 |
| ທ່ານລັດຖະມົນຕີກະຊວງຕຳຫຼວດ ຫວຽດນາມ ໂຕເລິມ ຕ້ອນຮັບທ່ານລັດຖະມົນຕີກະຊວງພາຍໃນອັງກິດ.(ພາບ: nhandan.vn) |
ທ່ານລັດຖະມົນຕີກະຊວງຕຳຫຼວດ ຫວຽດນາມ ໂຕເລິມ ໄດ້ຕີລາຄາສູງການຢ້ຽມຢາມຂອງທ່ານລັດຖະມົນຕີກະຊວງພາຍໃນອັງກິດ ເຊິ່ງໄດ້ປະກອບສ່ວນສຳຄັນເຂົ້າໃນການຊຸກຍູ້ການພົວພັນອັນດີງາມລະຫວ່າງກະຊວງຕຳຫຼວດ ແລະ ກະຊວງພາຍໃນອັງກິດ ເວົ້າສະເພາະ ແມ່ນຄູ່ຮ່ວມມືຍຸດທະສາດລະຫວ່າງສອງປະເທດ ຫວຽດນາມ - ລາຊະອານາຈັກອັງກິດເວົ້າລວມ.
ທ່ານກ່າວແຈ້ງວ່າ, ໃນໄລຍະຜ່ານມາ, ກ່ຽວກັບການຮ່ວມມືດ້ານການອົບພະຍົບ, ສົ່ງກັບຄືນປະເທດ, ການປ້ອງກັນ ແລະ ຕ້ານການຄ້າມະນຸດ ແລະ ການເຄື່ອນຍ້າຍແບບຜິດກົດໝາຍ, 2 ຝ່າຍໄດ້ຈັດຕັ້ງ “ການເຈລະຈາກ່ຽວກັບການອົບພະຍົບ ແລະ ເຂົ້າອອກເມືອງ” ເປັນຄັ້ງທຳອິດຢູ່ຮ່າໂນ້ຍ ໃນວັນທີ 15 ສິງຫາ 2022 ຢ່າງສຳເລັດຜົນ.
ກົນໄກເຈລະຈານີ້ປະກອບສ່ວນເພີ່ມທະວີຄວາມເຂົ້າໃຈ, ການແກ້ໄຂບັນຫາ, ເພີ່ມທະວີການຮ່ວມມືໃນຂົງເຂດການເຄື່ອນຍ້າຍພູມລຳເນົາ, ການປ້ອງກັນ, ຕ້ານການຄ້າມະນຸດ ແລະ ການເຄື່ອນຍ້າຍແບບຜິດກົດໝາຍ, ພ້ອມກັນນັ້ນ, ກໍຊຸກຍູ້ການພົວພັນສອງປະເທດໃຫ້ແທດຈິງ.
ທ່ານສະເໜີໃຫ້ສອງຝ່າຍສືບຕໍ່ຊຸກຍູ້ການສ້າງແຜນຮ່າງ, ການເຈລະຈາເພື່ອແນໃສ່ລົງນາມໃນສົນທິສັນຍາສາກົນລະຫວ່າງສອງປະເທດກ່ຽວກັບການສົ່ງຜູ້ຮ້າຍຂ້າມແດນ ເພື່ອແນໃສ່ເພີ່ມທະວີພື້ນຖານນິຕິກຳໃນການຮ່ວມມືໃນຂົງເຂດການສົ່ງຜູ້ຮ້າຍຂ້າມແດນ ລະຫວ່າງສອງປະເທດ.
ບຸນຄົງ
