ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນປະກາດເອກະລາດອິນເດຍ, 50 ປີແຫ່ງວັນສ້າງຕັ້ງການພົວພັນທາງການທູດ, 15 ປີແຫ່ງວັນສ້າງຕັ້ງ ການພົວພັນຄູ່ຮ່ວມມືຍຸດທະສາດຫວຽດນາມ - ອິນເດຍ; ຫວ່າງແລ້ວນີ້, ຄະນະກຳມະການປະຊາຊົນແຂວງວິ້ງຟຸກ ສົມທົບກັບສະຖານທູດອິນເດຍ ປະຈຳ ຫວຽດນາມ ຈັດຕັ້ງລາຍການພົບປະແລກປ່ຽນວັດທະນະທຳ - ສິລະປະລະຫວ່າງກຸ່ມດົນຕີອິນເດຍ “ດົນຕີ Parinday ແຫ່ງຈິດໃຈ” ກັບໂຮງຮຽນມັດທະຍົມຕອນປາຍລົງເລິກວິຊາສະເພາະ ວິ້ງຟຸກ.
 |
| ເປີດກວ້າງກາລະໂອກາດພົບປະແລກປ່ຽນວັດທະນະທຳ ແລະ ສິລະປະຂອງອິນເດຍ ຢູ່ແຂວງວິ້ງຟຸກ. ພາບ: thoidai.com.vn |
ລາຍການແລກປ່ຽນວັດທະນະທຳ-ສິລະປະແມ່ນຂົວເຊື່ອມຕໍ່ໃນການເປີດກວ້າງການພົບປະແລກປ່ຽນວັດທະນະທຳລະຫວ່າງປະຊາຊົນອິນເດຍ ແລະ ປະຊາຊົນແຂວງວິ້ງຟຸກ, ປະກອບສ່ວນເພີ່ມທະວີການພົວພັນມິດຕະພາບລະຫວ່າງສອງປະເທດ ຫວຽດນາມ - ອິນເດຍ.
ການພົບປະແລກປ່ຽນກັບບັນດາກຸ່ມດົນຕີອິນເດຍ, ຄະນະສິລະປະໂຮງຮຽນ ມັດທະຍົມຕອນປາຍລົງເລິກວິຊາສະເພາະ ວິ້ງຟຸກ ໄດ້ສະແດງຫຼາຍບົດເພງຍ້ອງຍໍ ບ້ານເກີດເມືອງນອນ ແລະ ປະເທດຊາດເຊັ່ນ: “ວິ້ງຟຸກ, ບ້ານເກີດຂອງນ້ອງ”, “ຄົ້ນຫາ”, “ຄວາມປາດຖະໜາ”, “ວັນໃໝ່”…
ຕາມຄະນະຈັດຕັ້ງແລ້ວ, ລາຍການແລກປ່ຽນວັດທະນະທຳ, ສິລະປະລະຫວ່າງກຸ່ມດົນຕີອິນເດຍ “ດົນຕີ Parinday ແຫ່ງຈິດໃຈ” ແລະ ໂຮງຮຽນ ມັດທະຍົມຕອນປາຍລົງເລິກວິຊາສະເພາະ ວິ້ງຟຸກ ໄດ້ປະກອບສ່ວນສຳຄັນເຂົ້າໃນການເປີດກວ້າງການພົບປະແລກປ່ຽນວັດທະນະທຳລະຫວ່າງປະຊາຊົນອິນເດຍ ແລະ ປະຊາຊົນວິ້ງຟຸກ; ປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອ ແລະ ເພີ່ມທະວີການຮ່ວມມືໃນຫຼາຍຂົງເຂດລະຫວ່າງ ວິ້ງຟຸກ ແລະ ບັນດາຄູ່ຮ່ວມມືອິນເດຍ ເວົ້າສະເພາະ ແລະ ລະຫວ່າງ ຫວຽດນາມ ແລະ ອິນເດຍ ເວົ້າລວມ.
ບູນມີ
