ຫວ່າງແລ້ວນີ້, ຢູ່ຮ່າໂນ້ຍ, ກະຊວງຕຳຫຼວດໄດ້ຈັດຕັ້ງກອງປະຊຸມສຳມະນາແລກປ່ຽນກ່ຽວກັບຫົວຂໍ້ “ຫວຽດນາມ - ລາວ, 60 ປີແຫ່ງການຮ່ວມມື ແລະ ພັດທະນາ” ເພື່ອຫວນຄືນປະຫວັດສາດການຮ່ວມມື, ການຊ່ວຍເຫຼືອ ແລະ ພັດທະນາຂອງກອງກຳລັງຕຳຫຼວດສອງປະເທດຫວຽດນາມ-ລາວ.
ບັນຍາກາດທີ່ກອງປະຊຸມສຳມະນາ.
ກອງປະຊຸມສຳມະນາໄດ້ຮັບຮູ້ບັນດາບົດປະກອບຄໍາເຫັນດ້ວຍການແບ່ງປັນຫຼາຍຢ່າງຈາກບັນດາຜູ້ແທນທີ່ເປັນອະດີດນັກຊ່ຽວຊານຕຳຫຼວດຫວຽດນາມ ຢູ່ລາວ ແລະ ອະດີດນາຍຕຳຫຼວດລາວ ທີ່ເຄີຍຮ່ຳຮຽນຢູ່ ຫວຽດນາມ. ບັນດາຜູ້ແທນໄດ້ແບ່ງປັນບັນດາຂໍ້ມູນຂ່າວສານ, ເລື່ອງລາວ ແລະ ເອກະສານທີ່ມີຄຸນຄ່າ ແລະ ມີຄວາມໝາຍກ່ຽວກັບການພົວພັນຮ່ວມມືລະຫວ່າງກະຊວງຕຳຫຼວດ ຫວຽດນາມ - ກະຊວງປ້ອງກັນຄວາມສະຫງົບລາວ ເວົ້ວລວມ; ພິເສດແມ່ນກ່ຽວກັບການອຸທິດຕົນຢ່າງງຽບໆຂອງບັນດານັກຊ່ຽວຊານຕຳຫຼວດຫວຽດນາມ ຢູ່ລາວ ແລະ ຄວາມຊົງຈຳທີ່ບໍ່ອາດລືມໄດ້ໃນໄລຍະທີ່ພວມຮ່ຳຮຽນຢູ່ ຫວຽດນາມ ຂອງອະດີດນັກສຶກສາຕຳຫຼວດລາວ.
ຄຽງຂ້າງກັນນັ້ນ, ຜູ້ແທນຫວຽດນາມ - ລາວ ກໍໄດ້ປະກອບຄຳເຫັນ, ຕີລາຄາກ່ຽວກັບ ເນື້ອໃນການຮ່ວມມືລະຫວ່າງກະຊວງຕຳຫຼວດຫວຽດນາມ ແລະ ກະຊວງປ້ອງກັນຄວາມສະຫງົບລາວ ແລະ ບັນດາທິດທາງແຜນການຮ່ວມມືໃນໄລຍະຈະມາເຖິງ, ເປັນພື້ນຖານກໍານົດທິດທາງສຳຄັນເພື່ອຊ່ວຍໃຫ້ບັນດາກົມກອງທີ່ກ່ຽວຂ້ອງຂອງ 2 ກະຊວງກຳນົດບັນດາເນື້ອໃນຈຸດສຸມທີ່ຈະປະຕິບັດໃນໄລຍະຈະມາເຖິງຢ່າງຈະແຈ້ງ, ປະກອບສ່ວນປັບປຸງ ແລະ ຮັດແໜ້ນການພົວພັນຮ່ວມມືລະຫວ່າງສອງກະຊວງໃຫ້ເຂົ້າສູ່ລວງເລິກ, ນໍາມາເຊິ່ງປະສິດທິຜົນຢ່າງແທດຈິງ.
ບູນມີ
