| ຊຸກຍູ້ການເຊື່ອມຕໍ່ລະຫວ່າງບັນດາທ້ອງຖິ່ນຂອງ ຫວຽດນາມ ແລະ ເວນາຊູເອລາ | |
| ຫວຽດນາມ-ອົດສະຕາລີ ຊຸກຍູ້ການຮ່ວມມືໃນຂົງເຂດຊາວເຜົ່າສ່ວນນ້ອຍ ແລະ ທ້ອງຖິ່ນ |
 |
| ການນຳນະຄອນໂຮ່ຈີມິນ ໃຫ້ການຕ້ອນຮັບການນຳທ້ອງຖິ່ນຂອງລາວ, ກຳປູເຈຍ ແລະ ສ.ເກົາຫຼີ. ພາບ: baotintuc.vn |
ເມື່ອແລກປ່ຽນກັບການນຳນະຄອນໂຮ່ຈີມິນ, ທ່ານ ພູໂຂງ ບັນນະວົງ ຮອງເຈົ້າຄອງ ນະຄອນຫຼວງວຽງຈັນ, ທ່ານນາງ ລິງທອງ ແສງຕາວັນ ຮອງເຈົ້າແຂວງແຂວງ ສະຫວັນນະເຂດ ໃຫ້ຮູ້ວ່າ ໃນໄລຍະຈະມາເຖິງ, ນະຄອນໂຮ່ຈີມິນ ແລະ ສອງທ້ອງຖິ່ນຂອງ ລາວ ຄວນຊຸກຍູ້ການຮ່ວມມືຢ່າງຮອບດ້ານ, ປະຕິບັດບັນດາເນື້ອໃນຍຸດທະສາດຮ່ວມມືເຊິ່ງສອງປະເທດໄດ້ຕົກລົງກັນ. ພິເສດ, ຊຸກຍູ້ບັນດາພະແນກ, ຂະແໜງການ, ບັນດານັກລົງທຶນຂອງທ້ອງຖິ່ນເປັນເຈົ້າການເພີ່ມທະວີການຮ່ວມມືກ່ຽວກັບເສດຖະກິດ, ວັດທະນະທຳ, ການສຶກສາ, ວິທະຍາສາດ, ສ້າງເງື່ອນໄຂສະດວກໃຫ້ແກ່ນັກລົງທຶນ, ວິສາຫະກິດ, ຊຸກຍູ້ບັນດາການເຄື່ອນໄຫວເຊື່ອມຕໍ່ການທ່ອງທ່ຽວຢ່າງແຮງກ່ວາອີກ...
ທີ່ການຕ້ອນຮັບທ່ານ Huot Hay ຮອງເຈົ້າຄອງ ນະຄອນຫຼວງ ພະນົມເປັນ (ປະເທດກຳປູເຈຍ), ທ່ານ ໂງມິງເຈົາ ສະເໜີບັນດາເນື້ອໃນທີ່ຕ້ອງຊຸກຍູ້ໃນການຮ່ວມມືສອງຝ່າຍ, ລວມມີ: ການທ່ອງທ່ຽວ, ການຄ້າ, ເປີດກວ້າງຄົມະນາຄົມທາງບົກ - ທາງນ້ຳ, ການແພດ ແລະ ການສຶກສາ.
ທີ່ານຕ້ອນຮັບທ່ານ Jeong Kwang-Yeol ຮອງຜູ້ວ່າການ ແຂວງ Gangwon ແລະ ທ່ານ Whang Myeong Seok ຫົວໜ້າກົມປະສານງານແຜນການ ແຂວງ Gyeongsangbuk (ສ.ເກົາຫຼີ), ທ່ານ ໂງມິງເຈົາ ຖືວ່າ ຄວາມສາມາດບົ່ມຊ້ອນໃນການຮ່ວມມືລະຫວ່າງນະຄອນໂຮ່ຈີມິນ ແລະ ບັນດາແຂວງ Gangwon, Gyeongsangbuk ຍັງໃຫຍ່ຫຼວງທີ່ສຸດ, ທ່ານເນັ້ນໜັກວ່າ ນະຄອນໂຮ່ຈີມິນຖືເປັນສຳຄັນການດຶງດູດບັນດາແຫຼ່ງກຳລັງກ່ຽວກັບເຕັກໂນໂລຢີທີ່ກ້າວໜ້າໃນໂລກ ແລະ ຈະສ້າງເງື່ອນໄຂເພື່ອໃຫ້ບັນດາວິສາຫະກິດທັງຢູ່ພາຍໃນ ແລະ ຕ່າງປະເທດມີການດຳເນີນທຸລະກິດຢ່າງມີປະສິດທິຜົນ.
ໄຊພອນ
