| ນິວຊີແລນ ໃຫ້ຄຳໝັ້ນສັນຍາໜູນຊ່ວຍຫວຽດນາມ ຕ້ານພະຍາດໂຄວິດ-19 ແລະ ຟື້ນຟູເສດຖະກິດ | |
| ທ່ານເອກອັກຄະລັດຖະທູດ ຟ້າມຊາວມາຍ: ການພົວພັນຫວຽດນາມ - ຈີນ ໄດ້ນຳມາເຊິ່ງຜົນປະໂຫຍດຢ່າງແທດຈິງມາໃຫ້ປະຊາຊົນສອງປະເທດ |
ທີ່ການສົນທະນາ, ສອງຝ່າຍ ເນັ້ນໜັກວ່າ ເຖິງວ່າ ພະຍາດໂຄວິດ-19 ກໍ່ຜົນກະທົບອັນໃດອັນໜຶ່ງກໍ່ຕາມ, ແຕ່ການພົວພັນຮ່ວມມືດ້ານປ້ອງກັນ ຊາດລະຫວ່າງຫວຽດນາມ ແລະນິວຊີແລນ ຍັງໄດ້ຮັບການຮັກສາ ແລະ ພັດທະນາຕາມບັນດາຂໍ້ຕົກລົງທີ່ໄດ້ລົງນາມ, ສອດຄ່ອງກັບການພົວພັນ ຄູ່ຮ່ວມມືຍຸດທະສາດລະຫວ່າງສອງປະເທດ, ເພື່ອຜົນປະໂຫຍດລວມ ຂອງແຕ່ລະປະເທດ ແລະພາກພື້ນ.
 |
| ພາບປະກອບ: TTXVN |
ສອງຝ່າຍ ເຫັນດີເປັນເອກະພາບນໍາກັນ ຖືວ່າ ການພົວພັນຮ່ວມມືດ້ານ ປ້ອງກັນຊາດຫວຽດນາມ-ນິວຊີແລນ ຍັງມີຄວາມສາມາດບົ່ມຊ້ອນ ແລະເງື່ອນໄຂສະດວກຫຼາຍຢ່າງ ເພື່ອພັດທະນາ. ໃນໄລຍະຈະມາເຖິງ, ບົນພື້ນຖານບົດບັນທຶກຊ່ວຍຈໍາວ່າດ້ວຍການຮ່ວມມືດ້ານປ້ອງກັນຊາດທີ່ໄດ້ລົງນາມ, ສອງຝ່າຍເຫັນດີສືບຕໍ່ເປັນເຈົ້າການຍົກອອກແຜນການຮ່ວມມື ແລະພ້ອມແລ້ວທີ່ຈະຜັນຂະຫຍາຍດ້ວຍຮູບການທີ່ເໝາະສົມ ເມື່ອເງື່ອນໄຂອະນຸຍາດ, ສຸມໃສ່ເຂົ້າໃນບັນດາຂົງເຂດ ຄື: ເພີ່ມທະວີ ການພົບປະ, ແລກປ່ຽນຄະນະຜູ້ແທນ, ໂດຍສະເພາະແມ່ນຄະນະຜູ້ແທນຂັ້ນສູງ; ຄົ້ນຄວ້າສ້າງຕັ້ງຊ່ອງພົບປະເຈລະຈາລະຫວ່າງເຈົ້າໜ້າທີ່, ນັກຮຽນຮູ້ປ້ອງກັນຊາດສອງປະເທດ; ຊຸກຍູ້ການຮ່ວມມືບໍາລຸງສ້າງ; ຄົ້ນ ຄວ້າຄວາມສາມາດຮ່ວມມືໃນຂົງເຂດຄວາມໝັ້ນຄົງທາງອິນເຕີເນັດ, ແລກປ່ຽນວິຊາການສຶກສາ, ຄົ້ນຫາ-ກູ້ໄພ...; ຜັນຂະຫຍາຍຂໍ້ຕົກລົງ ປະຕິບັດບົດບັນທຶກຊ່ວຍຈໍາວ່າດ້ວຍການຮ່ວມມືດ້ານປ້ອງກັນຊາດໃນ ຂົງເຂດຮັກສາສັນຕິພາບ ສປຊ ຢ່າງມີປະສິດທິຜົນ.
ກະຊວງປ້ອງກັນປະເທດຫວຽດນາມ ຕີລາຄາສູງບົດບາດ ແລະການປະ ກອບສ່ວນຂອງກະຊວງປ້ອງກັນປະເທດ ນິວຊີແລນ ຢູ່ບັນດາກົນໄກ ຫຼາຍຝ່າຍກ່ຽວກັບການປ້ອງກັນຊາດ, ປ້ອງກັນຄວາມສະຫງົບ ໂດຍ ອາຊຽນ ຊັກນໍາ, ພິເສດແມ່ນ ADMM+; ສະໜັບສະໜູນ ນິວຊີແລນ ຊຸກຍູ້ການພົວພັນຄູ່ຮ່ວມມືຍຸດທະສາດອາຊຽນ-ນິວຊີແລນ ຫຼາຍກວ່າອີກ, ໃນນັ້ນມີການຜັນຂະຫຍາຍແຜນການກະທໍາ ໄລຍະ 2021-2025 ໃນ ບັນດາຂົງເຂດທີ່ກ່ຽວຂ້ອງເຖິງການຮ່ວມມືດ້ານປ້ອງກັນຊາດ, ປ້ອງກັນ ຄວາມສະຫງົບ ຢ່າງມີປະສິດທິຜົນ.
ສອງຝ່າຍ ສະເໜີສ້າງແຜນການຮ່ວມມື ໄລຍະ 2022-2025 ໂດຍໄວ ເພື່ອເປັນເຈົ້າການຜັນຂະຫຍາຍການຮ່ວມມືດ້ານປ້ອງກັນຊາດ ໃຫ້ສົມ ກັບການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ.
ບູນມີ
