ເນື່ອງໃນໂອກາດສະເຫຼີມສະຫຼອງ 68 ປີແຫ່ງວັນປົດປ່ອຍນະຄອນຫຼວງ (ວັນທີ 10 ຕຸລາ 1954 – ວັນທີ 10 ຕຸລາ 2022) ແລະ 114 ປີ ແຫ່ງການປະກາດເອກະລາດຂອງບຸນກາຣີ (ວັນທີ 22 ກັນຍາ 1908 – ວັນທີ 22 ກັນຍາ 2022), ສະມາຄົມມິດຕະພາບຫວຽດນາມ - ບຸນກາຣີ ນະຄອນ ຮ່າໂນ້ຍ ໄດ້ຈັດຕັ້ງລາຍການ “ລະດູໃບໄມ້ຫຼົ່ນຮ່າໂນ້ຍ” ດ້ວຍການເຄື່ອນໄຫວທຳອິດແມ່ນລາຍການພົບປະແລກປ່ຽນມິດຕະພາບ “ລະດູໃບໄມ້ຫຼົ່ນຮ່າໂນ້ຍ”.
 |
| ສະມາຄົມມິດຕະພາບຫວຽດນາມ - ບຸນກາຣີ ນະຄອນ ຮ່າໂນ້ຍ ຖ່າຍຮູບເປັນທີ່ລະນຶກ. ພາບ: thoidai.com.vn |
 |
 |
ກ່າວຄຳເຫັນທີ່ລາຍການ, ທ່ານນາງ ເລທູຮ່າ, ປະທານສະມາຄົມມິດຕະພາບ ຫວຽດນາມ - ບຸນກາຣີ ປະຈຳ ຮ່າໂນ້ຍ ໃຫ້ຮູ້ວ່າ: ລາຍການ “ລະດູໃບໄມ້ຫຼົ່ນ ຮ່າໂນ້ຍ” ຈະກາຍເປັນກິດຈະກຳປະຈຳປີຂອງສະມາຄົມມິດຕະພາບ ຫວຽດນາມ - ບຸນກາຣີ ຢູ່ ຮ່າໂນ້ຍ. ນີ້ແມ່ນລາຍການທີ່ໄດ້ຮັບການດົນບັນດານໃຈຈາກນໍ້າໃຈມິດຕະພາບ, ຈາກທຳມະຊາດ, ປະເທດຊາດທີ່ສວຍງາມ ແລະ ປະຊາຊົນ ຫວຽດນາມ - ບຸນກາຣີ.
ໂຄງການດັ່ງກ່າວໄດ້ຮັບການສ້າງຂຶ້ນດ້ວຍ 3 ກິດຈະກຳຕົ້ນຕໍ ຄື: ແລກປ່ຽນມິດຕະພາບ, ງານວາງສະແດງຮູບພາບ “ອານຸສອນ ບຸນກາຣີ” ແລະ ການເຊື່ອມຕໍ່ການຄ້າລະຫວ່າງ ຫວຽດນາມ ແລະ ບຸນກາຣີ, ນຳມາເຊິ່ງລັກສະນະທີ່ໃໝ່ໃຫ້ແກ່ວຽກງານການທູດປະຊາຊົນ ກໍຄືເພີ່ມທະວີການພົບປະແລກປ່ຽນ ແລະ ສະໜິດຕິດພັນລະຫວ່າງບັນດາສະມາຊິກ.
ກ່າວຄຳເຫັນທີ່ລາຍການ, ທ່ານນາງ Marinela Petkova - ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ບຸນກາຣີ ປະຈຳ ຫວຽດນາມ ຖືວ່າ: ສະມາຄົມມິດຕະພາບ ຫວຽດນາມ - ບຸນກາຣີ ຢູ່ ຮ່າໂນ້ຍ ແມ່ນຂົວຕໍ່ເພື່ອຮັກສາການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງ ປະເທດ ບຸນກາຣີ ແລະ ຫວຽດນາມ.
ບູນມີ
