| ການທ່ອງທ່ຽວຫວຽດນາມ ຍາມລະດູແລ້ງ - ການທ່ອງທ່ຽວທີ່ເປັນໜ້າລອງໃນຊີວິດ | |
| ສາມນະຄອນ ຫວຽດນາມ ຖືກຈັດເຂົ້າ Top ສະຖານທີ່ທ່ອງທ່ຽວ ອາຊີຕາເວັນອອກສ່ຽງໃຕ້ |
 |
| ພາບປະກອບ: baochinhphu.vn |
ຕາມຂໍ້ມູນຈາກ Google ແລ້ວ, ຈຳນວນການເຂົ້າຊອກຫາກ່ຽວກັບການທ່ອງທ່ຽວຫວຽດນາມ ຂອງແຂກທ່ອງທ່ຽວສາກົນສືບຕໍ່ເພີ່ມຂຶ້ນຜ່ານແຕ່ລະເດືອນ. ຕົ້ນເດືອນມີນາ, ຈຳນວນການເຂົ້າຊອກຫາກ່ຽວກັບບ່ອນພັກເຊົາທ່ອງທ່ຽວແມ່ນ 25 ສະຖານທີ່, ຮອດຕົ້ນເດືອນກໍລະກົດ ບັນລຸກ່ວາ 100 ສະຖານທີ່.
ທ່າອ່ຽງກໍຄ້າຍຄືກັນສຳລັບຈຳນວນການຊອກຫາກ່ຽວກັບການບິນສາກົນ ມາຍັງຫວຽດນາມ. ຕົ້ນເດືອນກໍລະກົດ ປີ 2022, ຈຳນວນການຊອກຫາໄດ້ເພີ່ມຂຶ້ນທົບ 3 ເທົ່າເມື່ອທຽບໃສ່ກັບຈຸດເວລາຕົ້ນເດືອນມີນາ ປີ 2022.
ຕາມການລາຍງານດັດສະຊີກຳລັງຄວາມສາມາດພັດທະນາການທ່ອງທ່ຽວທົ່ວໂລກປີ 2021 ຂອງເວທີປາໄສເສດຖະກິດໂລກ (WEF), ລະດັບການເຕີບໂຕຂອງບັນດາດັດຊະນີກຳລັງຄວາມສາມາດພັດທະນາຂອງການທ່ອງທ່ຽວ ຫວຽດນາມ ສູງຢູ່ອັນດັບທີ 3 ໂລກ, ໃນນັ້ນມີ 6 ດັດຊະນີ ໄດ້ຈັດຕັ້ງກຸ່ມແຖວໜ້າທົ່ວໂລກ.
ຫວຽດນາມ ກໍ່ຢືນຢູ່ອັນດັບທີ 2 ໃນໂລກ ກ່ຽວກັບລະດັບຄວາມເຊື່ອໝັ້ນໃນການທ່ອງທ່ຽວຜ່ານດັດຊະນີຄວາມເຊື່ອໝັ້ນກ່ຽວກັບການທ່ອງທ່ຽວ (Travel Confidence Index) ໂດຍ Booking.com ຫາກໍ່ປະກາດ. ໂຮ້ຍອານ ມີໜ້າໃນ Top 10 ນະຄອນທີ່ເປັນມິດ ແລະ ມີຄວາມຮັກແພງແຂກຄົນທີ່ສຸດໃນໂລກ ປີ 2022 ຂອງ Booking.com…
ສູນຂໍ້ມູນການທ່ອງທ່ຽວໃຫ້ຮູ້ວ່າ, ການເປີດປະຕູການທ່ອງທ່ຽວຄືນໃໝ່ໄດ້ຊ່ວຍການເຄື່ອນໄຫວຂະແໜງທ່ອງທ່ຽວຟົດຟື້ນຄືນໃໝ່, ສ້າງວຽກເຮັດງານທຳໃຫ້ແກ່ຜູ້ອອກແຮງງານ ແລະ ຊຸກຍູ້ບັນດາວິສາຫະກິດ ກັບຄືນຕະຫຼາດ.
ບຸນຄົງ
