ວັນທີ 18 ກໍລະກົດ, ທ່ານນາງ ເຈືອງທິມາຍ, ຫົວໜ້າຄະນະຈັດຕັ້ງສູນກາງໄດ້ດຳເນີນກອງປະຊຸມທາງໄກກັບທ່ານ Chenxi ຫົວໜ້າຄະນະຈັດຕັ້ງສູນກາງ, ຜູ້ອຳນວຍການໂຮງຮຽນພັກສູນກາງພັກກອມມູນິດຈີນ.
 |
| ຜັນຂະຫຍາຍແຜນການຮ່ວມມືດ້ານບຳລຸງສ້າງພະນັກງານລະຫວ່າງພັກກອມມູນິດຫວຽດນາມ ແລະ ພັກກອມມູນິດຈີນ ຢ່າງມີປະສິດທິຜົນ. ພາບ: TTXVN |
ທີ່ການພົບປະເຈລະຈາ, ທ່ານນາງ ເຈືອງທິມາຍ ຢືນຢັນວ່າ, ພັກ ແລະ ລັດ ຫວຽດນາມ ໄດ້ສະເໜີໃຫ້ 2 ຝ່າຍສືບຕໍ່ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ຮັກສາການແລກປ່ຽນ ແລະ ການພົບປະຂັ້ນສູງ; ຍູ້ແຮງການພົວພັນຮ່ວມມືຢ່າງແທດຈິງ ແລະ ຕ່າງຝ່າຍຕ່າງມີຜົນປະໂຫຍດລະຫວ່າງສອງຝ່າຍ, ພິເສດແມ່ນໃນຂົງເຂດເສດຖະກິດ, ການຄ້າ ແລະ ການລົງທຶນ; ພ້ອມກັນຮັກສາສະພາບແວດລ້ອມສັນຕິພາບແລະຄວາມຫມັ້ນຄົງ. ກ່ຽວກັບການພົວພັນຮ່ວມມືລະຫວ່າງຄະນະຈັດຕັ້ງສູນກາງສອງປະເທດ, ທ່ານນາງ ເຈືອງທິມາຍ ປາດຖະໜາວ່າ 2 ຝ່າຍຈະສືບຕໍ່ຜັນຂະຫຍາຍຢ່າງມີປະສິດທິຜົນກ່ຽວກັບແຜນການຮ່ວມມືບຳລຸງສ້າງພະນັກງານລະຫວ່າງ 2 ພັກໃນໄລຍະໃໝ່ຢ່າງຕັ້ງໜ້າ.
ທ່ານ Chenxi ຢືນຢັນວ່າ, ຈີນ ຢັ້ງຢືນກຽມພ້ອມກັບຫວຽດນາມ ປະຕິບັດຄວາມຮັບຮູ້ລວມຂັ້ນສູງ, ຜ່ານການກະທຳລະອຽດ, ເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດເລິກເຊິ່ງກ່ວາອີກ; ສະເໜີໃຫ້ສອງຝ່າຍ ລົງເລິກໃນາການແລກປ່ຽນດ້ານທິດສະດີ ແລະ ພຶດຕິກໍາຕົວຈິງກ່ຽວກັບການກໍ່ສ້າງພັກໃນສະພາບການໃໝ່; ສົມທົບກັນຈັດຕັ້ງປະຕິບັດບັນດາໂຄງການ ແລະ ແຜນການຮ່ວມມືບໍາລຸງສ້າງລະຫວ່າງສອງພັກ.
2 ຝ່າຍເຫັນດີເປັນເອກະສັນສືບຕໍ່ສົມທົບກັນຢ່າງແໜ້ນແຟ້ນ ແລະ ມານະ ພະຍາຍາມກ່ວາອີກ ເພື່ອປະຕິບັດບັນດາຂໍ້ຕົກລົງຂອງການນຳຂັ້ນສູງສອງພັກ, ສອງປະເທດ, ເພື່ອແນໃສ່ນຳສາຍພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ ພັດທະນາຢ່າງບໍລິສຸດ, ໝັ້ນຄົງ ແລະ ຍືນຍົງ, ເພື່ອຜົນປະໂຫຍດອັນຍາວນານຂອງສອງພັກ, ສອງປະເທດ ແລະ ປະຊາຊົນສອງປະເທດ.
ບູນມີ
