ເພີ່ມ​ທະ​ວີ​ການ​ສະ​ໜິດ​ຕິດ​ພັນ​ໃນ​ປະ​ຊາ​ຄົມ​ຊາວ​ຫວຽດ​ນາມ ອາ​ໄສ​ຢູ່​ຍີ່​ປຸ່ນ

10:13 | 18/01/2023

ຍ​ສ​ໝ - ວັນ​ທີ 15 ມັງ​ກອນ, ສະ​ຖານ​ທູດ ຫວຽ,ນາມ ປະ​ຈຳ ຍີ່​ປຸ່ນ ໄດ້​ຈັດ​ຕັ້ງ​ບຸນ​ເຕັດ​ປະ​ຊາ​ຄົມ ປີ 2023 ເພື່ອ​ແນ​ໃສ່​ເພີ່ມ​ທະ​ວີ​ຄວາມສະ​ໜິດ​ຕິດ​ພັນ​ໃນ​ປະ​ຊາ​ຄົມ​ຊາວ​ຫວຽດ​ນາມ ອາ​ໄສ​ຢູ່​ຍີ່​ປຸ່ນ ແລະ ນຳ​ມາ​ເຊິ່ງ​ບັນ​ຍາ​ກາດ​ລະ​ດູ​ບານ​ໃໝ່​ທີ່​ອົບ​ອຸ່ນ​ໃຫ້​ແກ່​ຊາວ​ຫວຽດ​ນາມ ອາ​ໄສ​ຢູ່​ຍີ່​ປຸ່ນ

ເພີ່ມ​ພູນ​ຄູ​ນ​ສ້າງ​ນ້ຳ​ໃຈ​ມິດ​ຕະ​ພາບ ຫວຽດ​ນາມ - ກູ​ບາ ເພີ່ມ​ພູນ​ຄູ​ນ​ສ້າງ​ນ້ຳ​ໃຈ​ມິດ​ຕະ​ພາບ ຫວຽດ​ນາມ - ກູ​ບາ
ຝຸ​ອຽນ: ເພີ່ມ​ທະ​ວີ​ນ້ຳ​ໃຈ​ມິດ​ຕະ​ພາບ​ລະ​ຫວ່າງ​ປະ​ຊາ​ຊົນ ຫວຽດ​ນາມ - ກ​ຳ​ປູ​ເຈຍ ຝຸ​ອຽນ: ເພີ່ມ​ທະ​ວີ​ນ້ຳ​ໃຈ​ມິດ​ຕະ​ພາບ​ລະ​ຫວ່າງ​ປະ​ຊາ​ຊົນ ຫວຽດ​ນາມ - ກ​ຳ​ປູ​ເຈຍ
ເພີ່ມ​ທະ​ວີ​ການ​ສະ​ໜິດ​ຕິດ​ພັນ​ໃນ​ປະ​ຊາ​ຄົມ​ຊາວ​ຫວຽດ​ນາມ ອາ​ໄສ​ຢູ່​ຍີ່​ປຸ່ນ
ທ່ານ ​ຫງວຽນ​ດຶກ​ມິງ ອຸ​ປະ​ທູດ​ຊົ່ວ​ຄາວ ກ່າວ​ຄຳ​ເຫັນ​ທີ່​ວັນ​ບຸນ (ພາບ: TTXVN)

ທ່ານ ​ຫງວຽນ​ດຶກ​ມິງ ອຸ​ປະ​ທູດ​ຊົ່ວ​ຄາວ ໄດ້​ຮຽກ​ຮ້ອງ​ໃຫ້​ປະ​ຊາ​ຄົມ​ຊາວ​ຫວຽດ​ນາມ ຢູ່​ຍີ່​ປຸ່ນ ສືບ​ຕໍ່​ເສີມ​ຂະ​ຫຍາຍ​ບັນ​ດາ​ຄຸນ​ສົດ​ບັດ​ທີ່​ດີ​ຂອງ​ຊາວ​ຫວຽດ​ນາມ, ຍົກ​ສູງ​ຈິດ​ໃຈ​ສາ​ມັກ​ຄີ, ຮ່ວມ​ແຮງ​ຮ່ວມ​ໃຈ​ກໍ່​ສ້າງ​ປະ​ຊາ​ຄົມ​ໃຫ້​ນັບ​ມື້​ນັບ​ໝັ້ນ​ຄົງ​ເຂັ້ມ​ແຂງ.

ວັນ​ທີ 15 ມັງ​ກອນ, ສະ​ຖານ​ທູດ ຫວຽດນາມ ປະ​ຈຳ ຍີ່​ປຸ່ນ ໄດ້​ຈັດ​ຕັ້ງ​ບຸນ​ເຕັດ​ປະ​ຊາ​ຄົມ ປີ 2023 ເພື່ອ​ແນ​ໃສ່​ເພີ່ມ​ທະ​ວີ​ຄວາມ​ສະ​ໜິດ​ຕິດ​ພັນ​ໃນ​ປະ​ຊາ​ຄົມ​ຊາວ​ຫວຽດ​ນາມ ອາ​ໄສ​ຢູ່​ຍີ່​ປຸ່ນ ແລະ ນຳ​ມາ​ເຊິ່ງ​ບັນ​ຍາ​ກາດ​ລະ​ດູ​ບານ​ໃໝ່​ທີ່​ອົບ​ອຸ່ນ​ໃຫ້​ແກ່​ຊາວ​ຫວຽດ​ນາມ ອາ​ໄສ​ຢູ່​ຍີ່​ປຸ່ນ

ກ່າວ​ຄຳ​ເຫັນ​ໄຂ​ເຫດ​ການ, ທ່ານ ຫງວຽ​ນ​ດຶກ​ມິງ, ອຸ​ປະ​ທູດ​ຊົ່ວ​ຄາວ​ສະ​ຖານ​ທູດ ຫວຽດ​ນາມ ປະ​ຈຳ ຍີ່​ປຸ່ນ ໄດ້​ຫວນ​ຄືນ​ບາງ​ຜົນ​ສຳ​ເລັດໃນການພັດ​ທະ​ນາ​ເສດ​ຖະ​ກິດ - ສັງ​ຄົມ ຂອງ​ປະ​ເທດ​ຊາດໃນ​ປີຜ່ານມາ. ທ່ານ​ເນັ້ນ​ໜັກວ່າ ໃນ​ປີ 2022 ໂລກ ສືບ​ຕໍ່​ເຫັນ​ປະ​ຈັກ​ຕາ​ການ​ຜັນ​ແປ​ໃຫຍ່ຫຼາຍ​ຢ່າງ ແລະ ສັບ​ສົນ​ດ້ວຍ​ຄວາມ​ຫຍຸ້ງ​ຍາກ ແລະ ສິ່ງ​ທ້າ​ທາຍ​ຕ່າງໆ. ໃນ​ສະ​ພາບ​ການ​ນັ້ນ, ດ້ວຍ​ຈິດ​ໃຈ​ສາ​ມັກ​ຄີ, ຮ່ວມ​ແຮງ​ຮ່ວມ​ໃຈ ແລະ ມາ​ນະ​ພະ​ຍາ​ຍາມ​ຂອງ​ທົ່ວ​ປວງ​ຊົນ, ຫວຽດ​ນາມ ຈະບັນ​ລຸ​ໄດ້​ບັນ​ດາ​ຜົນ​ສຳ​ເລັດ​ສຳ​ຄັນ ແລະ ຫຼາຍ​ພໍ​ສົມ​ຄວນ​ໃນຫຼາຍ​ຂົງ​ເຂດ.

ກ່ຽວ​ກັບ​ການ​ພົວ​ພັນ​ຫວຽດ​ນາມ - ຍີ່​ປຸ່ນ, ທ່ານ ຫງວຽນ​ດຶກ​ມິງ ໃຫ້​ຮູ້​ວ່າ ປີ​ 2022, ເຖິງວ່າ​ຖືກ​ຜົນ​ສະ​ທ້ອນ​ຈາກ​ພະ​ຍາດ​ໂຄວິດ - 19 ຫຼາຍ​ຢ່າງ ​ແຕ່​ການ​ພົວ​ພັນ​ລະ​ຫວ່າງ​ສອງ​ປະ​ເທດ ຍັງ​ພັດ​ທະ​ນາ​ຢ່າງ​ແຮງ​ທີ່​ສຸດ, ໝັ້ນ​ແກ່ນ ແລະ ແທດ​ຈິງ​ໃນ​ທຸກ​ດ້ານຄື ​ການ​ເມືອງ, ການ​ຕ່າງ​ປະ​ເທດ, ກນ​ຄ້າ, ການ​ລົງ​ທຶນ, ແຮງ​ງານ, ການ​ສຶກ​ສາ… ປີ​ຜ່ານ​ມາ, ທ່ານ​ນາ​ຍົກ​ລັດ​ຖະ​ມົນ​ຕີ ຍີ່​ປຸ່ນ Fumio Kishida ໄດ້​ມີ​ການ​ຢ້ຽມ​ຢາມຫວຽດ​ນາມ ຢ່າງ​ສຳ​ເລັດ​ຜົນ ແລະ ທ່ານ​ປະ​ທານ​ປະ​ເທດ ຫງວຽນ​ຊວັນ​ຟຸກ ​ນຳ​ໜ້າ​ຄະ​ນະ​ຜູ້​ແທນ ຫວຽດ​ນາມ ໃນ​ໂອ​ກາດ​ໄປໄວ້ອາໄລທີ່ພິທີ​ງານ​ສົບ​ຂອງ​ທ່ານ​ນາ​ຍົກ​ລັດ​ຖະ​ມົນ​ຕີ Shinzo Abe. ທ່ານ ຫງວຽນ​ດຶກ​ມິງ ເນັ້ນ​ໜັກ​ວ່າ ປີ 2023 ແມ່ນປີ​ສຳ​ຄັນ​ໃນ​ການ​ພົວ​ພັນ​ຫວຽດ​ນາມ - ຍີ່​ປຸ່ນ, ເມື່ອ​ສອງ​ປະ​ເທດ​ສະ​ເຫຼີມ​ສະຫຼອງ50 ປີ​ແຫ່ງວັນ​ສ້າງ​ຕັ້ງ​ການ​ພົວ​ພັນ​ທາງ​ການ​ທູດ.

ສອງ​ຝ່າ​ຍ​ໄດ້​ຂຶ້ນ​ແຜນ​​ດ້ວຍ​ການ​ເຄື່ອ​ນ​ໄຫວຫຼາຍ​ຢ່າງ​ໃຫ້​ແກ່​ທັງ​ປີ 2023 ເພື່ອ​ຂ່ຳ​ນັບ​ຮັບ​ຕ້ອນ​ເຫດ​ການ​ສຳ​ຄັນ​ນີ້. ບັນ​ດາ​ການ​ເຄື່ອນ​ໄຫວ​ນີ້​ແນ່ນອນ​ວ່າ ຈະບໍ່ອາດຂາດບົດ​ບາດ​ຂອງ​ປະ​ຊາ​ຄົມ​ຊາວ​ຫວຽດ​ນາມ ປະ​ຈຳ ຍີ່​ປຸ່ນ

ເນື່ອງ​ໃນ​ໂອ​ກາດ​ນີ້, ທ່ານ ຫງວຽນ​ດຶກ​ມິງ ກໍຮຽກ​ຮ້ອງ​ໃຫ້​ປະ​ຊາ​ຄົມ​ຊາວ​ຫວຽດ​ນາມ ອາ​ໄສ​ຢູ່​ຍີ່​ປຸ່ນ ສືບ​ຕໍ່​ເສີມ​ຂະ​ຫຍາຍ​ຄຸນ​ທາດ​ອັນ​ດີ​ງາມຂອງ​ຊາວ​ຫວຽດ​ນາມ, ຍົກ​ສູງ​ຈິດ​ໃຈ​ສາ​ມັກ​ຄີ, ຮ່ວມ​ແຮງ​ຮ່ວມ​ໃຈ​ສ້າງ​ປະ​ຊາ​ຄົມໃຫ້​ນັບ​ມື້​ນັບເຂັ້ມ​ແຂງ​ແຮງ​ກ້າ, ຮັກ​ສາ ແລະ ໂຄ​ສະ​ນາ​ພາບ​ພົດ​ອັນ​ດີ​ງາມ​ຂອງວັດ​ທະ​ນະ​ທຳ ແລະ ຊາວ​ຫວຽດ​ນາມ ໃນ​ສາຍ​ຕາ​ເພື່ອນ​ມິດ​ຍີ່​ປຸ່ນ, ຕັ້ງ​ໜ້າ​ເຂົ້າ​ຮ່ວມ​ບັນ​ດາ​ການ​ເຄື່ອນ​ໄຫວ​ສະ​ເຫຼີມ​ສະຫຼອງ 50 ປີ​ແຫ່ງ​ການ​ພົວ​ພັນ​ຫວຽດ​ນາມ - ຍີ່​ປຸ່ນ, ອ່​ວາຍ​ໜ້າ​ເມືອ​ຫາ​ບ້ານ​ເກີດ​ເມືອງນອນ, ພ້ອມ​ທັງ​ເສີມ​ຂະ​ຫຍາຍ​ບົດ​ບາດ​ເປັນ​ຂົວ​ເຊື່ອມ​ຕໍ່​ໃຫ້​ແກ່​ການ​ພົວ​ພັນ​ສອງ​ຝ່າຍ​ລະ​ຫວ່າງ​ສອງ​ປະ​ເທດ ໃຫ້ນັບ​ມື້​ນັບ​ພັດ​ທະ​ນາ.

ບຸນ​ຄົງ

ທ່ານອາດຈະມັກ

ເຫດການ