ໂອກາດວັນພັກວັນຊາດທີ 2 ກັນຍາ ປີນີ້ ກົງກັບວັນສຸກ ກົງກັບທ້າຍອາທິດ ປະຊາຊົນຈະໄດ້ພັກຜ່ອນ 4 ວັນ (ແຕ່ວັນທີ 1 ຫາ ວັນທີ 4 ກັນຍາ) ດັ່ງນັ້ນ ຄວາມຕ້ອງການເດີນທາງໄປທ່ຽວຊົມ, ພັກຜ່ອນຢ່ອນອາລົມ, ຢ້ຽມຢາມຍາດຕິ ພີ່ນ້ອງ ເພີ່ມຂຶ້ນຢ່າງຫຼວງຫຼາຍ, ຄາດວ່າ. ປະມານ 300% ເມື່ອທຽບກັບມື້ປົກກະຕິ.
 |
| ໂອກາດວັນພັກບຸນທີ 2 ກັນຍາ, ຜູ້ໂດຍສານໄປຜ່ານຄິວລົດເມຮ່າໂນ້ຍເພີ່ມຂຶ້ນປະມານ 300%. ພາບ: nhandan.vn |
ທ່ານ ຟ້າມແມ້ງຮຸ່ງ, ຜູ້ອໍານວຍການບໍລິສັດຫຸ້ນສ່ວນຄິວລົດເມ ຮ່າໂນ້ຍ ໃຫ້ຮູ້ວ່າ: ພາຍຫຼັງການລະບາດຂອງພະຍາດໂຄວິດ-19, ຄວາມຕ້ອງການໃນການເດີນທາງຂອງປະຊາຊົນເພີ່ມຂຶ້ນຢ່າງແຮງ, ຈໍານວນຜູ້ໂດຍສານທີ່ເດີນທາງ ຜ່ານສະຖານີລົດເມຈະເພີ່ມຂຶ້ນໃນທຸກເສັ້ນທາງ, ໂດຍສະເພາະແມ່ນເສັ້ນທາງ ທີ່ມີແຫຼ່ງທ່ອງທ່ຽວຢູ່ເຂດພູດອຍພາກເຫນືອ ແລະເຂດທະເລພາກເຫນືອ.
ເພື່ອຮັບໃຊ້ຄວາມຕ້ອງການໃນການເດີນທາງຂອງປະຊາຊົນໃນໂອກາດວັນຊາດທີ 2 ກັນຍາ, ບໍລິສັດຫຸ້ນສ່ວນຄິວລົດເມ ຮ່າໂນ້ຍ ໄດ້ຜັນຂະຫຍາຍແຜນການຈັດຕັ້ງການບໍລິການຮັບໃຊ້ຜູ້ໂດຍສານຢູ່ບັນດາຄິວລົດເມ.
ເພື່ອຮັບປະກັນການເປັນເຈົ້າການ ແລະ ຄວາມສະດວກໃນການແກ້ໄຂບັນຫາ ຜູ້ໂດຍສານ (ຖ້າມີການເພີ່ມຂຶ້ນຢ່າງກະທັນຫັນ), ບໍລິສັດຫຸ້ນສ່ວນຄິວລົດເມ ຮ່າໂນ້ຍ ໄດ້ສະເໜີໃຫ້ພະແນກຄົມມະນາຄົມຂົນສົ່ງນະຄອນຮ່າໂນ້ຍ ອອກປ້າຍລົດໂດຍສານຕື່ມ 200 ປ້າຍ ເພື່ອເພີ່ມທະວີການແກ້ໄຂບັນຫາຜູ້ໂດຍສານເພີ່ມຂຶ້ນ.
ບູນມີ
