 |
ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວໃຫ້ກຽດຕ້ອນຮັບ ທ່ານ ນາງ wibke Thies ທີ່ປຶກສາຂັ້ນສູງ ຂົງເຂດປ່າໄມ້ຊີວະນານາພັນ ແລະ ກະສິກຳ ຂອງສຳນັກງານໃຫຍ່ (GIZ) ໂຄງການຂອງ (ProFEB )
ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂ່ຳນັບ ຂອງ ທ່ານ ນາງ wibke Thies ທີ່ປຶກສາຂັ້ນສູງ ຂົງເຂດປ່າໄມ້ຊີວະນານາພັນ ແລະ ກະສິກຳ ຂອງສຳນັກງານໃຫຍ່ (GIZ) ໂຄງການຂອງ (ProFEB ) ພ້ອມດ້ວຍຄະນະ ໃນວັນທີ 8 ພຶດສະພາ 2018 ທີ່ກະຊວງດັ່ງກ່າວ.
ໃນໂອກາດນີ້, ທ່ານ ບົວເງິນ ຊາພູວົງ ໄດ້ສະແດງຄວາມຊົມເຊີຍ, ຍິນດີຕ້ອນຮັບ ແລະ ຕີລາຄາສູງ ຕໍ່ ທ່ານ ນາງ wibke Thies ພ້ອມດວ້ຍຄະນະ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້, ຊຶ່ງເປັນການປະກອບສ່ວນ ອັນສຳຄັນ ເຂົ້າໃນການພັດທະນາ ເສດຖະກິດ-ສັງຄົມ, ການພົບປະໃນຄັ້ງນີ້ ທັງສອງຝ່າຍໄດ້ປຶກສາຫາລື ກ່ຽວກັບ ການຊ່ວຍເຫລືອ ຂອງລັດຖະບານເຢຍລະມັນ ໃນຂະບວນການ ນຳສະເໜີ ເອົາປ່າສະຫງວນແຫ່ງຊາດ ຫີນໜາມໜໍ່ເຂົ້າເປັນມໍລະດົກໂລກ ຂອງອົງການ UNESCO.
ພ້ອມດຽວກັນນີ້, ທ່ານ ນາງ wibke Thies ໄດ້ສະແດງ ຄວາມຂອບໃຈ ຕໍ່ທ່ານ ບົວເງິນ ຊາພູວົງ ຮອງລັດຖະມົນ ທີ່ໄດ້ສະຫລະ ເວລາອັນມີຄຸນຄ່າ ໃຫ້ການຕ້ອນຮັບອັນອົບອຸ່ນ ໃນຄັ້ງນີ້, ພ້ອມທັງແຈ້ງຈຸດປະສົງ ໃນການເດີນທາງມາຄັ້ງນີ້ ໃຫ້ທ່ານຮອງລັດຖະມົນຕີຮັບຊາບຕື່ມອີກ.
（ແຫຼ່ງຂໍ້ມູນ： ຂປລ）
