| ກຸ່ມບໍລິສັດ AIA (ອາເມລິກາ) ໃຫ້ຄຳໝັ້ນສັນຍາປະກອບສ່ວນຢ່າງຍາວນານໃຫ້ແກ່ການພັດທະນາຂອງ ຫວຽດນາມ | |
| ສະຖານທູດ ຫວຽດນາມ ໄດ້ປະສົບຜົນສຳເລັດດີເລີດ ໃນວາລະດຳລົງຕຳແໜ່ງເປັນປະທານຄະນະກຳມະການ ອາຊຽນ ທີ່ Prague |
ຫວ່າງມໍ່ໆມານີ້, ຢູ່ສະຖານທູດ, ທ່ານເອກອັກຄະລັດຖະທູດຫວຽດນາມ ປະຈຳ ອາເມລິກາ ຫງວຽນກວກຢຸງ ໄດ້ເປັນປະທານພິທີມອບຮັບບັນດາວັດຖຸພັນ ແລະ ວັດຖຸບູຮານຈຳນວນໜຶ່ງຈາກກົມສືບສວນ ອາເມລິກາ (FBI) ໂດຍມີການເປັນສັກຂີພິຍານຂອງຜູ້ຕາງໜ້າກະຊວງການຕ່າງປະເທດ ແລະ ກະຊວງປ້ອງກັນຄວາມສະຫງົບພາຍໃນອາເມລິກາ ແລະ ບັນດາອົງການສື່ມວນຊົນຫວຽດນາມ ຢູ່ນະຄອນຫຼວງວໍຊິງຕັນ ດີຊີ, ອາເມລິກາ.
 |
| ສະຖານທູດ ຫວຽດນາມ ປະຈຳ ອາເມລິກາ ໄດ້ຮັບເອົາບັນດາວັດຖຸພັນ, ວັດຖຸບູຮານຈາກ FBI. ພາບ: TTXVN |
ກ່າວຄຳເຫັນທີ່ພິທີ, ຜູ້ຕາງໜ້າ FBI ໃຫ້ຮູ້ວ່າ, ໂດຍຜ່ານຂະບວນການສືບສວນ, ກອງສືບສວນສະກັດກັ້ນ, ຕ້ານອາດຊະຍາກໍາວັດທະນະທຳ ແລະ ສິລະປະຂອງ FBI ໃນປີ 2013 – 2014, ໃນເຫດຍຶດເອົາວັດຖຸບູຮານວັດທະນະທຳໃຫຍ່ທີ່ສຸດໃນປະຫວັດສາດ FBI ໄດ້ຄົ້ນພົບ ແລະ ຍຶດເອົາວັດຖຸພັນວັດທະນະທຳ 7.000 ກວ່າຢ່າງທີ່ຖືກເກັບຮັກສາຢ່າງຜິດກົດໝາຍໂດຍພົນລະເມືອງອາເມລິກາ.
ຜູ້ນີ້ກ່ອນເສຍຊີວິດໄດ້ສະແດງຄວາມປາດຖະໜາຢາກສົ່ງຄືນວັດຖຸພັນ ແລະ ວັດຖຸບູຮານວັດທະນະທຳໃຫ້ແກ່ຊຸມຊົນ ແລະ ປະເທດຕົ້ນກຳເນີດ.
ພາຍຫຼັງການແບ່ງປະເພດ, ເກັບຮັກສາ ແລະ ສົມທົບກັນປະເມີນກັບຜູ້ຊ່ຽວຊານ ເພື່ອກຳນົດແຫຼ່ງກຳເນີດຂອງວັດຖຸພັນ ແລະ ວັດຖຸບູຮານດັ່ງກ່າວ, FBI ໄດ້ກວດພົບວັດຖຸບູຮານຂອງຫວຽດນາມ ຈໍານວນໜຶ່ງ, ລະອຽດຄື: ໝໍ້ໜຶ້ງ 1 ໜ່ວຍ, ເຄື່ອງມື 1 ຊຸດ ລວມມີ ທອງແດງ 8 ປ່ຽງ ແລະ ຂວານຫີນ 1 ອັນ ເຊິ່ງຍັງບໍ່ທັນກຳນົດໄດ້ວ່າຢູ່ໃນຍຸກສະໄໝໃດ ແລະ ຢາກສົ່ງກັບຄືນໃຫ້ລັດຂອງຫວຽດນາມ.
ບູນມີ
