 |
| ທ່ານ ຟ້າມເຕີນຮ່ວາ, ຮອງປະທານຄະນະກຳມະການປະຊາຊົນແຂວງ ລອງອານ ໃຫ້ການຄຕ້ອນຮັບ ນາງງາມໂລກ 2018-Miss H'hen Nie (ພາບ: TTXVN) |
ຄະນະກຳມະການປະຊາຊົນແຂວງ ລອງອານ ໄດ້ເຊື້ອເຊີນນາງງາມ ຫວຽດນາມ 2017, Top 5 ນາງງາມໂລກ 2018-Miss H'hen Nie ເປັນທູດຮັບຜິດຊອບວຽກງານສື່ສານຂອງສັບປະດາວັດທະນະທຳ-ທ່ອງທ່ຽວປີ 2022.
ທ່ານ ຟ້າມເຕີນຮ່ວາ, ຮອງປະທານຄະນະກຳມະການປະຊາຊົນແຂວງ ໃຫ້ຮູ້ວ່າ: ສັບປະດາວັດທະນະທຳ - ທ່ອງທ່ຽວ 2022 ແມ່ນເຫດການໃຫຍ່, ເປັນຄັ້ງທຳອິດທີ່ລອງອານໄດ້ຈັດຕັ້ງ, ເຊິ່ງຈະດຳເນີນແຕ່ວັນທີ 7-21 ກັນຍາ.
ດ້ວຍຫົວຂໍ້ວ່າ “ການທ່ອງທ່ຽວ ລອງອານ ປອດໄພ, ເປັນມິດ ແລະ ດຶງດູດໃຈ”, ສັບປະດາວັດທະນະທຳ - ທ່ອງທ່ຽວ ລອງອານ 2022 ຈະດຳເນີນໄປດ້ວຍເນື້ອໃນ ແລະ ລາຍການທີ່ອຸດົມສົມບູນ ແລະ ດຶງດູດໃຈຫຼາຍອັນຄື: ພິທີເປີດດ້ວຍຫົວຂໍ້ “ລອງອານ ຄວາມປາດຖະໜາຂອງແມ່ນ້ຳວາມ”; ຖະຫວາຍທູບທຽນສະເຫຼີມສະຫຼອງ 55 ປີແຫ່ງວັນແຂວງ ລອງອານ ໄດ້ຮັບນາມມະຍົດ “ກ້າຫານ, ຊື່ສັດ, ຢືດໝັ້ນ, ທົ່ວປວງຊົນຕໍ່ສູ້ຕ້ານສັດຕູ” (17 ກັນຍາ 1967 – 17 ກັນຍາ 2022); ງານບຸນຕາມຖະຫນົນ; ງານບຸນອາຫານຕາມທ້ອງຖະໜົນ, ອາຊີບຫັດຖະກຳພື້ນເມືອງ; ງານວາງສະແດງສິນຄ້າ OCOP ຢູ່ແຂວງລອງອານ ປີ 2022; ສະຖານທີ່ວາງສະແດງການຂຽນຕົວອັກສອນພື້ນເມືອງ ແລະ ການແລກປ່ຽນທຳນອງຮ້ອງເພງເດີນກາຕ່າຍຕື; ການປະກວດ "ນາງງາມແມ່ນ້ໍາວາມ" ໃນປີ 2022...
ຕາມທ່ານ ຟ້າມເຕິນຮ່ວາ ແລ້ວ, ການຈັດຕັ້ງສັບປະດາວັດທະນະທຳ - ທ່ອງທ່ຽວປີ 2022 ເພື່ອແນໃສ່ປະກອບສ່ວນພັດທະນາການທ່ອງທ່ຽວລອງອານ. ບັນດາການເຄື່ອນໄຫວດັ່ງກ່າວໄດ້ປະກອບສ່ວນສ້າງຈຸດພົ້ນເດັ່ນໃຫ້ແກ່ການພັດທະນາການທ່ອງທ່ຽວໃນປີ 2022 ໂດຍຕິດພັນກັບການປົກປັກຮັກສາ ແລະ ສົ່ງເສີມຄຸນຄ່າວັດທະນະທຳ, ປະຫວັດສາດ, ຊັບພະຍາກອນທຳມະຊາດ, ທຳມະຊາດ ແລະ ໝູ່ບ້ານຫັດຖະກຳພື້ນເມືອງຂອງທ້ອງຖິ່ນ.
ລອງອານ ໄດ້ເພີ່ມທະວີ ແລະ ຜັນຂະຫຍາຍບັນດາການເຄື່ອນໄຫວໂຄສະນາບັນດາທ່າແຮງບົ່ມຊ້ອນດ້ານການທ່ອງທ່ຽວ ເພື່ອດຶງດູດ ແລະ ລະດົມແຫຼ່ງກຳລັງລົງທຶນພັດທະນາພື້ນຖານໂຄງລ່າງການທ່ອງທ່ຽວ, ຍົກສູງຄວາມຮັບຮູ້, ຊຸກຍູ້ການທ່ອງທ່ຽວ, ໜູນຊ່ວຍປະຊາຊົນເຂົ້າຮ່ວມການບໍລິການທ່ອງທ່ຽວ. ຈາກນັ້ນ, ກໍໄດ້ສ້າງເງື່ອນໄຂສະດວກໃຫ້ບັນດາສະຖານທີ່ທ່ອງທ່ຽວ, ດຳເນີນທຸລະກິດທ່ອງທ່ຽວ, ໂຮງແຮມ, ໝູ່ບ້ານຫັດຖະກຳພື້ນເມືອງ ເພື່ອຮ່ວມມືພັດທະນາການທ່ອງທ່ຽວ, ໂຄສະນາບັນດາຍີ່ຫໍ້ ແລະ ຜະລິດຕະພັນໃຫ້ແຂກທ່ອງທ່ຽວພາຍໃນ ແລະ ຕ່າງປະເທດ.
ບຸນຄົງ
