ເສັ້ນທາງພັດທະນາ. ຜ່ານສື່ສັງຄົມອອນໄລ, ອັບເດດຮູບແບບເປັນປະຈຳ, ຍົກສູງຄຸນນະພາບຜະລິດຕະພັນ. ໃນປີ 2023, ຂ້າພະເຈົ້າມີຄວາມຫວັງຢາກພັດທະນາຢູ່ຕະຫຼາດສິງກະໂປຕື່ມອີກ.
ຂ້າພະເຈົ້າໄດ້ມີວຽກເຮັດເພື່ອສ້າງຕົນເອງ, ສ້າງອາຊີບຕົນເອງ
Roeung Panha, ອາຍຸ 22 ປີ, ອະດີດນັກສຶກສາ ມະຫາວິທະຍາໄລ ສັບພະວິຊາ ຮ່າໂນ້ຍ (ສັນຊາດ ກຳປູເຈຍ) ເລົ່າວ່າ
ທ້າຍປີ 2022, ຂ້າພະເຈົ້າຊອກໄດ້ວຽກເຮັດງານທຳທີ່ໝັ້ນຄົງຢູ່ນະຄອນໂຮ່ຈີມິນ. ນັ້ນແມ່ນທີ່ຕັ້ງຂອງພາລະກອນ Tester Game ຂອງບໍລິສັດຫຸ້ນສ່ວນ VNG. ສະພາບແວດລ້ອມແຫ່ງການເຮັດວຽກທີ່ເປັນມືອາຊີບ, ມີຄວາມຂະຫຍັນຂັນເຄື່ອນ ແລະ ເປັນມິດກັບຊາວຕ່າງປະເທດ.
ບັນດາຄູ່ຮ່ວມງານຫວຽດນາມ ລ້ວນແຕ່ມີຄວາມສຸດຈິດສຸດໃຈໃນການແນະນຳ ແລະ ຊ່ວຍນັກສຶກສາທີ່ຫາກໍ່ຮຽນຈົບຄືຂ້າພະເຈົ້າ.
ວຽກງານປະຈຳວັນຂອງຂ້າພະເຈົ້າແມ່ນກວດ Game ໃໝ່ ແລະ ຊອກຫາຈຸດບົກຜ່ອງໃນລະບົບເພື່ອໃຫ້ພາກສ່ວນເຕັກນິກແປງ. ລະດັບເງິນເດືອນພື້ນຖານຂອງຂ້າພະເຈົ້າແມ່ນແຕ່ 6 – 8 ລ້ານດົ່ງ/ເດືອນ, ອີງຕາມຈຳນວນວຽກງານລະອຽດ.
ຂ້າພະເຈົ້າຄິດວ່າ ນັ້ນກໍ່ແມ່ນຕົວເລກທີ່ດີສຳລັບນັກສຶກສາທີ່ຫາກໍ່ຮຽນຈົບ. ຂ້າພະເຈົ້າຮູ້ສຶກພໍໃຈກັບເງິນເດືອນປັດຈຸບັນ ແລະ ຈະສູ້ຊົນເພື່ອປັບປຸງລະດັບເງິນເດືອນນີ້.
ການ Startup ທີ່ເຕັມໄປດ້ວຍຄວາມຝັນ
Meigo Mark - ຊາວ Estonia ພວມດຳລົງຊີວິດຢູ່ ຫວຽດນາມ ເປັນເວລາ 4 ປີ. ປີ 2022 ໄດ້ສ້າງຂີດໝາຍພິເສດສຳລັບຄອບຄົວອ້າຍ. ເປີດ “ຮ້ານຂາຍເຄື່ອງທາງອອນໄລ” ຂາຍບັນດາຜະລິດຕະພັນໂສ້ງເສື້ອ, ອຸປະກອນການພິມພາບແຕ້ມຂອງລູກສາວນ້ອຍ 3 ຄົນ.
Meigo Mark ມາຫວຽດນາມ ນັບແຕ່ປີ 2016. ສອງປີຕໍ່ມາ, ລາວໄດ້ແຕ່ງານກັບຜູ້ຍິງຄົນຫວຽດ. ປີ 2019, ຜົນເມຍອ້າຍໄດ້ຕ້ອນຮັບລູກສາວຄົນທຳອິດ ທີ່ມີຊື່ວ່າ Maria Mai Mark (ຊື່ຫຼິ້ນວ່າ Mia Mai)
ເມື່ອເຫັນໄດ້ພອນສະຫວັນໃນການແຕ້ມຂອງ ລູກສາວ ຕອນມີອາຍຸ 1ປີ, ຜົວເມຍ Meigo Mark ໄດ້ສົ່ງເສີມລູກຂອງຕົນທີ່ມີຫົວຄິດປະດິດສ້າງ.
ແນວຄິດເປີດຮ້ານຂາຍເຄື່ອງໃຫ້ແກ່ Mia Mai ເລີ່ມແຕ່ນັ້ນ ແລະ ຮ້ານດັ່ງກ່າວ ກໍ່ໄດ້ເປີດຢ່າງເປັນທາງການນັບແຕ່ເດືອນພິະຈິກ ປີ 2022, ຮ້ານຜະລິດ, ພິມ ແລະ ຂາຍຜະລິດຕະພັນຫຼາຍຢ່າງນັບແຕ່ໂສ້ງເສື້ອ, ໝວກ, ຖົງ, ເຄື່ອງອຸປະກອນຕະຫຼອດຮອດຈອກ, ສົບໝອນ, ພາບພິມ ແລະ NFT. ທຸກໆຜະລິດຕະພັນລ້ວນແຕ່ແມ່ນຜະລິດຕະພັນຂອງລູກສາວ Maria Mai, Meigo ແບ່ງປັນດ້ວຍຄວາມກະຕືລືລົ້ນ.
ນ້ອງໄດ້ຮັບທຶນການສຶກສາຂອງມະຫາວິທະຍາໄລ ຫວຽດນາມ
ຊະນີຕ້າ ສະແຫວງໂຊກ ຄ້ວາໄດ້ລາງວັນຮອງອັນດັບ 2 ໃນງານປະກວດນາງງາມລາວ ປີ 2019. ເດືອນກັນຍາ ປີ 2022 ຊະນີຕ້າ ໄດ້ຮບທຶນການສຶກສາຂອງ ມະຫາວິທະຍາໄລ ເຕັກໂນໂລຢີ ຄົມມະນາຄົມ ແລະ ຂົນສົ່ງ ດ້ວຍຄະແນນແມ່ນ 3,51/4.00. ເພື່ອບັນລຸໄດ້ໝາກຜົນນີ້ ສຳລັບນັກສຶກສາຫວຽດນາມ ກໍ່ຫຍູ້ງຍາກແລ້ວ, ສຳລັບນັກສຶກສາຊາວຕ່າງປະເທດຄື ຊະນີຕ້າ ກໍ່ຍິ່ງປະສົບກັບຄວາມຫຍຸ້ງຍາກທົບ ຫຼາຍເທົ່າ.
ນ້ອງຮູ້ສຶກດີໃຈເມື່ອເຫັນຄວາມມານະພະຍາຍາມຂອງຕົນ ໄດ້ເປັນທີ່ຮັບຮູ້ຂອງບັນດາຄູອາຈານ ແລະ ເພື່ອນມິດ. ສິ່ງນີ້ກໍ່ສະແດງໃຫ້ເຫັນວ່າທຸກຄົນລ້ວນແຕ່ມີສິດ ແລະ ໂອກາດບັນລຸໄດ້ຜົນສຳເລັດ ມີແຕ່ເພື່ອນຕ້ອງມານະພະຍາຍາມ ແລະ ບໍ່ທໍ້ໃຈ. ຊະນີຕ້າ ແບ່ງປັນ.
ໃນປີ 2023, ຊະນີຕ້າ ຄາດວ່າຈະເຂົ້າຮ່ວມການຜະລິດ ແລະ ດຳເນີນທຸລະກິດເຄື່ອງສຳອາງຢູ່ ລາວ ແລະ ຫວຽດນາມ. ໂດຍແມ່ນຜຸ້ຊົມຊອບວຽກຄວາມຄວາມສວຍຄວາມງາມ, ຊະນີຕ້າ ຫວັງວ່າ ຜະລິດຕະພັນຄີມບຳລຸງຜິວຂາວທີ່ເພິ່ນຜະລິດຈະຊ່ວຍໃຫ້ອ້າຍເອື້ອຍນ້ອງມີຜິວງາມ, ມີຄວາມໝັ້ນໃຈ ແລະ ມີຄວາມສຸກກ່ວາອີກ.
 |
ຊຸດເສື້ອຍາວຂະໜາດນ້ອຍ “ຜະລິດຕະພັນ” ທຳອິດຂອງຂ້າພະເຈົ້າ
Ludovica Ivaldi ຊາວອີຕາລີ, ລາວໄດ້ມາ ຫ໋າຍຝ່ອງ 1 ປີກ່ອນ. ກ່ອນນັ້ນ, ລາວມີປະສົບການເປັນຊ່າງຕັດຫຍິບ. ແຕ່ເມື່ອມາຫວຽດນາມ ລາວຈຶ່ງມີເຄື່ອງໝາຍການຄ້າຫັດຖະກຳແຟຊັນສຳລັບເດັກນ້ອຍທີ່ມີຊື່ວ່າ Luda.
ຊຸດເສື້ອຍາວທີ່ເປັນມູນເຊື້ອແມ່ນແຫຼ່ງບັນດານໃຈເພື່ອໃຫ້ລາວ ປະຕິບັດສຳເລັດແນວຄິດຕັດຫຍິບເສື້ອຍາວ ຂະໜາດນ້ອຍ. “ຜົນສຳເລັດໃຫຍ່ທີ່ສຸດຂອງຂ້າພະເຈົ້າໃນປີຜ່ານມາ ແມ່ນໄດ້ສ້າງຜະລິດຕະພັນໃໝ່: ຊຸດເສື້ອຍາວຂະໜາດນ້ອຍທີ່ເຮັດດ້ວຍມືໃຫ້ແກ່ນ້ອງນ້ອຍ”, Ludovica Ivaldi ໃຫ້ຮູ້ວ່າ
Ludovica Ivaldi ແບ່ງປັນວ່າ: “ເປົ້າໝາຍໃນປີ 2023 ຂອງຂ້າພະເຈົ້າແມ່ນສືບຕໍ່ເປີດຕົວບັນດາຜະລິດຕະພັນອອກແບບໃໝ່, ສົມທົບກັບຈຸດຄວາມງາມທາງດ້ານວັດນະທະທຳຂອງ ຫວຽດນາມ ແລະ ອີຕາລີ. ຂ້າພະເຈົ້າຫວັງວ່າ ຈະຕັດຫຍິບຜະລິດຕະພັນໃຫ້ແກ່ນ້ອງນ້ອຍໄດ້ຫຼາຍກ່ວາອີກ.
ບຸນຄົງ
