ເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ - ກູບາ

08:30 | 16/01/2023

ຍສໝ - ການພົບປະມີການເຂົ້າຮ່ວມຂອງທ່ານນາງ Ariadne Feo Labrada, ຫົວໜ້າສະຖານກົງສູນໃຫຍ່ ສ.ກູບາ ປະຈຳນະຄອນໂຮ່ຈີມິນ ແລະ ສາມີ, ທ່ານນາງ ເຈືອງທິຮຽນ ປະທານສະມາຄົມມິດຕະພາບ ຫວຽດນາມ - ກູບາ ນະຄອນໂຮ່ຈີມິນ, ທ່ານ ໂຮ່ຊວັນເລິມ, ຮອງປະທານສະຫະພັນບັນດາອົງການຈັດຕັ້ງມິດຕະພາບ ນະຄອນໂຮ່ຈີມິນ, ທ່ານພັນເອກ ບູຍຮຶວຮວຽນ, ຫົວໜ້າຄະນະຕິດຕໍ່ພົວພັນ ກອງພັນ 261 Giron ແລະ ຜູ້ຕາງໜ້າບັນດາພະແນກ, ຄະນະ, ຂະແໜງການນະຄອນ.

	ເພີ່ມພູນຄູນສ້າງນ້ຳໃຈມິດຕະພາບ ແລະ ການຮ່ວມມືຮອບດ້ານ ລະຫວ່າງແຂວງ ກ໋ວາງຈິ - ສະຫວັນນະເຂດ - ສາລະວັນ
	ຜູ້ເຊຍ ຫວຽດນາມ ສ້າງບັນຍາກາດຢູ່ ວຽງຈັນ

ການພົບປະ

ເພີ່ມພູນຄູນສ້າງນ້ຳໃຈມິດຕະພາບ ຫວຽດນາມ - ກູບາ

ຫວ່າງມໍ່ໆມານີ້, ສະຫະພັນບັນດາອົງການຈັດຕັ້ງມິດຕະພາບ ນະຄອນໂຮ່ຈີມິນ ໄດ້ຈັດຕັ້ງການພົບປະເນື່ອງໃນໂອກາດສະເຫຼີມສະຫຼອງ 64 ປິແຫ່ງວັນຊາດ ປະເທດ ສ.ກູບາ (1/1/1959 – 1/1/2023).

ການພົບປະມີການເຂົ້າຮ່ວມຂອງທ່ານນາງ Ariadne Feo Labrada, ຫົວໜ້າສະຖານກົງສູນໃຫຍ່ ສ.ກູູບາ ປະຈຳນະຄອນໂຮ່ຈີມິນ ແລະ ສາມີ, ທ່ານນາງ ເຈືອງທິຮຽນ ປະທານສະມມາຄົມມິດຕະພາບ ຫວຽດນາມ - ກູູບາ ນະຄອນໂຮ່ຈີມິນ, ທ່ານ ໂຮ່ຊວັນເລິມ, ຮອງປະທານສະຫະພັນບັນດາອົງການຈັດຕັ້ງມິດຕະພາບ ນະຄອນໂຮ່ຈີມິນ, ທ່ານພັນເອກ ບູຍຮຶວຮວຽນ, ຫົວໜ້າຄະນະຕິດຕໍ່ພົວພັນ ກອງພັນ 261 Giron ແລະ ຜູ້ຕາງໜ້າບັນດາພະແນກ, ຄະນະ, ຂະແໜງການນະຄອນ.

ໃນບັນຍາກາດອັນເບີກບານມ່ວນຊື່ນຂອງການພົບປະ, ທ່ານນາງປະທານສະມາຄົມມິດຕະພາບ ຫວຽດນາມ ກູບານະຄອນໂຮ່ຈີມິນ ເຈື່ອງທິຮຽນ ໄດ້ຢ້ຳຄືນບັນດາໜ້າປະຫວັດສາດທີ່ອົງອາດກ້າແກ່ນ ແລະ ສະຫງ່າລາສີໃນກິດຈະກຳຕ້ານສັດຕູຜູ້ຮຸກຮານ ເຊິ່ງຈຸດສູງສຸດແມ່ນໄຊຊະນະປະຫວັດສາດວັນທີ 1 ມັງກອນ 1959 ຂອງ ກູບາ. ພ້ອມທັງຍ້ອງຍໍການພົວພັນແບບພິເສດ ຫວຽດນາມ - ກຸບາ, ການພົວພັນຜ່ານຜ່າຄວາມຫຍຸ້ງຍາກບໍ່ຈັກວ່າເທົ່າໃດ ແຕ່ຍັງຮັກສານ້ຳໃຈສະໜິດຕິດພັນໄວ້ໄດ້.

ຕາມທ່ານນາງ ເຈຶອງທິຮຽນ ແລ້ວ, ການພົວພັນຮ່ວມມືລະຫວ່າງ ຫວຽດນາມ - ກຸບາ ໃນປັດຈຸບັນໄດ້ຮັບການເປີດກວ້າງໃນຫຼາຍຂົງເຂດຄື: ກະສິກຳ, ອຸດສາຫະກຳ, ນ້ຳມັນອາຍແກັດ, ກໍ່ສ້າງ, ວັດທະນະທຳ, ການສຶກສາ, ວິທະຍາສາດ - ເຕັກນິກ…ບັນດາການເຄື່ອນໄຫວເພື່ອແນໃສ່ເພີ່ມພູນຄູນສ້າງນ້ຳໃຈມິດຕະພາບສອງຝ່າຍໃນປີຜ່ານມາ ໂດຍສະມາຄົມມິດຕະພາບ ຫວຽດນາມ - ກູບາ ນະຄອນໂຮ່ຈີມິນ ພ້ອມກັບບັນດາສາຂາສະມາຄົມສົມທົບກັບສະຖານກົງສູນໃຫຍ່ ກູບາ ຕັ້ງໜ້າຜັນຂະຫຍາຍຄື: ຈັດຕັ້ງການພົບປະສະເຫຼີມສະຫຼອງ 63 ປີແຫ່ງວັນຊາດ ສ.ກູບາ, ສະເຫຼີມສະຫຼອງ 69 ປີໄຊຊະນະ Moncada, ສະເຫຼີມສະຫຼອງ 61 ປີແຫ່ງໄຊຊະນະ Giron, ກິດຈະກຳແຕ້ມພາບລະດົມກຳລັງໃຈມິດຕະພາບ ຫວຽດນາມ - ກູບາ ໃນຝາຂອງສະຖານກົງສູນໃຫຍ່ກູບາ. ບັນດາການເຄື່ອນໄຫວດັ່ງກ່າວໄດ້ປະກອບສ່ວນຍ້ອງຍໍນ້ຳໃຈມິດຕະພາບ, ຄວາມສາມັກຄີ, ໂຄສະນາບັນດາຄວາມງາມທາງດ້ານວັດທະນະທຳຂອງສອງປະເທດ, ສອງຊາດ.

ທ່ານນາງ Ariadne Feo Labrada ຫົວໜ້າສະຖານກົງສູນໃຫຍ່ ກຸບາ ປະຈຳນະຄອນໂຮຈີມິນ ໄດ້ຫວນຄືບັນດາຜົນງານຂອງ ສ.ກູບາ ໃນໄລຍະຜ່ານມາ, ພ້ອມທັງຕີລາຄາວ່າ ປີ 2022 ແມ່ນປີປະສົບຜົນສຳເລັດສຳລັບການພົວພັນສອງປະເທດ. ບັນດາການເຄື່ອນໄຫວທີ່ມີຄວາມໝາຍໃນການຊຸກຍູ້ການພົວພັນສອງຝ່າຍ ເຊິ່ງ ຫວຽດນາມ ແລະ ກຸບາ ໄດ້ປະຕິບັດຢ່າງພົ້ນເດັ່ນຄື ການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ Manuel Marrero Cruz , ການຢ້ຽມຢາມນະຄອນໂຮ່ຈີມິນຂອງທ່ານ Fernando González Llort ປະທານສະຖາບັນກຸບາມິດຕະພາບ ກັບບັນດາຊົນຊາດ, ວິລະຊົນ ສ.ກຸບາ ແລະ ຫຼາຍເຫດການດ້ານອາຫານການກິນ, ດົນຕີ, ການທ່ອງທ່ຽວໄດ້ຊ່ວຍເພີ່ມທະວີຄວາມເຂົ້າໃຈລະຫວ່າງປະຊາຊົນສອງປະເທດ. ທ່ານນາງ ຢັ້ງຢືນວ່າ ການພົວພັນກຸບາ - ຫວຽດນາມ ຍາມໃດກໍ່ແມ່ນແບບຢ່າງໃນປະຫວັດສາດການພົວພັນສາກົນ ແລະ ປັດຈຸບັນ, ການພົວພັນນັ້ນ ນັບມື້ກໍ່ນັບໝັ້ນແກ່ນ, ພັດທະນາໃນທຸກດ້ານ.

ບຸນຄົງ