| ໂອກາດວັນພັກບຸນທີ 2 ກັນຍາ, ຜູ້ໂດຍສານໄປຜ່ານຄິວລົດເມຮ່າໂນ້ຍເພີ່ມຂຶ້ນປະມານ 300% | |
| ຮ່າໂນ້ຍ: ປະຊາຊົນນຸ່ງເຄື່ອງກັນຝົນໄປວັດ ຟຸກແຄັງ ເຂົ້າຮ່ວມບຸນເຂົ້າປະດັບດິນ |
 |
| ທ່ານປະທານຄະນະກຳມະການປະຊາຊົນນະຄອນ ຮ່າໂນ້ຍ ເຈິ່ນຊີ້ແທັງ ໄດ້ຕ້ອນຮັບທ່ານເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງ ສ.ສິງກະໂປ ປະຈຳ ຫວຽດນາມ Jaya Ratnam ເຂົ້າຢ້ຽມຂ່ຳນັບ. ພາບ: hanoimoi.com.vn |
ທີ່ການຕ້ອນຮັບ, ທ່ານປະທານຄະນະກຳມະການປະຊາຊົນນະຄອນ ຮ່າໂນ້ຍ ເຈິ່ນຊີ້ແທັງ ຕີລາຄາສູງບັນດາການໜູນຊ່ວຍຂອງ ສິງກະໂປ ຕໍ່ກັບ ຫວຽດນາມ ເວົ້າລວມ ແລະ ຮ່າໂນ້ຍ ເວົ້າສະເພາະໃນໄລຍະຜ່ານມາ, ປາດຖະໜາວ່າ 2 ຝ່າຍຈະມີການເຄື່ອນໄຫວຢ່າງແທດຈິງ ເພື່ອມຸ່ງໄປເຖິງພິທີສະເຫຼີມສະຫຼອງທີ່ສຳຄັນ. ທ່ານ ເຈິ່ນຊີ້ແທັງ ປາດຖະໜາຢາກໃຫ້ຝ່າຍ ສິງກະໂປ ໜູນຊ່ວຍຈັດສົ່ງກຸ່ມນັກຊ່ຽວຊານມາຊ່ວຍ ຮ່າໂນ້ຍ ໃນການພິຈາລະນາແນວຄວາມຄິດ, ຂໍ້ສະເໜີ ແນໃສ່ພັດທະນານະຄອນຫຼວງ ຮອດປີ 2030, ວິໄສທັດຮອດປີ 2045. ພ້ອມທັງ, ທາງນະຄອນກໍ່ຢາກໃຫ້ ສິງກະໂປ ແບ່ງປັນບົດຮຽນ ແລະ ໜູນຊ່ວຍໃນການພັດທະນາເຮືອນຢູ່ຮັບໃຊ້ປະຊາຊົນ; ຈັດຕັ້ງ ແລະ ຄຸ້ມຄອງຕົວເມືອງອັດສະລິຍະ, ທັນສະໄໝ; ບຳລຸງສ້າງຖັນແຖວພະນັກງານຄຸ້ມຄອງໃຫ້ມີກຳລັງຄວາມສາມາດ…
ສ່ວນທ່ານ ເອກອັກຄະລັດຖະທູດ Jaya Ratnam ຢັ້ງຢືນວ່າ: ເຖິງວ່າ ຫວຽດນາມ ແລະ ສິງກະໂປ ມີຄວາມແຕກຕ່າງຫຼາຍຢ່າງກໍ່ຕາມ, ແຕ່ກໍ່ມີຄວາມປາດຖະໜາຢາກໃຫ້ປະຊາຊົນເປັນໃຈກາງຂອງການພັດທະນາ; ເນັ້ນໜັກວ່າ ນີ້ແມ່ນທ່າໄດ້ປຽບຢ່າງໃຫຍ່ຫຼວງໃນການສ້າງການຮ່ວມມືລະຫວ່າງສອງຝ່າຍ.
ທ່ານເອກອັກຄະລັດຖະທູດ Jaya Ratnam ສະເໜີເພີ່ມທະວີການຮ່ວມມືດ້ານການສຶກສາ, ແລກປ່ຽນຄະນະຜູ້ແທນນັກສຶກສາ 2 ປະເທດ, ສ້າງກາລະໂອກາດໃຫ້ວິສາຫະກິດຂອງ 2 ຝ່າຍຜັນຂະຫຍາຍບັນດາການເຄື່ອນໄຫວ, ຮ່ວມມື, ປະກອບສ່ວນຍົກສູງການພົວພັນຮ່ວມມືຮອບດ້ານລະຫວ່າງ ສິງກະໂປ ແລະ ຮ່າໂນ້ຍ ເວົ້າສະເພາະ, ຫວຽດນາມ ເວົ້າລວມ.
ໄຊພອນ
