| ອາຊີບເຮັດຫູຕຽວຢູ່ນະຄອນ ເກິນເທີ | |
| ນະຄອນໂຮ່ຈີມິນ ແລະ ສິງກະໂປ ເພີ່ມທະວີການຮ່ວມມືພັດທະນາແຫຼ່ງຊັບພະຍາກອນມະນຸດ |
 |
| ທ່ານຮອງປະທານຄະນະກຳມະການປະຊາຊົນນະຄອນໂຮ່ຈິມິນ ຫວໍວັນຮວານ ກ່າວຄຳເຫັນທີ່ພິທີ |
ກ່າວຄຳເຫັນທີ່ພິທີ, ທ່ານຫົວໜ້າສະຖານກົງສູນໃຫຍ່ ສິງກະໂປ ປະຈຳນະຄອນ ໂຮ່ຈີມິນ Ray Kho ໃຫ້ຮູ້ວ່າ ຍ້ອນການສົມທົບກັນລະຫວ່າງບັນດາມາດຕະການຄຸ້ມຄອງນະໂຍບາຍ ແລະ ສາທາລະນະສຸກປະຊາຄົມ, ສິງກະໂປ ໄດ້ຜ່ານຜ່າພະຍາດໂຄວິດ - 19 ແລະ ປັດຈຸບັນບັນລຸໄດ້ສັນຍານທີ່ຕັ້ງໜ້າຫຼາຍຢ່າງ.
ກ່ຽວກັບການພົວພັນລະຫວ່າງ ສິງກະໂປ - ຫວຽດນາມ, ທ່ານຫົວໜ້າສະຖານກົງສູນໃຫຍ່ ສິງກະໂປ ປະຈຳນະຄອນ ໂຮ່ຈີມິນ Ray Kho ຢັ້ງຢືນວ່າ ນັບແຕ່ເວລາສອງປະເທດສ້າງຕັ້ງການພົວພັນທາງການທູດໃນໄລຍະ 50 ປີກ່ອນ, ການພົວພັນສອງຝ່າຍຍາມໃດກໍ່ດີງາມ ແລະ ພັດທະນາຢ່ງແຮງໃນທຸກຂົງເຂດ, ຈາກເສດຖະກິດ, ການເມືອງຕະຫຼອດຮອດວັດທະນະທຳ. ສິງກະໂປຍັງແມ່ນນັກລົງທຶນ FDI ໃຫຍ່ທີ່ສຸດຢູ່ ຫວຽດນາມ ໃນ 2 ປີຜ່ານມາ ແລະ 6 ເດືອນຕົ້ນປີນີ້.
ຕາມ ທ່ານຫົວໜ້າສະຖານກົງສູນໃຫຍ່ ສິງກະໂປ ປະຈຳນະຄອນ ໂຮ່ຈີມິນ Ray Kho ແລ້ວ, ການພົວພັນຄູ່ຮ່ວມມືການຄ້າລະຫວ່າງສອງຝ່າຍຍາມໃດກໍ່ພັດທະນາແບບຍືນຍົງ, ວົງເງິນການຄ້າສອງຝ່າຍບັນລຸໄດ້ 19,6 ຕື້ USD ໃນປີ 2021. ຢູ່ນະຄອນໂຮ່ຈີມິນ, ຈົນຮອດເດືອນກໍລະກົດ ປີ 2022, ສິງປະໂປຍັງແມ່ນນັກລົງທຶນແຖວໜ້າດ້ວຍໂຄງການໃໝ່ 70 ໂຄງການ ດ້ວຍຍອດເງິນລົງທຶນຂຶ້ນເຖິງ 116 ລ້ານ USD.
ໂດຍຕາງໜ້າໃຫ້ອຳນາດການປົກຄອງ ແລະ ປະຊາຊົນນະຄອນໂຮ່ຈິມິນ, ທ່ານຮອງປະທານຄະນະກຳມະການປະຊາຊົນນະຄອນໂຮ່ຈິມິນ ຫວໍວັນຮວານ ຕີລາຄາສູງການພົວພັນລະຫວ່າງນະຄອນ ໂຮ່ຈີມິນ ກັບບັນດາທ້ອງຖິ່ນຂອງສິງກະໂປ ດ້ວຍທີ່ຕັ້ງພູມສາດໃກ້ຊິດຕິດພັນ, ພ້ອມກັນແບ່ງປັນວັດທະນະທຳທີ່ຄ້າຍຄືກັນ, ພ້ອມກັນມີຄວາມສາມາດບົ່ມຊ້ອນໃນການຮ່ວມມືດ້ານການບໍລິການ, ການຄ້າ ແລະ ການຜະລິດຕື່ມອີກ. ສິງກະໂປ ໂດຍມີເປົ້າໝາຍກາຍເປັນນະຄອນ - ປະເທດຊາດທົ່ວໂລກ ແລະ ນະຄອນໂຮ່ຈິມິນ ດ້ວຍວິໄສທັດກາຍເປັນໜຶ່ງໃນບັນດາສູນເສດຖະກິດ, ການເງິນ ແລະ ການຄ້າຂອງພາກພື້ນ ທີ່ສາມາດແບ່ງປັນບັນດາລະດັບການຮ່ວມມື ແລະ ໜູນຊ່ວຍເຊິ່ງກັນ ແລະ ກັນໃນການປະຕິບັດບັນດາຄາດໝາຍຂອງຕົນ.
ຕາມທ່ານ ຫວໍວັນຮວານ ແລ້ວ, ໃນດ້ານເສດຖະກິດ, ສິງກະໂປ ແມ່ນປະເທດທີ່ມີທຶນຈົດທະບຽນລົງທຶນຕ່າງປະເທດໃຫຍ່ທີ່ສຸດຢູ່ນະຄອນ ໂຮ່ຈີມິນ ແລະ ເປັນຄູ່ຮ່ວມມືການຄ້າໃຫຍ່ອັນດັບສອງໃນຫຼາຍປີຕິດຕໍ່ກັນ. ນັບແຕ່ປີ 1988 ເປັນຕົ້ນມາ, ສິງກະໂປມີ 1.487 ໂຄງການຈົດທະບຽນຢູ່ນະຄອນໂຮ່ຈິມິນ ດ້ວຍຍອດຈຳນວນທຶນປະມານ 11,9 ຕື້ USD. ໃນປີ 2021, ເຖິງວ່າຈະໄດ້ຮັບຜົນກະທົບຈາກໂລກລະບາດກໍ່ຕາມ, ແຕ່ຍອດວົງເງິນການຄ້າສອງສົ້ນລະຫວ່າງນະຄອນໂຮ່ຈິມິນ ແລະ ສິງກະໂປ ຍັງບັນລຸເກືອບ 8 ຕື້ USD.
ບຸນຄົງ
