ອິນເດຍ ແລະ ຫວຽດນາມ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການໜູນຊ່ວຍດ້ານພະລາທິການ, ອະນຸຍາດໃຫ້ມີນໍາໃຊ້ຖານທີ່ໝັ້ນການທະຫານຂອງກັນ. ສື່ມວນຊົນອິນເດຍ ໃຫ້ຄຳເຫັນວ່າ, ນີ້ແມ່ນຂໍ້ຕົກລົງໃຫຍ່ທຳອິດໃນຂົງເຂດນີ້ທີ່ ຫວຽດນາມ ໄດ້ລົງນາມກັບປະເທດອື່ນ.
 |
| ທ່ານນາງຮອງໂຄສົກກະຊວງການຕ່າງປະເທດຫວຽດນາມ ຟ້າມທູຮັ່ງ. ພາບ: baochinhphu.vn |
ເມື່ອຕອບຄຳຖາມຂອງນັກຂ່າວກ່ຽວກັບເລື່ອງ ຫວຽດນາມ ມີຈຸດປະສົງຈະລົງນາມໃນຂໍ້ຕົກລົງທີ່ຄ້າຍຄືກັນກັບປະເທດອື່ນໃນພາກພື້ນເຊັ່ນ: ຈີນ ແລະ ອົດສະຕາລີ ຫຼືບໍ, ທ່ານນາງຮອງໂຄສົກກະຊວງການຕ່າງປະເທດຫວຽດນາມ ຟ້າມທູຮັ່ງ ຊີ້ແຈ້ງວ່າ:
ດ້ວຍນະໂຍບາຍປ້ອງກັນຊາດສັນຕິພາບ, ປ້ອງກັນຕົວ, ຫວຽດນາມ ໄດ້ຮ່ວມມືດ້ານປ້ອງກັນຊາດກັບຫຼາຍປະເທດ, ພ້ອມກັນປະກອບສ່ວນເຂົ້າໃນສັນຕິພາບ, ຄວາມໝັ້ນຄົງ, ສະຖຽນລະພາບ, ການຮ່ວມມື ແລະ ພັດທະນາຂອງພາກພື້ນ ແລະ ໃນໂລກ.
ບູນມີ
