 |
| ທ່ານຮອງນາຍົກລັດຖະມົນຕີ ຫວຽດນາມ ບຸ່ຍແທັງເຊີນ ຕ້ອນຮັບທ່ານ ໄຊຊະນະ ສິດທິພອນ ຮອງລັດຖະມົນຕີກະຊວງເຕັກໂນໂລຢີ ແລະ ການສື່ສານ ລາວ (ພາບ: VOV) |
ນະທີ່ນີ້, ທ່ານຮອງນາຍົກລັດຖະມົນຕີ ສະເໜີໃຫ້ກະຊວງວິທະຍາສາດ ແລະ ເຕັກໂນໂລຢີ ຫວຽດນາມ ແລະ ກະຊວງເຕັກໂນໂລຢີ ແລະ ການສື່ສານລາວ ສືບຕໍ່ສົມທົບກັນຢ່າງແໜ້ນແຟ້ນເພື່ອຜັນຂະຫຍາຍປະຕິບັດ, ຫັນເອກະສານຮ່ວມມືທີ່ໄດ້ລົງນາມແລ້ວເປັນລະອຽດ ແລະ ມີປະສິດທິຜົນ, ໂດຍສະເພາະແມ່ນການຮ່ວມມືກ່ຽວກັບວິທະຍາສາດ, ເຕັກໂນໂລຢີ, ນະວັດຕະກຳ, ຫັນເປັນດີຈີຕອນ - ບັນດາເນື້ອໃນສຳຄັນໃນແຜນການເຊື່ອມຕໍ່ສອງພື້ນຖານເສດຖະກິດ. ທ່ານຮອງນາຍົກລັດຖະມົນຕີ ບຸ່ຍແທັງເຊີນ ຢັ້ງຢືນວ່າ: ຫວຽດນາມ ພ້ອມແລ້ວທີ່ຈະແບ່ງປັນບົດຮຽນປະສົບການກັບ ລາວ ກ່ຽວກັບການພັດທະນາວິທະຍາສາດ - ເຕັກໂນໂລຢີ, ນະວັດຕະກຳ ແລະ ຫັນເປັນດີຈີຕອນ; ຢັ້ງຢືນຄວາມພ້ອມຮ່ວມມືກັບລາວໃນການພັດທະນາແຫຼ່ງບຸກຄະລາກອນວິທະຍາສາດ - ເຕັກໂນໂລຢີ, ສ້າງລະບົບນິເວດ startup , ສູນຂໍ້ມູນ, ຊຸກຍູ້ການຮ່ວມມືຢູ່ບັນດາເວທີປາໄສພາກພື້ນ ແລະ ສາກົນກ່ຽວກັບຄວາມປອດໄພທາງໄຊເບີ.
ສ່ວນທ່ານ ໄຊຊະນະ ສິດທິພອນ ຮອງລັດຖະມົນຕີກະຊວງເຕັກໂນໂລຢີ ແລະ ການສື່ສານ ລາວ ປາດຖະໜາວ່າ ຫວຽດນາມ ຈະແບ່ງປັນບົດຮຽນປະສົບການ, ໜູນຊ່ວຍລາວໃນການໝູນໃຊ້ປັນຍາປະດິດ, ສ້າງສູນຂໍ້ມູນ, ຫັນເປັນດີຈີຕອນ, ສ້າງລັດຖະບານດີຈີຕອນ, ເສດຖະກິດດີຈີຕອນ, ສັງຄົມດີຈີຕອນ, ພັດທະນາແຫຼ່ງຊັບພະຍາກອນມະນຸດ.
ໃນຂອບເຂດເຂົ່າຮ່ວມເວທີປາໄສຄັ້ງນີ້, ຕອນບ່າຍຂອງວັນດຽວກັນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຕ້ອນຮັບຜູ້ຕາງໜ້າບັນດາວິສາຫະກິດໃນລະບົບນິເວດສູນການເງິນສາກົນປະຈຳ ຫວຽດນາມ. ນະທີ່ນີ້, ບັນດາຜູ້ແທນຂອງກຸ່ມບໍລິສັດ, ອົງການການເງິນໃຫຍ່ໃນພາກພື້ນ ແລະ ໂລກ ໄດ້ແບ່ງປັນກ່ຽວກັບວິໄສທັດ ແລະ ຢັ້ງຢືນຄຳໝັ້ນສັນຍາຮ່ວມມື ແນໃສ່ປະກອບສ່ວນເຂົ້າໃນການສ້າງນະຄອນ ໂຮ່ຈີມິນ ກາຍເປັນສູນການເງິນສາກົນແຖວໜ້າໃນພາກພື້ນ, ຜ່ານນັ້ນ ຊຸກຍູ້ການພັດທະນາເສດຖະກິດ - ສັງຄົມແບບຍືນຍົງຂອງປະເທດຊາດ.
ຕາມ vovworld.vn
https://vovworld.vn/lo-LA/ຂາວເດນ/ຫວຽດນາມ-ລາວ-ຊກຍການຮວມມທາງດານວທະຍາສາດ-ເຕກໂນໂລຢ-ຫນເປນດຈຕອນ-1444006.vov
 | ນັກທຸລະກິດແມ່ຍິງຫວຽດນາມ: ບຸກເບີກໃນການຫັນເປັນດິຈິຕອນ ແລະ ການພັດທະນາແບບຍືນຍົງ ຍສໝ - ໃນສະພາບການນະວັດຕະກຳ ແລະ ການຫັນປ່ຽນດີຈີຕອນ ລະເບີດຂຶ້ນ, ບັນດານັກທຸລະກິດແມ່ຍິງຫວຽດນາມ ໄດ້ຢືນຢັນທີ່ຕັ້ງທີ່ສຳຄັນນັບມື້ນັບສູງຂຶ້ນ. ແມ່ຍິງຫວຽດນາມ ພວມພິສູດໃຫ້ເຫັນວ່າເຂົາເຈົ້າບໍ່ພຽງແຕ່ເປັນພື້ນຖານດ້ານຫຼັງອັນໜັກແໜ້ນເທົ່ານັ້ນ, ຫາກຍັງເປັນກຳລັງບຸກເບີກໃນການນຳເສດຖະກິດຫວຽດນາມ ຂຶ້ນສູ່ລະດັບສູງໃໝ່ໃນຍຸກໃໝ່. |
 | ການຫັນເປັນດິຈິຕອນຂອງຫວຽດນາມເຂົ້າສູ່ໄລຍະເລັ່ງລັດ, ປະສິດທິຜົນ ແລະ ໃກ້ຊິດກັບປະຊາຊົນ ຍສໝ - ໄວຂຶ້ນເພື່ອບໍ່ໃຫ້ພາດຈັງຫວະຂອງເວລາ. ມີປະສິດທິພາບຫຼາຍຂຶ້ນເພື່ອໃຫ້ທຸກຊັບພະຍາກອນສາມາດນໍາໃຊ້ໄດ້. ໃກ້ຊິດກັບປະຊາຊົນເພື່ອໃຫ້ຊາວຫວຽດນາມທຸກຄົນແບ່ງປັນໝາກຜົນແຫ່ງການພັດທະນາ. ນັ້ນແມ່ນເສັ້ນທາງແຫ່ງການຫັນເປັນດີຈີຕອນຮອບດ້ານທີ່ຫວຽດນາມ ແມ່ນ ແລະ ຈະປະຕິບັດຢ່າງໝັ້ນຄົງ. |
ຕາມ vovworld.vn
