| ປະກາດລາຍການ “ລະດູບານໃໝ່ບ້ານເກີດເມືອງນອນ 2023” ຢູ່ Fukuoka, ຍີ່ປຸ່ນ | |
| ໂຄງການລະດູບານໃໝ່ບ້ານເກີດເມືອງນອນ 2023 ຈະດຳເນີນຢູ່ຮ່າໂນ້ຍ ໃນອາທິດກາງເດືອນມັງກອນ |
 |
| ພິທີລົງລາຍເຊັນການແຮກສ່ຽວຂັ້ນບ້ານ ລະຫວ່າງສອງຝ່າຍ (ພາບ: baonghean.vn) |
ແຂວງເງະອານ ມີເຊັ້ນຊາຍແດນຍາວ 468,281 ກີໂລແມັດ, ຕິດກັບ 3 ແຂວງ: ພົວພັນ, ຊຽງຂວາງ, ບໍລິຄຳໄຊ ປະເທດລາວ. ປະຊາຊົນສອງຝ່າຍ ສ່ວນຫຼາຍແມ່ນຊາວຊົນເຜົ່າສ່ວນໜ້ອຍ, ມີການພົວພັນຊົນຊາດ, ເປັນພີ່ເປັນນ້ອງກັນມາແຕ່ດົນນານ. ໄລຍະຜ່ານມາ, ບັນດາທ້ອງຖິ່ນ ມີເສັ້ນຊາຍແດນຕິດກັນຂອງສອງປະເທດ ຫວຽດນາມ - ລາວ ໄດ້ ແລະ ພວມຍູ້ແຮງຂະບວນການຄຸ້ມຄອງເສັ້ນຊາຍແດນ, ຫຼັກໝາຍຊາຍແດນ ດ້ວຍຕົນເອງ, ຂົນຂວາຍປະຊາຊົນຕັ້ງໜ້າເຂົ້າຮ່ວມການປົກປ້ອງເສັ້ນຊາຍແດນ, ເພີ່ມທະວີຮູບແບບແຮກສ່ຽວບ້ານ - ບ້ານ ລະຫວ່າງສອງທ້ອງຖິ່ນ.
ໄປຄຽງຄູ່ກັນນັ້ນ, ວຽກງານການທູດປະຊາຊົນກັບບັນດາແຂວງຂອງລາວ ກໍ່ໄດ້ເພີ່ມທະວີ. ໜຶ່ງໃນບັນດາຈຸດພົ້ນເດັ່ນແມ່ນຂະບວນການແຮກສ່ຽວ 21 ຄູ່ບ້ານ - ບ້ານລະຫວ່າງສອງເຂດຊາຍແດນ ແລະ 8 ຄູ່ປ້ອມທະຫານປ້ອງກັນຊາຍແດນ - ກອງຮ້ອຍປ້ອງກັນຊາຍແດນ, ຜ່ານນັ້ນກໍປະກອບສ່ວນປັບປຸງນ້ຳໃຈສາມັກຄີລະຫວ່າງທະຫານ ແລະ ປະຊາຊົນສອງຝ່າຍ.
ກ່ອນໜ້ານັ້ນ, ວັນທີ 18 ສິງຫາ 2013, ຢູ່ນະຄອນວິງ, ຄະນະກຳມະການປະຊາຊົນ ແຂວງເງະອານ ໄດ້ເປັນເຈົ້າພາບຈັດຕັ້ງກອງປະຊຸມສຳມະນາຂັ້ນສູງກັບອຳນາດການປົກຄອງ 3 ແຂວງ: ຫົວພັນ, ຊຽງຂວາງ, ບໍລິຄຳໄຊ ເພື່ອເຫັນດີເປັນເອກະພາບແຜນນະໂຍບາຍ, ເນື້ອໃນ, ມາດຕະການຜັນຂະຫຍາຍ ແລະ ໄດ້ເຊັນບົດບັນທຶກຊ່ວຍຈຳກ່ຽວກັບການສົມທົບກັນຈັດຕັ້ງຂະບວນການແຮກສ່ຽວບ້ານ - ບ້ານ ສອງເຂດຊາຍແດນ.
ບັນດາທ້ອງຖິ່ນ ກໍ່ແລກປ່ຽນ, ຮ່ຳຮຽນບົດຮຽນປະສົບການກ່ຽວກັບວຽກງານຄຸ້ມຄອງບໍລິຫານປະກອບສ່ວນຍົກສູງຄຸນນະພາບ, ປະສິດທິຜົນໃນການເຄື່ອນໄຫວຂອງລະບົບການເມືອງຮາກຖານຢູ່ບັນດາບ້ານ ເປັນເທື່ອລະກ້າວ. ຜ່ານການເຄື່ອນໄຫວແຮກສ່ຽວບ້ານ - ບ້ານ ກໍໄດ້ປະກອບສ່ວນປ້ອງກັນ, ຕ້ານການເຄື່ອນຍ້າຍແບບເສລີ, ແຕ່ງານແບບບໍ່ມີໃບສົມລົດ, ການຄ້າຂາຍ, ຂົນສົ່ງທາດເສດຕິດ ຜ່ານຊາຍແດນ ແລະ ບັນດາການລະເມີດອື່ນໆ.
ສອງຝ່າຍກໍ່ໄດ້ໜູນຊ່ວຍກັນ ພັດທະນາເສດຖະກິດ,ວັດທະນຳທຳ, ລົບລ້າງຄວາມອິດຫິວຫຼຸດຜ່ອນຄວາມທຸກຍາກເປັນປະຈຳ, ປະຕິບັດນະໂຍບາຍໜູນຊ່ວຍສັງຄົມ, ປ້ອງກັນ, ຕ້ານພະຍາດ, ແກ້ໄຂຜົນເສຍຫາຍທີ່ຕາມມາຈາກໄພທຳມະຊາດ. ພ້ອມທັງຈັດຕັ້ງບັນດາການເຄື່ອນໄຫວພົບປະວັດທະນະທຳ, ສິລະປະ, ກິລາກາຍຍະກຳ ເນື່ອງໃນວັນມູນເຊື້ອ, ພິທີໃຫຍ່ ແລະ ບຸນເຕັດທີ່ເປັນມູນເຊື້ອຂອງແຕ່ລະປະເທດ, ສ້າງຄວາມສາມັກຄີລະຫວ່າງຄູ່ບ້ານແຮກສ່ຽວ ຂອງສອງຟາກເຂດຊາຍແດນ.
ບຸນຄົງ
