ປະທານສະພາສັນຕິພາບ ໂລກ Pallab Sengupta:
ມີການປ່ຽນແປງທີ່ມະຫັດສະຈັນຫຼາຍຢ່າງ
ເດືອນພະຈິກປີ 2022, ຂ້າພະເຈົ້າມາ ຫວຽດນາມ ເຂົ້າຮ່ວມກອງປະຊຸມໃຫຍ່ຄັ້ງທີ 22 ສະພາສັນຕິພາບ ໂລກ. ຂ້າພະເຈົ້າໄດ້ເຫັນປະຈັກຕາການປ່ຽນແປ່ງທີ່ຕັ້ງໜ້າຫຼາຍຢ່າງຂອງ ຫວຽດນາມ. ນັບແຕ່ບາດກ້າວທຳອິດພາຍຫຼັງຍົນລົງຈອດຢູ່ສະໜາມບິນ ຕະຫຼອດຮອດເສັ້ນທາງທີ່ເຂົ້າໄປຍັງນະຄອນ, ບັນດາຕຶກອາຄານສູງ, ຂ້າພະເຈົ້າຮູ້ສຶກຄືພວມຢູ່ປະເທດໜຶ່ງຢູ່ເອີລົບ. ຫວຽດນາມ ໄດ້ດຳເນີນພາລະກິດແຫ່ງການປ່ຽນແປງໃໝ່ ແລະ ບັນລຸໄດ້ຜົນງານທີ່ຍິ່ງໃຫຍ່ຫຼາຍຢ່າງ, ມີຄວາມໝາຍປະຫວັດສາດ, ກາຍເປັນໜຶ່ງໃນບັນດາພື້ນຖານເສດຖະກິດທີ່ຂະຫຍັນຂັນເຄື່ອນທີ່ຫາກໍ່ພົ້ນເດັ່ນໃນໂລກ.
 |
| ປະທານສະພາສັນຕິພາບ ໂລກ Pallab Sengupta |
ທ່ານ ຄຳແກ້ວ ວົງພິລາ ອະດີດຫົວໜ້າພະແນກພົວພັນຕ່າງປະເທດ ແຂວງ ວຽງຈັນ (ລາວ)
ຄອບຄົວອັນອົບອຸ່ນຂອງຂ້າພະເຈົ້າ
ເປັນໄລຍະເວລາເກືອບ 10 ປີ ຂ້າພະເຈົ້າຈິ່ງໄດ້ກັບມາຫວຽດນາມອີກຄັ້ວໜຶ່ງ. ຂ້າພະເຈົ້າຍັງຮູ້ສຶກໄດ້ເຖິງຄວາມຮັກແພງ, ຄວາມໃກ້ຊິດສະໜິດສະໜົມ ຄືໄດ້ກັບມາບ້ານເກີດເມືອງນອນແຫ່ງທີ 2 ຂອງຕົນ. ຂ້າພະເຈົ້າບໍ່ຮູ້ສຶກແປກ. ຊາວຫວຽດນາມ ຮັກແພງແຂກຄົນ, ຮັກແພງມະນຸດ. ເມື່ອຂ້າພະເຈົ້າມາຫວຽດນາມ, ເພື່ອນເກົ່າທີ່ເຄີິຍຮຽນນຳກັນຢູ່ມະຫາວິທະຍາໄລໃນເມື່ອກ່ອນ ໄດ້ສັບຊ້ອນເວລາ ເພື່ອພົບປະ, ຢຶ້ຢາມຖາມຂ່າວ ແລະ ຈັດງານລ້ຽງຕ້ອນຮັບຂ້າພະເຈົ້າ.
ເມື່ອດຳລົງຊີວິດຢູ່ ຫວຽດນາມ, ຂ້າພະເຈົ້າຮູ້ສຶກມີຄວາມສຸກ ແລະ ປອດໄພ. ຮູ້ສຶກວ່າທຸກຄົນຄືເພື່ອນມິດ ແລະ ພີ່ນ້ອງຂອງຕົນ. ຖ້າມີຜູ້ໃດຖາມຂ້າພະເຈົ້າ: ໃນໂລກນີ້, ເຈົ້າມັກປະເທດ ແລະ ຄົນປະເທດໃດທີ່ສຸດ?”, ຂ້າພະເຈົ້າຂໍຢັ້ງຢຶນວ່າ ນັ້ນແມ່ນປະເທດ ແລະ ຊາວຫວຽດນາມ. ນອກຈາກລາວແລ້ວ, ຖ້າເລືອກເອົາປະເທດທີ່ເປັນໜ້າດຳລົງຊີວິດ ຂ້າພະເຈົ້າຈະເລືອກເອົາ ຫວຽດນາມ.
ສຸພາລັກ ສຸກປານຢາ - ພະນັກງານຄະນະພົວພັນຕ່າງປະເທດສູນກາງພັກປະຊາຊົນປະຕິວັດລາວ
ອາຫານການກິນ ຫວຽດນາມ ທີ່ມະຫັດສະຈັນ
ຂ້າເຈົ້າມີຄວາມຫຼົງໄຫຼຕໍ່ອາຫານການກິນ ຫວຽດນາມ. ພິເສດ, ຫວຽດນາມ ແມ່ນດິນແດນຂອງບັນດາເຍື່ອງອາຫານກ່ຽວກັບເຂົ້າປູ້ນ. ຖ້າຢູ່ພາກເໜືອມີເຂົ້າປຸ້ນທາງ, ເຂົ້າປຸ້ນຊິ້ນປິ້ງ ເຂດພາກກາງພັດມີເຂົ້າປຸ້ນງົວເຫ້ວ ແລະ ເຂົ້າປຸ້ນນ້ຳແຈ່ວທີ່ເຂັ້ມຂຸ້ນ ແລະ ດຶງດູດໃຈ ສ່ວນຢູ່ພາກໃຕ້ກໍ່ມີເຂົ້າປຸ້ນນ້ຳແຈ່ວ ແລະ ເຂົ້າປຸ້ນນ້ຳແກງທີ່ມີລົດຊາດທີ່ຍາກຈະຫຼົງລືມໄດ້ ເຊິ່ງເຮັດຈາກວັດຖຸດິບທີ່ມາຈາກເຂດແມ່ນ້ຳລຳເຊ.
ຂ້າພະເຈົ້າມາ ຫວຽດນາມ ຄັ້ງທຳອິດໃນປີ 2004 ເມື່ອເປັນນັກຮຽນ. ໃນຂະນະນັ້ນ, ຂ້າພະເຈົ້າໄດ້ຮັບປະທານເຍື່ອງອາຫານເຂົ້າປຸ້ນປູໃນຮ້ານອາຫານຂອງໂຮງຮຽນ. ພາຍຫຼັງກິນເຍື່ອງອາຫານນີ້ຂ້າພະເຈົ້າຮູ້ສຶກຈັບໃຈ ດັ່ງນັ້ນ ຈິ່ງສືບຕໍ່ຄົ້ນຫາບັນດາເຍື່ອງອາຫານຕ່າງໆກ່ຽວກັບເຂົ້າປຸ້ນ.
ຜູ້ແທນເຂົ້າຮ່ວມສະພາສັນຕິພາບໂລກ, ທ່ານ Tasos Costeas ( ໄຊປຣັດ)
ປອດໄພ ແລະ ເສລີ
ຢູ່ຫຼາຍນະຄອນໃນໂລກ, ປະຊາຊົນທຸກຄົນບໍ່ໄດ້ອອກຈາກເຮືອນຍາມຄ່ຳຄືນ. ແຕ່ຢູ່ຫວຽດນາມ, ນັບທັງແມ່ຍິງກໍ່ມີຄວາມອຸ່ນອ່ຽນໃຈອອກຈາກເຮືອນຍາມຄ່ຳຄືນ. ຂ້າພະເຈົ້າຍັງບໍ່ທັນເຫັນສະພາບນັ້ນມາກ່ອນ, ພວກຂ້າພະເຈົ້າບໍ່ຕ້ອງກັງວົນກ່ຽວກັບສິ່ງໃດ. ນັ້ນແມ່ນຄວາມຮູ້ສຶກທີ່ສະບາຍ. ຂ້າພະເຈົ້າມີຄວາມເສລີເມື່ອຢູ່ແຫ່ງນີ້.
ສາດສະດາຈານ Ahn Kyong Hwan (ສ.ເກົາຫຼີ)
ການບືນຕົວຂຶ້ນຢ່າງແຮງ
ປີ 1989, ເປັນຄັ້ງທຳອິດທີ່ຂ້າພະເຈົ້າມາ ຫວຽດນາມ. ໃນຍາມນັ້ນ ປະເທດນີ້ເລີ່ມມີການປ່ຽນແປງໃໝ່ ແຕ່ພື້ນຖານໂຄງລ່າງຍັງມີຄວາມຈຳກັດ, ຍັງບໍ່ທັນມີທະນາຄານສາກົນ. ກຸ່ມບໍລິສັດບ່ອນຂ້າພະເຈົ້າເຮັດວຽກແມ່ນກຸ່ມບໍລິສັດການຄ້າສາກົນ, ບໍ່ສາມາດພັດທະນາໄດ້ຍ້ອນວ່າບໍ່ສາມາດນຳໃຊ້ຈົດໝາຍສິນເຊື່ອໄດ້. ການໂອນເງິນໃນການເຄື່ອນໄຫວດຳເນີນທຸລະກິດສາກົນ ເຮັດບໍ່ໄດ້. ໃນຂະນະນັ້ນ, ກໍ່ບໍ່ມີຫຼາຍວິສາຫະກິດ ສ.ເກົາຫຼີ ມາລົງທຶນຢູ່ ຫວຽດນາມ.
ປີ 1992, ຫວຽດນາມ ແລະ ສ.ເກົາຫຼີ ສ້າງຕັ້ງການພົວພັນທາງການທູດຢ່າງເປັນທາງການ, ໃນຂະນະນັ້ນ, ບັນດາວິສາຫະກິດ ສ.ເກົາຫຼີ ເລີ່ມລົງທຶນຢູ່ ຫວຽດນາມ. ໃນຍາມນັ້ນ, ຫວຽດນາມ ມີການພັດທະນາເສດຖະກິດດ້ວຍອັດຕາໄວ. ປີ 2017, 2018 ເສດຖະກິດ ຫວຽດນາມ ມີການເຕີບໂຕກ່ວາ 7%, ໃນຂະນະນັ້ນ ສ.ເກົາຫຼີ ແມ່ນ 3% - 4 %.
ນັກສຶກສາ Nikita Lusenko (ມະຫາວິທະຍາໄລ ເສດຖະກິດ Plekhanov, ນະຄອນ Moscow, ສະຫະພັນ ລັດເຊຍ)
ບຸນເຕັດ ຫວຽດນາມ ແລະ ລັດເຊຍ ມີຈຸດທີ່ຄ້າຍຄືກັນຫຼາຍຢ່າງ
ຕອນມີອາຍຸ 10 ປີ, ຂ້າພະເຈົ້າໄດ້ຮູ້ຈັກບຸນປີໃໝ່ປະຈຳຊາດ 2013 ຂອງ ຫວຽດນາມ. ໃນຂະນະນັ້ນ ຄອບຄົວຂ້າພະເຈົ້າໄປທ່ຽວຍາຈາງ, ແຂວງ ແຄ໊ງຮ່ວາ. ຊາວທ້ອງຖິ່ນ ແລະ ຜູ້ນຳທ່ຽວໄດ້ເວົ້າກັບພວກຂ້າພະເຈົ້າຫຼາຍຢ່າງກ່ຽວກັບວັນພັກຈະມາເຖິງ ນັ້ນແມ່ນ ບຸນປີໃໝ່ປະຈຳຊາດ, ເຊິ່ງຢູ່ ຫວຽດນາມ ເອີ້ນວ່າບຸນເຕັດ.
ຂ້າພະເຈົ້າຍັງຈື່ໄດ້ວິທີການເຊິ່ງເຂົາເຈົ້າປະດັບປະດາເຮືອນຊານ, ກະກຽມໃຫ້ແກ່ຕອນຄ່ຳທີ່ມວນຊື່ນ ແລະ ດີງາມ ກັບພໍ່ແມ່ພີ່ນ້ອງ ແລະ ເພື່ອນມິດຂອງຕົນ. ເຖິງວ່າ 10 ປີຜ່ານໄປແລ້ວ ແຕ່ຂ້າພະເຈົ້າຍັງຈືວ່າເດືອນຈຽງຢູ່ ຫວຽດນາມ ແມ່ນຈຸດເວລາທີ່ຈັບອົກຈັບໃຈທີ່ສຸດ, ສວຍງາມທີ່ສຸດ. ໃນໄລຍະ 10 ປີຜ່ານມາ, ຂ້າພະເຈົ້າມີຄວາມຮູ້ຕື່ມອີກຫຼາຍຢ່າງກ່ຽວກັບວັດນະທະນຳ ຫວຽດນາມ, ມີໝູ່ເພື່ອນ ແລະ ຄູ່ຮ່ວມງານຊາວຫວຽດນາມຫຼາຍຄົນ. ຂ້າພະເຈົ້າເຊື່ອໝັ້ນວ່າໃນອະນາຄົດ ຂ້າພະເຈົ້າຈະເຊື່ອມຕົວເຂົ້າກັບບັນຍາກາດດັ່ງກ່າວຢູ່ ຫວຽດນາມ.
ບຸນຄົງ
