| ຮັບປະກັນການປ້ອງກັນປະເທດ, ປ້ອງກັນຄວາມສະຫງົບ, ຫ່ວງໃຍຊີວິດການເປັນຢູ່ຂອງປະຊາຊົນຢູ່ທະເລ, ໝູ່ເກາະ | |
| ປະທານຄະນະ ກຳມະການປະຊາຊົນແຂວງນາມດິ້ງ ຕ້ອນຮັບຄະນະຜູ້ແທນ ພະແນກ ປ້ອງກັນຄວາມສະຫງົບ ແຂວງອຸດົມໄຊ ສປປ ລາວ |
ຕອນບ່າຍວັນທີ 26 ຕຸລາ, ຢູ່ຮ່າໂນ້ຍ, ສະຫາຍພົນເອກ ໂຕເລິມ ລັດຖະມົນຕີກະຊວງຕໍາຫຼວດຫວຽດນາມ ໄດ້ຕ້ອນຮັບການເຂົ້າຢ້ຽມອໍາລາຂອງສະຫາຍ ໄພວັນ ສິດທິຈັນ ຫົວໜ້າອົງການຜູ້ຕາງໜ້າກະຊວງປ້ອງກັນຄວາມສະຫງົບ (ປກສ) ລາວ ປະຈໍາ ຫວຽດນາມ ແລະສະຫາຍ ສັກດາ ໄຊຍະສົງຄາມ ຮອງຫົວໜ້າອົງການຜູ້ຕາງໜ້າ ເນື່ອງໃນໂອກາດສິ້ນສຸດການປະຕິບັດໜ້າທີ່ການທູດຢູ່ຫວຽດນາມ.
 |
| ບັນຍາກາດທີ່ການຕ້ອນຮັບ. ພາບ: ກະຊວງຕໍາຫຼວດຫວຽດນາມ |
ໂດຍຊົມເຊີຍສະຫາຍ ໄພວັນ ສິດທິຈັນ ແລະສະຫາຍ ສັກດາ ໄຊຍະສົງຄາມ ທີ່ປະຕິບັດສຳເລັດໜ້າທີ່ການທູດຢູ່ຫວຽດນາມ, ສະຫາຍພົນເອກ ໂຕເລິມ ເນັ້ນໜັກວ່າ ໜ້າທີ່ຂອງອົງການຜູ້ຕາງໜ້າກະຊວງຕຳຫຼວດຫວຽດນາມ ແລະກະຊວງ ປກສ ລາວ ມີບົດບາດສຳຄັນທີ່ສຸດ, ເປັນຂົວເຊື່ອມຕໍ່ລະຫວ່າງສອງກະຊວງໃນການສົ່ງຂໍ້ມູນຂ່າວສານ, ສົມທົບລະຫວ່າງກໍາລັງວິຊາການ ແລະເປັນເສນາທິການໃຫ້ການນຳຂອງສອງກະຊວງໃນການຊຸກຍູ້, ຜັນຂະຫຍາຍບັນດາເນື້ອໃນການຮ່ວມມືເພື່ອຮັບປະກັນການຕິດແທດກັບຄວາມຮຽກຮ້ອງຕ້ອງການຕົວຈິງຢ່າງທັນການ.
ກະຊວງຕຳຫຼວດຫວຽດນາມ ໄດ້ຮັບຮູ້ ແລະຕີລາຄາສູງຕໍ່ການປະກອບສ່ວນຢ່າງຕັ້ງໜ້າຂອງສະຫາຍ ໄພວັນ ສິດທິຈັນ ກໍ່ຄືອົງການຜູ້ຕາງໜ້າກະຊວງ ປກສ ລາວ ປະຈຳ ຫວຽດນາມ ໃນການຜັນຂະຫຍາຍການເຄື່ອນໄຫວຮ່ວມມືລະຫວ່າງສອງກະຊວງຢ່າງມີປະສິດທິຜົນ, ຜ່ານນັ້ນ ກໍ່ປະກອບສ່ວນປັບປຸງສາຍພົວພັນຮ່ວມມືລະຫວ່າງກຳລັງຕຳຫຼວດສອງປະເທດໃຫ້ນັບມື້ນັບພັດທະນາ, ເຂົ້າສູ່ລວງເລິກ ແລະແທດຈິງ...
ສະແດງຄວາມຂອບໃຈຢ່າງຈິງໃຈຕໍ່ຄວາມຮັກແພງອັນດີງາມຂອງກະຊວງຕຳຫຼວດຫວຽດນາມ ແລະສະຫາຍພົນເອກ ໂຕເລິມ ທີ່ສະຫງວນໃຫ້ອົງການຜູ້ຕາງໜ້າກະຊວງ ປກສ ລາວ, ສະຫາຍ ໄພວັນ ສິດທິຈັນ ຢັ້ງຢືນວ່າ ພາຍຫຼັງສິ້ນສຸດການປະຕິບັດໜ້າທີ່ການທູດຢູ່ຫວຽດນາມ, ເຖິງວ່າຈະຢູ່ໃນຖານະຕໍາແໜ່ງໃດກໍ່ຕາມ ກໍ່ຈະສືບຕໍ່ປະກອບສ່ວນສຳຄັນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງພັກ, ສອງລັດ ເວົ້າລວມ, ລະຫວ່າງກໍາລັງຕຳຫຼວດຫວຽດນາມ ແລະກຳລັງ ປກສ ລາວ ເວົ້າສະເພາະ.
ບູນມີ
