| ຫວຽດນາມ ໄດ້ຮັບລາງວັນຜົນງານດີທີ່ສຸດ ໃນງານ Olympic ຄອມພິວເຕີ ອາຊີ - ປາຊີຟິກ | |
| ທິມກິລາ Futsal ຫວຽດນາມ ກະກຽມໃຫ້ງານແຂ່ງຂັນຊິງແຊັມອາຊີຕາເວັນອອກສ່ຽງໃຕ້ ແລະ ອາຊີ 2022 |
 |
| ເວທີປາໄສ ບົວຢາວ ອາຊີ (ພາບ: baoquocte.vn) |
ໃນລະຫວ່າງວັນທີ 12 – 13 ກໍລະກົດ ຢູ່ນະຄອນ ກວາງໂຈ, ເວທີປາໄສ ບົວຢາວ ອາຊີ ໄດ້ຈັດກອງປະຊຸມຄັ້ງທຳອິດກ່ຽວກັບການປະດິດສ້າງ ແລະ ປົກປັກຮັກສາສິດຊັບສິນທາງປັນຍາ ດ້ວຍຫົວຂໍ້ "ປ່ຽນແປງໃໝ່ວິທະຍາສາດ ແລະ ເຕັກໂນໂລຊີທົ່ວໂລກ ແລະ ສ້າງລະບົບຊັບສິນທາງປັນຍາ".
ທ່ານ ເຫີໂຮ້ຮົວ, ຮອງປະທານສະພາປຶກສາການເມືອງປະຊາຊົນແຫ່ງຊາດຈີນ, ປະທານເວທີປາໄສປ່ຽນແປງໃໝ່ປະດິດຄິດສ້າງວິທະຍາສາດເຕັກໂນໂລຊີສາກົນໄດ້ເຂົ້າຮ່ວມ ແລະ ເປັນປະທານກອງປະຊຸມຄົບຄະນະດ້ວຍການເຂົ້າຮ່ວມຂອງຜູ້ແທນທີ່ຕາງໜ້າ 20 ກວ່າປະເທດ (ສ.ເກົາຫຼີ, ຈີນ, ຍີ່ປຸ່ນ, ໄທ, ມາເລເຊຍ, ລາວ ແລະ ອື່ນໆ).
ກອງປະຊຸມປຶກສາຫາລືໄດ້ສຸມໃສ່ບັນຫາທ່າອ່ຽງປ່ຽນແປງໃໝ່ວິທະຍາສາດເຕັກໂນໂລຊີສາກົນ, ຊັບສິນທາງປັນຍາດ້ານພື້ນຖານເສດຖະກິດດີຈີຕອນ, ການປ່ຽນແປງໃໝ່ປະດິດຄິດສ້າງ ແລະ ການພັດທະນາສີຂຽວຢູ່ເຂດອ່າວກວາງຕຸງ - ຮົງກົງ - ມາກາວ, ສິ່ງທ້າທາຍ ແລະ ກາລະໂອກາດໃນຂົງເຂດຊັບສິນທາງປັນຍາ…
ຜູ້ຕາງໜ້າສະຖານກົງສຸນໃຫຍ່ຫວຽດນາມ ປະຈຳກວາງໂຈ ໄດ້ເຂົ້າຮ່ວມກອງປະຊຸມ ແລະ ແນະນຳກ່ຽວກັບບົດບາດຂອງຊັບສິນທາງປັນຍາໃນຂະບວນການປ່ຽນແປງໃໝ່ປະດິດສ້າງຢູ່ຫວຽດນາມ, ຄວາມສຳຄັນຂອງການຍົກສູງຄວາມຮັບຮູ້ກ່ຽວກັບຊັບສິນທາງປັນຍາ - ພື້ນຖານຊຸກຍູ້ການປະດິດສ້າງ ແລະ ນະໂຍບາຍຈຳນວນໜຶ່ງທີ່ຕິດພັນກັບການປ່ຽນແປງໃໝ່ປະດິດສ້າງຢູ່ຫວຽດນາມ; ສະເໜີການຄົ້ນຄວ້າສ້າງກົນໄກການຮ່ວມມືສອງຝ່າຍ ແລະ ຫຼາຍຝ່າຍ ເພື່ອຊຸກຍູ້ການປະສານງານລະຫວ່າງບັນດາປະເທດໃນພາກພື້ນອາຊີໃຫ້ປະກົດຜົນເປັນຈິງ ແລະ ມີປະສິດທິຜົນ.
ເມື່ອແລກປ່ຽນກັບຜູ້ຕາງໜ້າຫ້ອງການວິທະຍາສາດ ແລະ ເຕັກໂນໂລຢີຫວຽດນາມ ຢູ່ ກວາງໂຈ, ທ່ານລີບາວດົງ, ເລຂາທິການຂອງເວທີປາໄສຖືວ່າ ພະຍາດໂຄວິດ - 19 ໄດ້ຊຸກຍູ້ວິວັດການສ້າງໂຄງປະກອບປ່ຽນແປງໃໝ່ທົ່ວໂລກຄືນໃໝ່, ປັດຈຸບັນ ອາຊີພວມແມ່ນໜຶ່ງໃນບັນດາພາກພື້ນຕັ້ງໜ້າທີ່ສຸດໃນທົ່ວໂລກ ກ່ຽວກັບການເຄື່ອນໄຫວປ່ຽນແປງໃໝ່, ໃນນັ້ນ ຈີນສວມບົດບາດຫຼັກແຫຼ່ງ.
ໃນຊຸມປີມໍ່ໆມານີ້, ການປ່ຽນແປງໃໝ່ເຕັກໂນໂລຢີ ແມ່ນຂົງເຂດຈຸດສຸມຂອງເວທີປາໄສປົວອາວ ທີ່ສະຫງວນໃຫ້ແກ່ອາຊີ, ໃນນັ້ນໄລຍະຈະມາເຖິງ ເວທີປາໄສນີ້ຈະສືບຕໍ່ຈັດຕັ້ງບັນດາກອງປະຊຸມທີ່ກ່ຽວຂ້ອງການປ່ຽນແປງໃໝ່ປະດິດຄິດສ້າງເພື່ອໃຫ້ບັນດາປະເທດມີກາລະໂອກາດແບ່ງປັນ, ຮ່ຳຮຽນປະສົບການເຊິ່ງກັນແລະກັນ ແລະ ສ້າງຍຸດທະສາດພັດທະນາປ່ຽນແປງໃໝ່ປະດິດຄິດສ້າງປະເທດໃຫ້ເໝາະສົມ.
ບຸນຄົງ
